Sarwar kahoon ke malik o maula kahoon tujhe
Baagh e Khaleel ka gul e zeba kahoon tujhe
Hirmaan naseeb hun tujhe ummid gah kahoon
Jaan e muraad o kaan e tamanna kahoon tujhe
Gulzaar e quds ka gul e rangeen ada kahoon
Darmaan e dard e bulbul e shaida kahoon tujhe
Sarwar kahoon ke malik o maula kahoon tujhe
Baagh e Khaleel ka gul e zeba kahoon tujhe
Subh e watan pe shaam e gharibaan ko doon sharaf
Bekas nawaaz gesuon waala kahoon tujhe
Allah re tere jism e munawwar ki taabishein
Aay jaan e jaan mein jaan e tajallaa kahoon tujhe
Sarwar kahoon ke malik o maula kahoon tujhe
Baagh e Khaleel ka gul e zeba kahoon tujhe
Be daagh laalah ya qamar e be kalaf kahoon
Be khaar gulban e chaman aara kahoon tujhe
Mujrim hun apne ‘afw ka saamaan karoon shahaa
Ya’ni shafi’ roz e jazaa ka kahoon tujhe
Sarwar kahoon ke malik o maula kahoon tujhe
Baagh e Khaleel ka gul e zeba kahoon tujhe
Is murdah dil ko muzhdah haiaat e abad ka doon
Taab o tawaan e jaan e masiha kahoon tujhe
Tere toh wasf’ayb e tanaahi se hain baree
hairan hoon mere shaah main kya kya kahoon tujhe
Sarwar kahoon ke malik o maula kahoon tujhe
Baagh e Khaleel ka gul e zeba kahoon tujhe
Keh legi sab kuch unke sanaakhwaan ki khaamoshi
Chup ho raha hai keh kay main kya kya kahoon tujhe
Lekin Raza ne khatm e sukhan is pe kardiya
Khaaliq ka bandah khaalq ka Aaqa kahoon tujhe
Sarwar kahoon ke malik o maula kahoon tujhe
Baagh e Khaleel ka gul e zeba kahoon tujhe
سرور کہوں کہ مالک و مَولیٰ کہوں تجھے
باغِ خلیل کا گلِ زَیبا کہوں تجھے
حرماں نصیب ہوں تجھے امیدْ گَہ کہوں
جانِ مراد و کانِ تَمَنّا کہوں تجھے
گلزارِ قدس کا گلِ رنگیں اَدا کہوں
دَرمانِ دَرْدِ بُلبُلِ شیدا کہوں تجھے
صبح وَطن پہ شامِ غریباں کو دُوں شَرَف
بیکس نواز گیسووں والا کہوں تجھے
اللہ رے تیرے جسمِ منوّر کی تابِشیں
اے جانِ جاں میں جانِ تجلّا کہوں تجھے
بے داغ لالہ یا قمرِ بے کَلَفْ کہوں
بے خار گلبنِ چمن آرا کہوں تجھے
مجرم ہُوں اپنے عفو کا ساماں کروں شہا
یعنی شفیعْ روزِ جزا کا کہوں تجھے
اِس مُردہ دل کو مژدہ حیاتِ ابد کا دُوں
تاب و توانِ جانِ مسیحا کہوں تجھے
تیرے تو وَصفْ عیبِ تناہی سے ہیں بَری
حیراں ہُوں میرے شاہ میں کیا کیا کہوں تجھے
کہہ لے گی سب کچھ اُن کے ثناخواں کی خامُشی
چپ ہو رہا ہے کہہ کے میں کیا کیا کہوں تجھے
لیکن رضاؔ نے ختمْ سخن اس پہ کر دیا
خالِق کا بندہ خلق کا آقا کہوں تجھے