Sar ta ba qadam hai tane sultane zaman phool
Lab phool dahan phool zaqan phool badan phool
Sadqe mein tere baagh to kya laaye hain ban phool
Iss ghuncha e dil ko bhi to emaa ho ke ban phool
Tinka bhi hamare to hilaaye nahi hilta
tum chaaho to ho jaaye abhi koh e mihan phool
Wallah jo mal jaaye mere gul ka paseena
Maange na kabhi itr na phir chahe dulhan phool
Dil basta o khoon gushtah na khushboo na lataafat
Kyun ghuncha kahoon hai mere Aaqa ka dahan phool
Sar ta ba qadam hai tane sultane zaman phool
Lab phool dahan phool zaqan phool badan phool
Shab yaad thi kin daanton ki shabnam ke dam e subah
Shokhaan e bahaari ke juraao hain kiran phool
Dandaan o lab o zulf o rukh e sheh ke fidaayi
Hain dur e adan la’al e yaman mushk e khutan phool
Boo ho ke nihaan hogaye taab e rukh e sheh mein
Lau ban gaye hain ab to haseenon ka dahan phool
Hoon baar e gunaah se na khajal dosh e azeezaan
Lillah meri na’ash kar aay jaan e chaman phool
Sar ta ba qadam hai tane sultane zaman phool
Lab phool dahan phool zaqan phool badan phool
Dil apna bhi shaidayi hai us naakhun e paa ka
Itna bhi mah e nau pe na aay charkh e kohan phool
Dil khol ke khoon role gham e aariz e sheh mein
Nikle to kahin hasrat e khoon na ba shudan phool
Kya ghaazah mila garde Madinah ka jo hai aaj
Nikhre hue jo ban mein qiyamat ki phaban phool
Garmi yeh qiyamat hai ke kaante hain zubaan par
Bulbul ko bhi aya saaqi e sehba o laban phool
Sar ta ba qadam hai tane sultane zaman phool
Lab phool dahan phool zaqan phool badan phool
hai kaun keh girya kare ya fatiha ko aaye
Bekas kay uthaie teri rehmat kay bharan phool
Dil gham tujhe ghere hain khuda tujh ko wo chamkaye
Sooraj tere khirman ko bane teri kiran phool
Kya baat Raza is chamanistaan e karam ki
Zahra hai kali jis mein Hussain aur Hasan phool
Sar ta ba qadam hai tane sultane zaman phool
Lab phool dahan phool zaqan phool badan phool
سر تا بقدم ہے تن سُلطانِ زَمن پھول
لب پھول دَہن پھول ذَقن پھول بدن پھول
صدقے میں تِرے باغ تو کیا لائے ہیں ’’بن‘‘ پھول
اِس غُنْچۂ دل کو بھی تو اِیما ہو کہ بن پھول
تنکا بھی ہمارے تو ہلائے نہیں ہلتا
تم چاہو تو ہو جائے ابھی کوہِ محن پھول
وَاللہ جو مَل جائے مِرے گل کا پسینہ
مانگے نہ کبھی عِطْر نہ پھر چاہے دُلہن پھول
دِل بستہ و خُوں گشتہ نہ خوشبُو نہ لطافت
کیوں غنچہ کہوں ہے مِرے آقا کا دَہن پھول
شب یاد تھی کن دانتوں کی شبنم کہ دَمِ صبح
شوخانِ بہاری کے جڑاؤ ہیں کرن پھول
دندان و لب و زلف و رُخِ شہ کے فِدائی
ہیں دُرِّ عدن، لعلِ یمن، مُشکِ ختن پھول
بو ہو کہ نہاں ہو گئے تابِ رُخِ شہ میں
لَو بن گئے ہیں اب تو حسینوں کا دہن پھول
ہوں بارِ گنہ سے نہ خجل دوشِ عزیزاں
ﷲ مِری نعش کر اے جانِ چمن پھول
دِل اپنا بھی شیدائی ہے اس ناخنِ پا کا
اتنا بھی مہِ نو پہ نہ اے چرخ کُہن! پھول
دِل کھول کے خُوں رو لے غمِ عارضِ شہ میں
نکلے تو کہیں حسرتِ خوں نابہ شدن پھول
کیا غازہ مَلا گردِ مدینہ کا جو ہے آج
نِکھرے ہوئے جوبن میں قیامت کی پھبن پھول
گرمی یہ قیامت ہے کہ کانٹے ہیں زباں پر
بلبل کو بھی اے سَاقیٔ صہبَا و لبن پھول
ہے کون کہ گِریہ کرے یا فاتحہ کو آئے
بیکس کے اُٹھائے تِری رحمت کے بھرن پھول
دل غم تجھے گھیرے ہیں خدا تجھ کو وہ چمکائے
سُورج تِرے خرمن کو بنے تیری کرن پھول
کیا بات رضاؔ اُس چمنستانِ کرم کی
زہرا ہے کلی جس میں حُسین اور حسن پھول