Mustafa Jane Rehmat Pe Lakhon Salam Lyrics Urdu/English

Mustafa Jane Rehmat Pe Lakhon Salam Lyrics Urdu

Mustafa Jane Rehmat Pe Lakhon Salam Lyrics Urdu

By Ala Hazrat Imam Ahmed Raza Khan

Mustafa Jane Rehmat Pe Lakhon Salam Full Audio By Rafiue Raza Qadri

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Mehr e charkh e nubuwat pe roushan Durood
Gul e baagh e risaalat pe lakhon salam

Shehreyaar e iram taajdaare Haram
Nau bahaar e shafaa’at pe lakhon salam

Shab e asraa ke dulhaa pe daaim Durood
Nausha e bazm e Jannat pe lakhon salam

‘Arsh ki zeb o zeenat pe ‘arshi Durood
Farsh ki teeb o nuzhat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Noor e ain e lataafat pe altaf Durood
Zaib o zain e nazaafat pe lakhon salam

Sarw e naaz e qidam maghz e raaz e hikam
Yakkah taaz e fazilat pe lakhon salam

Nukta e sirre wahdat pe yaktaa Durood
Markaz e daur e kasrat pe lakhon salam

Saahib e raj’at e shams o shaqq ul qamar
Naaib e dast e qudrat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Jiske zer e liwaa Aadam o man siwa
Uss sazaa e siyadat pe lakhon salam

‘Arsh taa farsh hai jiske zere nageen
Uski qaahir riyaasat pe lakhon salam

Asl e har bood o bahbood takhm e wujood
Qaasim e kanze ne’mat pe lakhon salam

Fat he e baab e nubuwat pe be had Durood
Khatm e daur e risaalat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Sharq e anwaar e qudrat pe noori Durood
Fatq e azhaar e qurbat pe lakhon salam

Be saheem o qaseem o adeel o maseel
Jouhar e fard e izzat pe lakhon salam

Sir e ghaib e hidaayat pe ghaibi Durood
‘Itr e jaib e nihaayat pe lakhon salam

Maahe laahoot e khalwat pe lakhon Durood
Shahe naasoot e jalwat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Kanz e har be kaso benawaa par Durood
Hirz e har raftah taaqat pe lakhon salam

Partaw e isme zaat e ahad par Durood
Nuskha e jaame’iyyatpe lakhon salam

Matla’ e har sa’aadat pe as’ad Durood
Maqta’ e har siyaadat pe lakhon salam

Khalq ke daadras sabke faryaad ras
Kahf e roz e musibat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Mujhse be kas ki daulat pe lakhon Durood
Mujhse be bas ki quwwat pe lakhon salam

Sham’ e bazm e danaa hoo mein gum kun anaa
Sharh e matn e huwiyyat pe lakhon salam

Intiha e dowi ibtidaa e yakee
Jam’ e tafreeq o kasrat pe lakhon salam

Kasrat e ba’d e qillat pe aksar Durood
Izzat e ba’d e zillat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Rabb e a’laa ki ne’mat pe a’laa Durood
Haq Ta’aala ki minnat pe lakhon salam

Hum ghareebon ke Aaqa pe be had Durood
Hum faqeeron ki sarwat pe lakhon salam

Farhat e jaan e momin pe be had Durood
Ghaiz e qalb e zalaalat pe lakhon salam

Sabab e har sabab muntahaa e talab
‘Illate jumlah ‘illat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Masdar e mazhariyyat pe azhar Durood
Mazhar e masdariyyat pe lakhon salam

Jiske jalwe se murjhaayi kaliyan khilin
Uss ghul e paak mambat pe lakhon salam

Qad e be saaya ke saaya e marhamat
Zill e mamdood e raafat pe lakhon salam

Taairaan e qudus jiski hain qamriyaan
Us sahi sarwe qaamat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Wasf jiska hai aayina e Haqnuma
Us Khuda saaz tal’at pe lakhon salam

Jiske aage sar e sarwaraan kham rahein
Uss sar e taaj e rif’at pe lakhon salam

Woh karam ki ghataa gesu e mushk saa
Lakkah abr e raafat pe lakhon salam

Lailat ul qadr mey matla’il /q/r e Haq
Maang ki istiqaamat pe lakhon salam

Lakht lakht e dil e har jigar chaak se
Shaanah karne ki haalat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Door o nazdeek ke sun ne waaley woh kaan
Kaan e la’1 e karaamat pe lakhon salam

Chashma e mehr mey mawj e noor e jalaal
Us rag e haashimiyyat pe lakhon salam

Jiske maathe shafaa’at ka sehra raaha
Us jabeen e sa’aadat pe lakhon salam

Jinke sajde ko mehraab e ka’aba jhuki
Unn bhawon ki lataafat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Unki aankhon pe woh saaya afgan muzhah
Zullahe qasr e rahmat pe lakhon salam

Ashkbaari e mizhgaan pe barse Durood
Silk e dur e shafaa’atpe lakhon salam

Ma’ani e qad ra aa maqsad e maa taghaa
Nargis e baagh e qudrat pe lakhon salam

Jiss taraf utth gayi dam mey dam aa gaya
Us nigaah e ‘inayat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Nichee nazron ki sharm o haiaa par Durood
Oonchi beeni ki rif’at pe lakhon salam

Jinke aage charaaghe qamar jhilmilaaye
Un ‘izaaro ki tal’at pe lakhon salam

Unke khad ki suhoolat pe be had Durood
Unke qad ki rashaaqat pe lakhon salam

Jis se taareek dil jagmagaane lage
Us chamak waali rangat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Chaand se munh pe taabaan darkhshaan Durood
Namak aagin sabaahat pe lakhon salam

Shabnam e baagh e Haq ya’ni rukh ka araq
Uski sachhi baraaqat pe lakhon salam

Khat ki girde dahan woh dilara phaban
Sabzah e nehr e rehmat pe lakhon salam

Reesh e khush mu’tadil marham e reesh e dil
Haalah e maah e nudrat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Patli patli gul e quds ki pattiyaan
Un labon ki nazaakat pe lakhon salam

Wo dahan jiski har baat wahiy e Khuda
Chashmah e ‘ilmo hikmat pe lakhon salam

Jiske paani se shaadaab jaan o jinaan
Uss dahan ki taraawat pe lakhon salam

Jis se khaari kunwe sheera e jaan bane
Us zulaal e halaawat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Woh zabaan jisko sab kun ki kunji kahein
Uski naafiz hukoomat pe lakhon salam

Uski pyaari fasaahat pe be had Durood
Uski dilkash balaaghat pe lakhon salam

Uski baaton ki lazzat pe lakhon Durood
Uske khutbe ki haibat pe lakhon salam

Woh du’a jis kaa joban bahaar e qubool
Us naseem e ijaabat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Jin ke guchche se lachche jharein noor ke
Un sitaaron ki nuzhat pe lakhon salam

Jiski taskeen se rote huwe hans parein
Us tabassum ki ‘aadat pe lakhon salam

Jis mey nehrein hain sheero shakar ki rawaan
Us gale ki nazaarat pe lakhon salam

Dosh bar dosh hai jin se shaan e sharaf
Aise shaanon ki shaukat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Hajr e aswad e Ka’aba e jaan o dil
Ya’ni mohr e nubuwat pe lakhon salam

Roo e aainah e ‘ilm e pasht e Huzoor
Pushti e qasr e millat pe lakhon salam

Haath jis samt uttha ghanee kar diya
Mouj e bahr e samaahat pe lakhon salam

Jisko baare do ‘aalam ki parwaa nahin
Aise baazoo ki quwwat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Ka’aba e deen o imaan ke dono sutoon
Saa’idayn e risaalat pe lakhon salam

Jis ke har khat mein hai mouj e noor e karam
Us kaf e bahr e himmat pe lakhon salam

Noor ke chashme lehraayein dariyaa bahein
Ungliyon ki karamat pe lakhon salam

‘Eid e mushkil kushaayi ke chamke hilaal
Naakhunon ki bishaarat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Raf’ e zikr e jalalat pe arfa’ Durood
Sharh e sadr e sadaarat pe lakhon salam

Dil samajh se waraa hai magar yoon kahoon
Ghunchah e raaz e wahdat pe lakhon salam

Kul jahaan milk aur jaw ki roti ghizaa
Uss shikam ki qanaa’at pe lakhon salam

Jo keh ‘azme shafaa’at pe khinch kar bandhi
Us kamar ki himaayat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Ambiya teh kare zaanu unke Huzoor
Zaanuon ki wajaahat pe lakhon salam

Saaq e asl e qadam shaakh e nakhl e karam
Sham’ e raah e isaabat pe lakhon salam

Khaayi Quraan ne khaak e guzar ki qasam
Us kaf e paa ki hurmat pe lakhon salam

Jis suhaani ghari chamka taibah ka chaand
Us dil afroz saa’at pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Pehle sajde pe rouz e azal se Durood
Yaadgari e ummatpe lakhon salam

Zar’ e shaadaab o har zar’ e pur sheer se
Barakaate razaa’at pe lakhon salam

Bhaiyon ke liye tark pistaan karein
Doodh peeto ki nisfat pe lakhon salam

Mahd e waala ki qismat pe sad haa Durood
Burj e maah e risaalat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Allah Allah woh bachpane ki phaban!
Us Khuda bhaati soorat pe lakhon salam

Utthte booton ki nashw o numa par Durood
Khilte ghunchon ki nikhat pe lakhon salam

Fazl e paidaaishi par hamesha Durood
Khelne se karaahat pe lakhon salam

I’tilaa e jibillat pe ‘aala Durood
I’tidaal e tawiyyat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Be banaavat adaa par hazaaron Durood
Be takalluf malaahat pe lakhon salam

Bheeni bheeni mahak par mahakti Durood
Pyaari pyaari nafaasat pe lakhon salam

Meethi meethi ‘ibaarat pe sheereen Durood
Achhi achhi ishaarat pe lakhon salam

Seedhi seedhi rawish par karoron Durood
Saadi saadi tabi’at pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Roz e garm o shab e teerah o taar mein
Koh o sahraa ki khalwat pe lakhon salam

Jis ke ghere mein hain ambiyaa o malak
Us jahaangeer e be’sat pe lakhon salam

Andhe sheeshe jhalaajhal damakne lagey
Jalwah rezi e da’wat pe lakhon salam

Lutf e be daari e shab pe be had Durood
‘Aalam e khwab e raahat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Khandah e subh e ‘ishrat pe noori Durood
Giryah e abr e rehmat pe lakhon salam

Narmi e khoo e leenat pe daaim Durood
Garmi e shaan e satwat pe lakhon salam

Jiske aagey khinchi gardanein jhuk gayin
Us Khuda daad shoukat pe lakhon salam

Kisko dekhaa yeh Moosa se poochey koyi
Aankhon waalon ki himmat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Gard e mah dast e anjum mey rakhshaan hilaal
Badr ki daf e zulmat pe lakhon salam

Shor e takbeer se thar tharaati zameen
Jumbishe jaish e nusrat pe lakhon salam

Na’rahaa e dileraan se ban goonjte
Gurrish e kos e jura’atpe lakhon salam

Woh chaqaa chaaq khanjar se aati sadaa
Mustafa teri sawlat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Unke aagey woh Hamzah ki jaanbaaziyan
Sher e gurrane satvat pe lakhon salam

Al gharaz unke har moo pe lakhon Durood
Un ki har khoo o khaslat pe lakhon salam

Un ke har naam o nisbat pe naami Durood
Un ke har waqt o haalat pe lakhon salam

Unke Maula ki un par karoron Durood
Unke as haabo ‘itratpe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Paarahaaye suhuf ghunchahaa e qudus
Ahl e bait e nubuwat pe lakhon salam

Aab e tat heer se jis mein paude jame
Uss riyaz e najaabat pe lakhon salam

Khoon e khair ur Rusul se hai jinka khameer
Un ki be lous teenat pe lakhon salam

Uss batul e jigar paarah e Mustafa
Hajlah aara e ‘iffat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Jis kaa aanchal nah dekha mah o meher ney
Uss ridaa e nazaahat pe lakhon salam

Sayyida zaahira tayyibah taahirah
Jaan e Ahmad ki raahat pe lakhon salam

Hasan e Mujtaba sayyidul askhiyaa
Raakib e dosh e izzat pe lakhon salam

Awj e mehr e hudaa mawj e bahr e nadaa
Rowh rooh e sakhaawat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Shehd khwaare lu’aab e zabaan e Nabi
Chaashni geer e ‘ismat pe lakhon salam

Uss shaheed e balaa shaah e gulgoon qabaa
Be kas e dasht e ghurbat pe lakhon salam

Durr e durj e najaf mehr e burj e sharaf
Rang e roo e shahaadat pe lakhon salam

Ahl e Islaam ki maadaran e shafeeq
Baanuwaan e tahaarat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Jilwagiyyaan e bait ush sharaf par Durood
Parwagiyyaan e ‘iffat pe lakhon salam

Siyyema pahli maan kahf e amn o amaan
Haq guzaar e rafaaqat pe lakhon salam

‘Arsh se jis pe tasleem naazil hui
Us saraa e salamat pe lakhon salam

Manzillun min qqasab laaa nasab la sakhab
Aise kooshak ki zeenat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Bint e Siddeeq aaraam e jaan e Nabi
Us hareem e baraa at pe lakhon salam

Ya’ni hai soorah e noor jin ki gawaah
Unki pur noor soorat pe lakhon salam

Jin mein rooh ul qudus be ijaazat nah jaaye
Un suraadiq ki ‘ismat pe lakhon salam

Sham’ e taabaan e kaashaanah e ijtihaad
Mufti e chaar millat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Jaan nisaaran e Badr o Uhud par Durood
Haq guzaaraan e bai’at pe lakhon salam

Woh dason jin ko Jannat ka muzda mila
Uss mubaarak jamaa’at pe lakhon salam

Khaas uss saabiq e sair e qurb e Khuda
Awhad e kaamiliyyatpe lakhon salam

Saaya e Mustafa Maaya e Istafaa
Izz o naaz e khilaafat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Ya’ni uss afzal ul khalq ba’d ar Rusul
Thaani yathnain e hijrat pe lakhon salam

Asdaq us Saadiqeen sayyidul muttaqeen
Chashm o gosh e wizaarat pe lakhon salam

Woh umar jis ke a’da pe shaidaa saqar
Uss Khuda dost Hazrat pe lakhon salam

Faariq e Haqq o baatil imaam ul huda
Taigh e masloole shiddat pe lakhon salam

Tarjumaan e Nabi ham zabaan e nabi
Jaan e shaan e ‘adaalat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Zaahid e Masjid e Ahmadi par Durood
Doulat e jaishe ‘usrat pe lakhon salam

Durr e mansoor Quraan ki silk e bahee
Zouj e do noor e ‘iffat pe lakhon salam

Yaani Usmaan saahib e kamees e huda
Hullah powshe shahaadat pe lakhon salam

Murtaza sher e Haq ashja ‘ul ashja’in
Saaqi e sheer o sharbat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Asl e nasl e safaa wajh e wasl e Khuda
Baab e fasle wilaayat pe lakhon salam

Awwalin daaf’ e ahle rafz o khurooj
Chaarumi rukn e millat pe lakhon salam

Sheer e shamsheer zan shaah e khaibar shikan
Partaw e dast e qudrat pe lakhon salam

Maahi e rafz o tafzeel o nasb o khurooj
Haami e deen o sunnat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Mo’minin peshe fath o pase fath sab
Ahl e khairo ‘adaalat pe lakhon salam

Jis musalmaan ne dekha unhe ik nazar
Uss nazar ki basaarat pe lakhon salam

Jinke dushman pe laanat hai Allah ki
Un sab ahl e muhabbat pe lakhon salam

Baaqi e saaqiyaan e sharaab e tahoor
Zain e ahl e ‘ibadat pe lakhon salam

Aur jitne hain shehzaade uss shaah ke
Un sab ahl e makaanat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Unki baalaa sharaafat pe aa’la Durood
Unki waala siyaadat pe lakhon salam

Shafa’i Maalik Ahmad Imaam e Haneef
Chaar baagh e imamat pe lakhon salam

Kaamilaan e tareeqat pe kaamil Durood
Haamilaan e shari’at pe lakhon salam

Ghouse a’azam imaamuttuqaa wannuqaa
Jalwah e shaan e qudrat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Qutb e abdaal o irshaad o rushdur rashaad
Muhyi e Deen o millat pe lakhon salam

Mard e khaile tareeqat pe behad Durood
Farde ahl e haqeeqat pe lakhon salam

Jiski mimbar bani gardan e awliyah
Uss qadam ki karamat pe lakhon salam

Shah e barkaato barkaate peshiniyaan
Nou bahar e tareeqat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Sayyid aale Muhammad imaamur rasheed
Gul e rouz e riyaazat pe lakhon salam

Hazrat e Hamza shere Khuda wa Rasool
Zeenat e Qaadriyat pe lakhon salam

Naam o kaam o tan o jaan o haal o maqaal
Sab mein achhe ki soorat pe lakhon salam

Noor e jaan itre majmu’ah Aal e Rasool
Mere Aaqa e ne’mat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Zaib e sajjaadah sajjaade noori nihaad
Ahmad e Noor teenat pe lakhon salam

Be azaab o ‘itaab o hisaab o kitaab
Ta abad Ahle Sunnat pe lakhon salam

Tere un dosto ke tufail aay Khuda
Banda e nang e khalqat pe lakhon salam

Mere ustaad maa baap bhai behen
Ahl e wuld o ‘ashirat pe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

Ek mera hi rahmat mein da’waa nahin
Shaah ki saari ummat pe lakhon salam

Kaash mahshar me jab unki aamad ho aur
Bheje sab unki showkat pe lakhon salam

Mujhse khidmat ke qudsi kahein haan Raza
Mustafa jaan e rahmatpe lakhon salam

Mustafa Jane Rehmat Pe Lakhon Salam
Sham’ e bazm e hidaayat pe lakhon salam

مصطفیٰ جانِ رحمت پہ لاکھوں سلام

شمعِ بزمِ ہدایت پہ لاکھوں سلام


مِہرِ چَرخِ نبوت پہ روشن درود

گُلِ باغِ رِسالت پہ لاکھوں سلام


شہریارِ اِرَم تاجْدارِ حرم

نَوبہارِ شفاعت پہ لاکھوں سلام


شبِ اَسریٰ کے دولہا پہ دائم درود

نَوشۂ بزمِ جنت پہ لاکھوں سلام


عرش کی زیب و زینت پہ عرشی درود

فرش کی طِیْب و نُزہَت پہ لاکھوں سلام


نورِ عَینِ لَطافَت پہ اَلْطَف درود

زیب و زَینِ نَظافَت پہ لاکھوں سلام


سَروِ نازِ قِدَم مغزِ رازِ حِکَم

یَکَّہ تازِ فضیلت پہ لاکھوں سلام


نقطۂ سِرِّ وَحدت پہ یکتا درود

مرکزِ دورِ کثرت پہ لاکھوں سلام


صاحبِ رَجعتِ شمس و شَقُّ القمر

نائبِ دستِ قدرت پہ لاکھوں سلام


جس کے زیرِ لِوا آدم و من سِوا

اس سَزائے سیادت پہ لاکھوں سلام


عرش تا فرش ہے جس کے زیرِ نگیں 

اس کی قاہِر ریاست پہ لاکھوں سلام


اصلِ ہر بُود و بَہبُودْ تُخمِ وُجُود

قاسمِ کَنزِ نعمت پہ لاکھوں سلام


فتحِ بابِ نبوت پہ بے حد درود

ختمِ دورِ رسالت پہ لاکھوں سلام


شَرقِ انوارِ قدرت پہ نوری درود

فَتْقِ اَزہارِ قُربت پہ لاکھوں سلام


بے سہِیم و قَسِیم و عدیل و مَثِیل

جوہرِ فردِ عزّت پہ لاکھوں سلام


سِرِّ غیبِ ہدایت پہ غیبی درود

عطرِ جَیبِ نِہایت پہ لاکھوں سلام


ماہِ لاہُوتِ خَلْوَت پہ لاکھوں درود

شاہِ ناسُوتِ جَلْوَت پہ لاکھوں سلام


کَنزِ ہر بے کس و بے نوا پر درود

حِرزِ ہر رَفتہ طاقت پہ لاکھوں سلام


پَرتَوِ اسمِ ذاتِ اَحد پر درود

نسخۂ جامِعِیَّت پہ لاکھوں سلام


مَطلعِ ہر سعادت پہ اَسْعَد درود

مَقْطعِ ہر سِیادت پہ لاکھوں سلام


خَلق کے دادْرَس سب کے فریادْرَس

کہفِ روزِ مصیبت پہ لاکھوں سلام


مجھ سے بے کس کی دولت پہ لاکھوں درود

مجھ سے بے بس کی قوت پہ لاکھوں سلام


شمعِ بزمِ دَنٰی ہُو میں گم کُن اَنا

شَرْحِ مَتنِ ہُوِیَّت پہ لاکھوں سلام


اِنتہائے دوئی اِبتِدائے یکی

جمعِ تفریق و کثرت پہ لاکھوں سلام


کثرتِ بعدِ قِلّت پہ اکثر درود

عزّتِ بعدِ ذِلّت پہ لاکھوں سلام


ربِّ اَعلیٰ کی نعمت پہ اعلیٰ درود

حق تعالیٰ کی مِنَّت پہ لاکھوں سلام


ہم غریبوں کے آقا پہ بے حد درود

ہم فقیروں کی ثَروَت پہ لاکھوں سلام


فَرحتِ جانِ مومن پہ بے حد درود

غَیظِ قلبِ ضَلالت پہ لاکھوں سلام


سببِ ہر سبب مُنتہائے طلب

عِلَّتِ جُملہ علت پہ لاکھوں سلام


مَصدرِ مَظْہَرِیَّت پہ اَظہر درود

مَظْہَرِ َمصْدَرِیَّت پہ لاکھوں سلام


جس کے جلوے سے مرجھائی کلیاں کھلِیں 

اُس گلِ پاکْ مَنْبت پہ لاکھوں سلام


قدِّ بے سایہ کے سایۂ مَرحمت

ظِلِّ مَمدُودِ رافَت پہ لاکھوں سلام


طائرانِ قُدُس جس کی ہیں قُمرِیَّاں 

اس سہی سَرْو قامت پہ لاکھوں سلام


وصف جس کا ہے آئینۂ حق نُما

اس خدا ساز طَلْعَت پہ لاکھوں سلام


جس کے آگے سرِ سَروَراں خَم رہیں 

اس سرِ تاجِ رِفعت پہ لاکھوں سلام


وہ کرم کی گھٹا گیسوئے مشک سا

لَکَّۂ اَبرِ رأفَت پہ لاکھوں سلام


لَیْلَۃُ الْقَدْر میں مَطْلَعِ الْفَجْر حق

مانگ کی اِستِقامت پہ لاکھوں سلام


لخت لختِ دلِ ہر جگر چاک سے

شانہ کرنے کی حالت پہ لاکھوں سلام


دور و نزدیک کے سننے والے وہ کان

کانِ لَعلِ کَرامت پہ لاکھوں سلام


چشمۂ مِہر میں موجِ نورِ جَلال

اس رگِ ہاشْمِیَّت پہ لاکھوں سلام


جس کے ماتھے شفاعت کا سہرا رہا

اس جَبِینِ سَعادت پہ لاکھوں سلام


جن کے سجدے کو محرابِ کعبہ جھکی

ان بھَووں کی لَطافَت پہ لاکھوں سلام


اُن کی آنکھوں پہ وہ سایہ اَفگن مِژَہ

ظُلَّۂ قَصرِ رحمت پہ لاکھوں سلام


اَشکباریٔ مِژگاں پہ برسے درود

سِلکِ دُرِّ شفاعت پہ لاکھوں سلام


معنی ٔ قَدْ رَاٰیّ مَقصدِ ما طغٰی

نَرگِسِ باغِ قدرت پہ لاکھوں سلام


جس طرف اٹھ گئی دم میں دم آ گیا

اس نگاہِ عِنایَت پہ لاکھوں سلام


نیچی نظروں کی شرم و حیا پر درود

اونچی بِینی کی رِفعت پہ لاکھوں سلام


جن کے آگے چراغِ قَمر جِھلمِلائے

ان عِذاروں کی طَلعَت پہ لاکھوں سلام


اُن کے خَد کی سُہُولت پہ بے حد درود

ان کے قَد کی رَشاقَت پہ لاکھوں سلام


جس سے تاریک دل جگمگانے لگے

اس چمک والی رنگت پہ لاکھوں سلام


چاند سے منھ پہ تاباں دَرَخشاں درود

نمک آگِیں صَباحَت پہ لاکھوں سلام


شَبنمِ باغِ حق یعنی رُخ کا عَرَق

اس کی سچی بَرَاقَت پہ لاکھوں سلام


خط کی گِردِ دَہن وہ دل آرا پھَبن

سبزۂ نہرِ رحمت پہ لاکھوں سلام


رِیشِ خوش مُعْتَدِل مرہمِ رِیشِ دل

ہالۂ ماہِ نُدرت پہ لاکھوں سلام


پتلی پتلی گلِ قُدس کی پتیاں 

اُن لبوں کی نَزاکت پہ لاکھوں سلام


وہ دَہن جس کی ہر بات وَحیِ خدا

چشمۂ علم و حکمت پہ لاکھوں سلام


جس کے پانی سے شاداب جان و جِناں 

اس دَہن کی طَراوَت پہ لاکھوں سلام


جس سے کھاری کنویں شِیرۂ جاں بنے

اس زُلال حَلاوَت پہ لاکھوں سلام


وہ زباں جس کو سب کن کی کنجی کہیں 

اس کی نافذ حکومت پہ لاکھوں سلام


اس کی پیاری فصاحت پہ بیحد درود

اس کی دِلکَش بَلاغت پہ لاکھوں سلام


اس کی باتوں کی لذّت پہ لاکھوں درود

اس کے خطبے کی ہَیبت پہ لاکھوں سلام


وہ دعا جس کا جوبَن بہارِ قبول

اس نسیمِ اِجابَت پہ لاکھوں سلام


جن کے گچّھے سے لچّھے جھڑیں نور کے

ان ستاروں کی نُزہَت پہ لاکھوں سلام


جس کی تسکیں سے روتے ہوئے ہنس پڑیں 

اس تبسم کی عادت پہ لاکھوں سلام


جس میں نہریں ہیں شیر و شکر کی رواں 

اس گلے کی نَضارَت پہ لاکھوں سلام


دوش بر دوش ہے جن سے شانِ شرف

ایسے شانوں کی شوکت پہ لاکھوں سلام


حجرِ اسودِ کعبۂ جان و دل

یعنی مُہرِ نبوت پہ لاکھوں سلام


روئے آئینۂ علم پشتِ حضور 

پُشتیِ قصرِ ملت پہ لاکھوں سلام


ہاتھ جس سمت اٹھا غنی کر دیا

موجِ بحرِ سَماحَت پہ لاکھوں سلام


جس کو بارِ دوعالَم کی پروا نہیں 

ایسے بازو کی قوت پہ لاکھوں سلام


کعبۂ دین و ایماں کے دونوں سُتوں 

ساعِدَیْنِ رسالت پہ لاکھوں سلام


جس کے ہر خط میں ہے موجِ نورِ کرم

اس کَفِ بحرِ ہمت پہ لاکھوں سلام


نور کے چشمے لہرائیں دریا بہیں 

انگلیوں کی کرامت پہ لاکھوں سلام


عیدِ مشکل کُشائی کے چمکے ہلال

ناخنوں کی بَشارت پہ لاکھوں سلام


رفعِ ذکرِ جَلالت پہ اَرفع درود

شَرحِ صدرِ صدارت پہ لاکھوں سلام


دل سمجھ سے ورا ہے مگر یوں کہوں 

غُنچۂ رازِ وَحدت پہ لاکھوں سلام


کل جہاں مِلک اور جَو کی روٹی غذا

اس شکم کی قناعت پہ لاکھوں سلام


جو کہ عزمِ شفاعت پہ کھنچ کر بندھی

اس کمر کی حمایت پہ لاکھوں سلام


اَنبیا تہ کریں زانو اُن کے حضور

زانووں کی وَجاہت پہ لاکھوں سلام


ساقِ اصلِ قَدم شاخِ نَخلِ کرم

شمعِ راہِ اِصابَت پہ لاکھوں سلام


کھائی قرآں نے خاکِ گُزَر کی قسم

اس کَفِ پا کی حرمت پہ لاکھوں سلام


جس سہانی گھڑی چمکا طیبہ کا چاند

اس دل اَفروز ساعت پہ لاکھوں سلام


پہلے سجدہ پہ روزِ اَزل سے درود

یادگاریِ امت پہ لاکھوں سلام


زَرْعِ شاداب و ہر ضَرْعِ پُرشِیر سے

بَرَکاتِ رضاعت پہ لاکھوں سلام


بھائیوں کے لئے ترک پِستاں کریں 

دودھ پیتوں کی نصِفت پہ لاکھوں سلام


مَہدِ والا کی قسمت پہ صَدہا درود

بُرجِ ماہِ رسالت پہ لاکھوں سلام


اللہ اللہ وہ بچپنے کی پھَبن!

اس خدا بھاتی صورت پہ لاکھوں سلام


اٹھتے بوٹوں کی نَشْو و نُما پر درود

کھلتے غنچوں کی نکہت پہ لاکھوں سلام


فضلِ پیدائشی پر ہمیشہ درود

کھیلنے سے کَراہت پہ لاکھوں سلام


اِعتِلائے جِبِلَّت پہ عالی درود

اِعتِدالِ طَوِیَّت پہ لاکھوں سلام


بے بناوٹ ادا پر ہزاروں درود

بے تَـکَلُّف مَلاحت پہ لاکھوں سلام


بھینی بھینی مہک پر مہکتی درود

پیاری پیاری نَفاست پہ لاکھوں سلام


میٹھی میٹھی عبارت پہ شیریں درود

اچھی اچھی اِشارت پہ لاکھوں سلام


سیدھی سیدھی رَوِش پر کروڑوں درود

سادی سادی طَبِیعَت پہ لاکھوں سلام


روزِ گرم و شبِ تِیرہ و تار میں 

کوہ و صَحرا کی خَلْوَت پہ لاکھوں سلام


جس کے گھیرے میں ہیں اَنبیا و مَلک

اس جہانگیر بِعثت پہ لاکھوں سلام


اندھے شیشے جَھلاجَھل دمکنے لگے

جلوہ ریزیِ دعوت پہ لاکھوں سلام


لُطفِ بیداریِ شب پہ بے حد درود

عالَمِ خوابِ راحت پہ لاکھوں سلام


خَنْدَۂ صبحِ عِشرت پہ نوری درود

گِریۂ ابرِ رحمت پہ لاکھوں سلام


نرمیِ خوئے لِینَتْ پہ دائم درود

گرمیِ شانِ سَطْوَت پہ لاکھوں سلام


جس کے آگے کھنچی گردنیں جھک گئیں 

اس خدا داد شوکت پہ لاکھوں سلام


کس کو دیکھا یہ موسیٰ سے پوچھے کوئی

آنکھوں والوں کی ہمت پہ لاکھوں سلام


گردِ مَہ دستِ اَنجم میں رَخشاں ہلال

بدر کی دفعِ ظلمت پہ لاکھوں سلام


شورِ تکبیر سے تھرتھراتی زمیں 

جُنبِشِ جَیشِ نصرت پہ لاکھوں سلام


نَعرہائے دِلیراں سے بَن گونجتے

غُرِّشِ کوسِ جرأت پہ لاکھوں سلام


وہ چَقاچاق خنجر سے آتی صدا

مصطفیٰ تیری صَولَت پہ لاکھوں سلام


اُن کے آگے وہ حمزہ کی جانبازیاں 

شیرِ غُرّانِ سَطْوَت پہ لاکھوں سلام


اَلغرض اُن کے ہر مُو پہ لاکھوں درود

ان کی ہر خُو و خَصلت پہ لاکھوں سلام


ان کے ہر نام و نسبت پہ نامی درود

اُن کے ہر وقت و حالت پہ لاکھوں سلام


ان کے مولیٰ کے اُن پر کروڑوں درود

اُن کے اَصحاب و عِترت پہ لاکھوں سلام


پارَہائے صُحُف غنچہائے قُدس

اہلِ بیتِ نبوت پہ لاکھوں سلام


آبِ تَطہِیر سے جس میں پودے جمے

اس ریاضِ نَجابَت پہ لاکھوں سلام


خونِ خَیْرُ الرُّسُل سے ہے جن کا خمِیر

اُن کی بے لَوث طِینَت پہ لاکھوں سلام


اس بتول جگر پارۂ مصطفیٰ

حَجلَہ آرائے عِفَّت پہ لاکھوں سلام


جس کا آنچَل نہ دیکھا مَہ و مِہر نے

اس رِدائے نَزاہَت پہ لاکھوں سلام


سیِّدَہ زاہِرہ طَیِّبَہ طاہِرہ

جانِ احمد کی راحت پہ لاکھوں سلام


حَسنِ مُجتبٰی سَیِّدُ الْاَسْخِیَا

راکبِ دُوشِ عزت پہ لاکھوں سلام


اَوجِ مِہرِ ہُدیٰ موجِ بَحرِ نَدیٰ

روح روحِ سخاوت پہ لاکھوں سلام


شہد خوارِ لُعابِ زبانِ نبی

چاشنی گیر عِصْمَت پہ لاکھوں سلام


اس شہیدِ بَلا شاہِ گُلگُوں قَبا

بیکسِ دَشتِ غربت پہ لاکھوں سلام


دُرِّ دُرْجِ نَجف مِہرِ بُرجِ شرف

رنگِ روئے شہادت پہ لاکھوں سلام


اہلِ اسلام کی مادَرانِ شفیق

بانُوانِ طہارت پہ لاکھوں سلام


جِلَوگِیَّانِ بَیْتُ الشَّرف پر درود

پَروگیّانِ عِفَّت پہ لاکھوں سلام


سِیّمَـا پہلی ماں کَہْفِ امن و اماں 

حق گزارِ رَفاقت پہ لاکھوں سلام


عرش سے جس پہ تسلیم نازل ہوئی

اس سَرائے سلامت پہ لاکھوں سلام


مَنْزِلٌ مِنْ قَصَبْ لَا نَصَبْ لَا صَخَبْ

ایسے کُوشَک کی زِینت پہ لاکھوں سلام


بنتِ صدِّیق آرامِ جانِ نبی

اس حریمِ بَرائَت پہ لاکھوں سلام


یعنی ہے سورۂ نور جن کی گواہ

ان کی پُرنور صورت پہ لاکھوں سلام


جن میں رُوح القُدُس بے اجازت نہ جائیں 

اُن سُرادِق کی عِصْمَت پہ لاکھوں سلام


شمعِ تابانِ کاشانۂ اِجتِہاد

مفتیِ چار ملت پہ لاکھوں سلام


جاں نثارانِ بدر و اُحد پر درود

حق گزارانِ بیعت پہ لاکھوں سلام


وہ دسوں جن کو جنت کا مُژدہ ملا

اس مبارک جماعت پہ لاکھوں سلام


خاص اس سابقِ سَیرِ قربِ خدا

اَوْحَدِ کامِلِیَّت پہ لاکھوں سلام


سایۂ مصطفیٰ مایۂ اِصطَفیٰ

عِزّ و نازِ خلافت پہ لاکھوں سلام


یعنی اُس اَفْضَلُ الْخَلْقْ بَعْدَ الرُّسُل

ثانیَ اثْنَیْن ہجرت پہ لاکھوں سلام


اَصْدَقُ الصَّادِقِیں سَیِّدُ الْمُتَّقِیں 

چشم و گوشِ وِزارت پہ لاکھوں سلام


وہ عمر جس کے اَعدا پہ شیدا سقر

اس خدا دوست حضرت پہ لاکھوں سلام


فارقِ حق و باطل امامُ الہُدیٰ

تیغِ مَسْلُولِ شدت پہ لاکھوں سلام


تَرجمانِ نبی ہَمزبانِ نبی

جانِ شانِ عدالت پہ لاکھوں سلام


زاہدِ مسجد احمدی پر درود

دولتِ جیشِ عُسرت پہ لاکھوں سلام


دُرِّ منثور قرآں کی سِلک بَہی

زَوجِ دو نور عِفَّت پہ لاکھوں سلام


یعنی عثمان صاحبِ قمیصِ ہُدیٰ

حُلَّہ پوشِ شہادت پہ لاکھوں سلام


مُرتَضیٰ شیرِ حق اَشجع الاشجَعیں 

ساقیِ شِیر و شربت پہ لاکھوں سلام


اصلِ نسلِ صفا وجہِ وَصلِ خدا

بابِ فصلِ وِلایت پہ لاکھوں سلام


اوّلیں دافِعِ اہلِ رَفْض و خروج

چارُمی رکنِ ملت پہ لاکھوں سلام


شیرِ شمشیر زَن شاہِ خَیبر شِکَن

پَرتَوِ دستِ قدرت پہ لاکھوں سلام


ماحیِ رَفض و تَفْضِیل و نَصب و خروج

حامیِ دین و سنت پہ لاکھوں سلام


مُومنیں پیشِ فَتح و پسِ فتح سب

اہلِ خیر و عدالت پہ لاکھوں سلام


جس مسلماں نے دیکھا انھیں اِک نظر

اس نظر کی بَصارت پہ لاکھوں سلام


جن کے دشمن پہ لعنت ہے اللہ کی

ان سب اہلِ محبت پہ لاکھوں سلام


باقیِ ساقِیانِ شرابِ طَہور

زَینِ اہلِ عبادت پہ لاکھوں سلام


اور جتنے ہیں شہزادے اس شاہ کے

ان سب اہلِ مَکانَت پہ لاکھوں سلام


اُن کی بالا شرافت پہ اعلیٰ درود

ان کی والا سِیادت پہ لاکھوں سلام


شافعی مالک احمد امامِ حَنیف

چار باغِ امامت پہ لاکھوں سلام


کاملانِ طریقت پہ کامل درود

حاملانِ شریعت پہ لاکھوں سلام


غوثِ اعظم امامُ التَّقٰے وَ النَّقٰے

جلوۂِ شانِ قدرت پہ لاکھوں سلام


قُطبِ اَبدال و اِرشاد و رُشدُ الرَّشاد

مُحیِ دین و ملت پہ لاکھوں سلام


مردِ خیلِ طریقت پہ بے حد درود

فَردِ اہلِ حقیقت پہ لاکھوں سلام


جس کی منبر ہوئی گردنِ اَولیا

اس قدم کی کرامت پہ لاکھوں سلام


شاہِ برکات و برکاتِ پیشینیاں 

نوبہارِ طریقت پہ لاکھوں سلام


سیّد آلِ محمد امامُ الرشید

گُلِ رَوضِ ریاضت پہ لاکھوں سلام


حضرتِ حمزہ شیرِ خدا و رسول 

زینتِ قادریت پہ لاکھوں سلام


نام و کام و تن و جان و حال و مَقال

سب میں اچھے کی صورت پہ لاکھوں سلام


نورِ جاں عِطرِ مجموعہ آلِ رسول 

میرے آقائے نعمت پہ لاکھوں سلام


زیبِ سجادہ سجّاد نوری نِہاد

احمدِ نور طِینَت پہ لاکھوں سلام


بے عذاب و عِتاب و حساب و کتاب

تا اَبد اہلِ سنت پہ لاکھوں سلام


تیرے ان دوستوں کے طفیل اے خدا

بندۂ نَنگِ خَلْقَت پہ لاکھوں سلام


میرے استاد ماں باپ بھائی بہن

اَہل وُلد و عَشیرت پہ لاکھوں سلام


ایک میرا ہی رحمت میں دعویٰ نہیں 

شاہ کی ساری امت پہ لاکھوں سلام


کاش محشر میں جب ان کی آمد ہو اور

بھیجیں سب اُن کی شوکت پہ لاکھوں سلام


مجھ سے خدمت کے قُدسی کہیں ہاں رضاؔ

مصطفیٰ جانِ رحمت پہ لاکھوں سلام

Leave a Comment

Your email address will not be published. Required fields are marked *