Kharab haal kiya dil ko pur malal kiya
Tumhare kooche se rukhsat kiya nihaal kiya
Na rooye gul abhi dekha na booye gul soonghi
Qaza ne laake qafas mein shikasta baal kiya
Woh dil ke khoon shudah armaan the jis mein mal daala
Fughaan ke gor e shahidaan ko paayemaal kiya
Kharab haal kiya dil ko pur malal kiya
Tumhare kooche se rukhsat kiya nihaal kiya
Ye raaye kya thi wahan se palatne ki aay nafs
Sitam gar ulti churi se hamain halaal kiya
Ye kab ki mujh se adawat thi tujh ko aay zaalim
Churaa ke sang e dar e paak sar wabaal kiya
Kharab haal kiya dil ko pur malal kiya
Tumhare kooche se rukhsat kiya nihaal kiya
Chaman se phenk diya aashiyana e bulbul
Ujaara khaana e be kas bara kamaal kiya
Tera sitam zadah aankhon ne kya bigaara tha
Ye kya samai ke door un se woh jamaal kiya
Kharab haal kiya dil ko pur malal kiya
Tumhare kooche se rukhsat kiya nihaal kiya
Huzoor un ke khyal e watan mitaana tha
Ham aap mit gaye ache faraagh baal kiya
Na ghar ka rakha na is dar ka haaye naa kami
Hamari be basi par bhi na kuch khyaal kiya
Kharab haal kiya dil ko pur malal kiya
Tumhare kooche se rukhsat kiya nihaal kiya
Jo dil ne mar ke jalaya tha mannato ka charaagh
Sitam ke arz rah e sar sar zawaal kiya
Madinah chor ke weerana hind ka chaya
Ye kaisa haaye hawaason ne ikhtilaal kiya
Kharab haal kiya dil ko pur malal kiya
Tumhare kooche se rukhsat kiya nihaal kiya
Tu jis ke waaste chor aaya Taiba saa Mahboob
Bata to is sitam aara ne kya nihaal kiya
Abhi abhi to chaman mein thay chehchahe naa gaah
Ye dard kaisa utha jis ne jee nidhaal kiya
Ilahi sun le Raza jeete jee ke Mawla ne
Sagaan e koocha mein chehra e mera bahaal kiya
Kharab haal kiya dil ko pur malal kiya
Tumhare kooche se rukhsat kiya nihaal kiya
خراب حال کیا دِل کو پُرمَلال کیا
تمہارے کُوچہ سے رُخصت کیا نہال کیا
نہ رُوئے گُل ابھی دیکھا نہ بُوئے گُل سُونگھی
قضا نے لا کے قفس میں شکستہ بال کیا
وہ دل کہ خوں شدہ ارماں تھے جس میں مل ڈالا
فُغاں کہ گورِ شہیداں کو پائمال کیا
یہ رائے کیا تھی وہاں سے پلٹنے کی اے نفس
سِتم گر اُلٹی چُھری سے ہمیں حلال کیا
یہ کب کی مجھ سے عداوت تھی تجھ کو اے ظالِم
چُھڑا کے سنگِ درِ پاک سر وَبال کیا
چمن سے پھینک دیا آشیانۂ بلبل
اُجاڑا خانۂ بے کس بڑا کمال کیا
تِرا ستم زدہ آنکھوں نے کیا بِگاڑا تھا
یہ کیا سمائی کہ دُور ان سے وہ جمال کیا
حضور اُن کے خیالِ وطن مٹانا تھا
ہم آپ مِٹ گئے اچھا فراغ بال کیا
نہ گھر کا رکھا نہ اس دَر کا ہائے ناکامی
ہماری بے بسی پر بھی نہ کچھ خیال کیا
جو دِل نے مَر کے جلایا تھا منّتوں کا چراغ
سِتَم کہ عرض رہِ صرصر زَوال کیا
مَدینہ چھوڑ کے وِیرانہ ہندؔ کا چھایا
یہ کیسا ہائے حواسوں نے اِختلال کیا
تُو جس کے واسطے چھوڑ آیا طیبہ سا محبوب
بتا تو اس ستم آرا نے کیا نہال کیا
اَبھی اَبھی تو چمن میں تھے چہچہے ناگاہ
یہ دَرْد کیسا اُٹھا جس نے جی نڈھال کیا
الٰہی سُن لے رضاؔ جیتے جی کہ مولیٰ نے
سگانِ کوچہ میں چہرہ مِرا بحال کیا