Gunahgaron ka roz e mehshar shafee’ Khairul ‘anaam hoga,
Dulhan shafa’at banegi dulha Nabi Alayhis Salaam hoga.
Kabhi toh chamke ga najm e qismat hilaal mah e tamaam hoga,
Kabhi toh zarre pe mahr hogi woh mahr idhar khush kharaam hoga.
Para hoon main unki raah guzar mein parre hi rehne se kaam hoga,
Dil o jigar farsh e raah banen ge yeh deedaa e mashq kharaam hoga.
Wohi hai shaafe’ wohi mushaff’e issi shafa’at se kaam hoga,
Humari bigri bane gi us din wohi Madaarul mahaam hoga.
Unhin ka moonh sab takein ge us din jo woh karenge woh kaam hoga,
Duhaayi sab un ki dete honge unhin ka har lab pe naam hoga.
Anaa lahaa keh ke ‘aasiyon ko,woh lainge aagosh e marhamat mein,
Azeez Iklota jaise maa ko, unhain har aik yun gulaam hoga.
Gunahgaron ka roz e mehshar shafee’ Khairul ‘anaam hoga,
Dulhan shafa’at banegi dulha Nabi Alayhis Salaam hoga.
Idhar woh girton ko thaam lainge udhar woh pyaason ko jaam dainge,
Siraat o mizaan o houz e kauthar yahin woh aali maqaam hoga.
Kahin woh jalte bujhaate honge kahin woh rote hansaate honge,
Woh paye nazuk pe daurna aur ba’eed har aik maqaam hoga.
Huwi jo mujrim ko baazyabi toh khauf e ísyaan se dhaj yeh hogi,
Khamidah sar aabdeedah aankhein larazta hindi ghulaam hoga.
Huzoor e murshid khara rahoon ga khare hi rehne se kaam hoga,
Nigaah e lutf o karam uthegi to jhuk ke mera salaam hoga.
Khuda ki marzi hai unki marzi hai unki marzi Khuda ki marzi,
Unhin ki marzi se ho raha hai unhin ki marzi pe kaam hoga.
Jidar khuda hai udhar Nabi hai jidar Nabi hai udhar Khuda hai,
Khudaayi bhar sab udhar phiregi jidhar woh ‘aali maqaam hoga.
Isi tamanna mein dam parra he yahi sahaara he zindagi ka,
Bulaa lo mujhko Madinay sarwar nahin toh jeena haraam hoga.
Huzoor e rowzah huwa jo haazir toh apni saj dhaj yeh hogi Haamid,
Khamida sar aankh band lab par mere durood o salaam hoga.
Gunahgaron ka roz e mehshar shafee’ Khairul ‘anaam hoga,
Dulhan shafa’at banegi dulha Nabi Alayhis Salaam hoga.
گناہ گاروں کا روزِ محشر شفیع خَیْرُالْاَنَام ہوگا
دُلھن شفاعت بنے گی دُلھا نبی عَلَیْہِ السَّلَام ہوگا
کبھی تو چمکے گا نجمِ قسمت ہلال ماہِ تمام ہوگا
کبھی تو ذرّے پہ مِہر ہوگی وہ مَہر ادھر خوش خَرام ہوگا
پڑا ہوں میں ان کی رہ گزر میں پڑے ہی رہنے سے کام ہوگا
دل و جگر فرشِ رہ بنیں گے یہ دیدہ مَشقِ خرام ہوگا
وہی ہے شافع وہی مشفّع اسی شفاعت سے کام ہوگا
ہماری بگڑی بنے گی اس دن وہی مَدارُالْمَھَامْ ہوگا
اُنہیں کا مُنھ سب تکیں گے اس دن جو وہ کریں گے وہ کام ہوگا
دہائی سب ان کی دیتے ہوں گے اُنہیں کا ہر لب پہ نام ہوگا
’’اَنَا لَھَا‘‘ کہہ کے عاصیوں کو وہ لیں گے آغوشِ مرحمت میں
عزیز، اکلوتا جیسے ماں کو، انہیں ہر اک یوں غلام ہوگا
اِدھر وہ گرتوں کو تھام لیں گے اُدھر(وہ) پیاسوں کو جام دیں گے
صِراط و میزان و حوضِ کوثر یہیں وہ عالی مقام ہوگا
کہیں وہ جلتے بجھاتے ہوں گے کہیں وہ روتے ہنساتے ہوں گے
وہ پائے نازک پہ دوڑنا اور بعید ہر اک مقام ہوگا
ہوئی جو مجرم کو بازیابی تو خوفِ عصیاں سے دھج یہ ہوگی
خمیدہ سر، آبدیدہ آنکھیں، لرزتا ہندی غلام ہوگا
حضورِ مُرشِد کھڑا رہوں گا کھڑے ہی رہنے سے کام ہوگا
نگاہِ لطف و کرم اٹھے گی تو جھک کے میرا سلام ہوگا
خدا کی مرضی ہے اُن کی مرضی، ہے اُن کی مرضی خدا کی مرضی
اُنھیں کی مرضی پہ ہو رہا ہے، اُنھیں کی مرضی پہ کام ہوگا
جدھر خدا ہے اُدھر نبی ہے، جدھر نبی ہے اُدھر خدا ہے
خدائی بھر سب اُدھر پھرے گی جدھر وہ عالی مقام ہوگا
اِسی تمنّا میں دم پڑا ہے، یہی سہارا ہے زندگی کا
بُلا لو مجھ کو مدینے سرور! نہیں تو جینا حرام ہوگا
حضورِ روضہ ہوا جو حاضر تو اپنی سج دھج یہ ہوگی، حاؔمد
خمیدہ سر، آنکھ بند، لب پہ مِرے دُرود و سلام ہوگا