Dil mera gudgudati rahi arzoo,
Aankh phir phir ke karti rahi justujoo,
Arsh taa farsh dhoond aaya main tujh ko too,
Nikla aqrab ze habl e wareed e guloo.
Allahu Allahu Allahu Allahu.
Taa e raan e chaman ki chahek wahdahoo,
Naghma e bulbul ka hai laa shareeka lahoo,
Qumriyon ka taraana hai laa ghairahoo,
Zamzamah tooti ka hua hoo hua hoo.
Allahu Allahu Allahu Allahu.
Bulbulon ko chaman mein rahi justujoo,
Papiha kehta phira “pi kahaan” soo ba soo,
Par nah chatka kahin ghuncha e arzoo,
Haan mila toh mila mere dil hi mein too.
Allahu Allahu Allahu Allahu.
Shaahidaan e chaman ne lab e aab joo,
Aab e Gul se nahaa kar ke taaza wuzoo,
Halqa e zikr e gul ke kiya roo ba roo,
Aur lagaane lage dam ba dam zarb e hoo.
Allahu Allahu Allahu Allahu.
Reh ke pardon mein too jalwa aaraa huaa,
Bas ke aankhon mein aankhon se parda kiya,
Aankh ka pardah, pardah hua aankh ka,
Band aankhein huween toh nazar aaya too.
Allahu Allahu Allahu Allahu.
Kaabah Kaabah hai Kaabah e dil mera,
Kaabah Pathar ka dil jalwah gaah e Khuda,
Aik dil par hazaron hee Kaabe fida,
Kaabah e jaan o dil Kaabe ki aabroo.
Allahu Allahu Allahu Allahu.
Toor e seena pe tu jalwa aaraa hua,
Saaf Moosa se farmadiya Lan taraa,
Aur inni anallah shajar bol utha,
Tere jalwon ki nayr nagiyaan soo ba soo.
Allahu Allahu Allahu Allahu.
Mujh ko dar dar phiraati rahi justujoo,
Tootay paaye talab thak rahi arzoo,
Dhoondta main phira koo ba koo chaar soo,
Tharag e jaan se nazdeek tar dil mein too.
Allahu Allahu Allahu Allahu.
Kon tha jisne subhaani farma diya,
Aur maa A’zama shaanee kis ne kahaa,
Baayazid aur bistaam main kon tha,
Kab analhaqq thi Mansoor ki guftagoo,.
Allahu Allahu Allahu Allahu.
Yaa Ilaahi! dikhaa hum ko woh din bhi tu,
Aab e Zamzam se kar ke Haram mein wuzoo,
Baa adab shauq se beth ke Qibla roo,
Mil ke hum sab kahein yak zabaan hoo ba hoo.
Allahu Allahu Allahu Allahu.
Maine maana keh Haamid gunahgaar hai,
Ma’siyat kaysh hai aur khataa kaar hai,
Mere Maula magar tu to Ghaffaar hai,
Kehti rahmat hai mujrim se laa taqnatoo.
Allahu Allahu Allahu Allahu.
دل مِرا گُدگُداتی رہی آرزو
آنکھ پِھر پِھر کے کرتی رہی جستجو
عرش تا فرش ڈھونڈ آیا میں تجھ کو، تو
نکلا اَقْرَبْ زِ حَبْلِ وَرِیْدِ گُلو
اللہٗ اللہٗ اللہٗ اللہٗ
طائرانِ چمن کی چہک وَحْدَہٗ
نغمہ بلبل کا ہے لَاشَرِیْکَ لَہٗ
قمریوں کا ترانہ ہے لَاغَیْرَہٗ
زمزمہ طوطی کا ھُوَہٗ ھُوَہٗ
اللہٗ اللہٗ اللہٗ اللہٗ
بلبلوں کو چمن میں رہی جستجو
پپیہا کہتا پھرا ’’پی کہاں‘‘ سو بہ سو
پر نہ چٹکا کہیں غنچۂ آرزو
ہاں ملا تو ملا میرے دل ہی میں تو
اللہٗ اللہٗ اللہٗ اللہٗ
شاہدانِ چمن نے لبِ آب جُو
آب گُل سے نہا کر کے تازہ وضو
حلقۂ ذکر گُل کے کیا رو بہ رو
اور لگانے لگے دم بہ دم ضربِ ھُوْ
اللہٗ اللہٗ اللہٗ اللہٗ
رہ کے پردوں میں تو جلوہ آرا ہوا
بس کے آنکھوں میں آنکھوں سے پردہ کیا
آنکھ کا پردہ، پردہ ہوا آنکھ کا
بند آنکھیں ہوئیں تو نظر آیا تو
اللہٗ اللہٗ اللہٗ اللہٗ
کعبۂ کعبہ ہے کعبۂ دل مِرا
کعبہ پتّھر کا دل جلوہ گاہِ خدا
ایک دل پر ہزاروں ہی کعبے فدا
کعبۂ جان و دل کعبے کی آبرو
اللہٗ اللہٗ اللہٗ اللہٗ
طورِ سینا پہ تو جلوہ آرا ہوا
صاف موسیٰ سے فرما دیا لَنْ تَرَا
اور اِنِّیْ اَنَااللہ شجر بول اٹھا
تیرے جلووں کی نیرنگیاں سو بہ سو
اللہٗ اللہٗ اللہٗ اللہٗ
مجھ کو در در پھراتی رہی جستجو
ٹوٹے پائے طلب تھک رہی آرزو
ڈھونڈتا میں پھرا کو بہ کُو چار سو
تھا رگِ جاں سے نزدیک تر دل میں تو
اللہٗ اللہٗ اللہٗ اللہٗ
کون تھا جس نے سُبْحَانِیْ فرما دیا
اور مَآ اَعْظَمَ شَانِیْ کس نے کہا
بایزید اور بسطام میں کون تھا
کب اَنَاالْحَقّ تھی منصور کی گفتگو
اللہٗ اللہٗ اللہٗ اللہٗ
یا الٰہی! دکھا ہم کو وہ دن بھی تو
آبِ زم زم سے کر کے حرم میں وضو
با ادب شوق سے بیٹھ کے قبلہ رو
مل کے ہم سب کہیں یک زباں ہو بہ ہو
اللہٗ اللہٗ اللہٗ اللہٗ
میں نے مانا کہ حاؔمد گنہگار ہے
معصیت کیش ہے اور خطا کار ہے
میرے مولیٰ مگر تو تو غَفَّار ہے
کہتی رحمت ہے مجرم سے لَاتَقْنَطُوْا
اللہٗ اللہٗ اللہٗ اللہٗ