Chand se unke chehre par gaisoo e mushk faam do,
Din hai khila huwa magar waqt e sahar hai shaam do.
Roo e sabeeh ik sahar zulf e duta hai shaam do,
Phool se gaal subh dam mehr hain laalah faam do.
Aariz e noor baar se bikhri huwi hati jo zulf,
Aik andheri raat mein nikle mah e tamaam do.
Unnki jabeen e noor par zulf e siyah bikhar gayi,
Jam’a hain aik waqt mein ziddein subh o shaam do.
Khair se din Khuda woh laaye donon Haram hamein dikhaaye,
Zamzam o Beer e Faatimah ke peeenge chal ke jaam do.
Zaat e Hassan Hussayn hai ‘ayn shabeeh e Mustafa,
Zaat hai ik Nabi ki zaat hain ye usi ke naam do.
Chand se unke chehre par gaisoo e mushk faam do,
Din hai khila huwa magar waqt e sahar hai shaam do.
Peeke pilaake maykasho! Humko bachi kuchi hi do,
Qatrah do qatrah hi sahih kuch to baraaye naam do.
Haath se chaar yaar ke hum ko milenge chaar jaam,
Dast e Hassan Hussain se aur milenge jaam do.
Aik nigaah e naaz par sekron jaam e may nisaar,
Gardish e chashm e mast se hum ne piye hain jaam do.
Wast e musabbihah pe sar rakhiye angootthe ka agar,
Naam e Ilaah hai likha “haa” aur “alif” hai “laam” do.
Haath ko kaan par rakho paa ba adab samayt lo,
“Daal” ho, aik “haa” ho, aik aakhr e harf e ”laam” do.
Chand se unke chehre par gaisoo e mushk faam do,
Din hai khila huwa magar waqt e sahar hai shaam do.
Naam e Khuda hai haath mein, naam e Nabi hai zaat mein,
Mohr e ghulaami hai parri, likhe huwe hain naam do.
Naam e Habeeb ki adaa jaagte sote ho adaa,
Naam e Muhammadi bane jism ko ye nizaam do.
Naam e Khuda muraqq’ah, Naam e Khuda rukh e Habeeb,
Beeni “Alif” hai, “haa” dahan, zulf e duta hai “laam” do.
Wahshi hai aik dil mera zulf e siyaah faam ka,
Bandish e Ishq sakht tar sayd hai ek daam do.
Talwon se unkay chaar chaand lag gaye mehr o maah ko,
Hain yeh unhi ki taabishein, hain yeh unhi ke naam do.
Chand se unke chehre par gaisoo e mushk faam do,
Din hai khila huwa magar waqt e sahar hai shaam do.
Gaah woh aaftaab hain gaah woh maahtaab hain,
Jam’a hain unkay gaalon mein mehr o mah e tamaam do.
Baazi zeest maat hai mawt ko bhi mamaat hai,
Mawt ko bhi hai aik din mawt pe izn e aam do.
Ab to Madinah lo bula gumbad e sabz de dikha,
Haamid o Mustafa Raza hind mein hain ghulaam do.
Chand se unke chehre par gaisoo e mushk faam do,
Din hai khila huwa magar waqt e sahar hai shaam do.
چاند سے اُن کے چہرے پر گیسوئے مشک فام دو
دن ہے کِھلا ہوا مگر وقتِ سحر ہے شام دو
رُوئے صبیح اک سحر زلفِ دوتا ہے شام دو
پھول سے گال صبح دم مہر ہیں لَالَہ فام دو
عارضِ نور بار سے بکھری ہوئی ہٹی جو زلف
ایک اندھیری رات میں نکلے مہِ تمام دو
اُن کی جبینِ نور پر زلفِ سیہ بکھر گئی
جمْعَ ہیں ایک وقت میں ضِدّینِ صبح و شام دو
خیر سے دن خدا وہ لائے دونوں حرم ہمیں دکھائے
زمزم و بیرِ فاطمہ کے پئیں چل کے جام دو
ذاتِ حَسن حُسین ہے عَین شبیہِ مصطفیٰ
ذات ہے اک نبی کی ذات ہیں یہ اسی کے نام دو
پی کے پِلا کے مَے کشو! ہم کو بچی کِھچی ہی دو
قطرہ دو قطرہ ہی سہی کچھ تو برائے نام دو
ہاتھ سے چار یار کے ہم کو ملیں گے چار جام
دستِ حَسن حُسین سے اور ملیں گے جام دو
ایک نگاہِ ناز پر سیکڑوں جامِ مَے نثار
گردشِ چشمِ مست سے ہم نے پِیے ہیں جام دو
وسطِ مُسَبِّحَہ پہ سَر رکھیے انگوٹھے کا اگر
نامِ اِلٰہ ہے لکھا ’’ہ‘‘ اور ’’الف‘‘ ہے ’’لام‘‘ دو
ہاتھ کو کان پر رکھو پا بہ ادب سمیٹ لو
’’دال‘‘ ہو ایک، ’’ح‘‘ ہو ایک، آخرِ حرفِ ’’ لام‘‘ دو
نامِ خدا ہے ہاتھ میں، نامِ نبی ہے ذات میں
مُہرِ غلامی ہے پڑی، لکھے ہوئے ہیں نام دو
نامِ حبیب کی ادا جاگتے سوتے ہو ادا
نامِ محمدی بنے جسم کو یہ نظام دو
نامِ خدا مرقَّعہ، نامِ خدا رخِ حبیب
بینی ’’الف‘‘ ہے، ’’ہ‘‘ دہن، زلفِ دوتا ہے ’’لام‘‘ دو
وحشی ہے ایک دل مِرا زلفِ سیاہ فام کا
بندشِ عشق سخت تر صَید ہے ایک دام دو
تلووں سے اُن کے چار چاند لگ گئے مہر و ماہ کو
ہیں یہ اُنھیں کی تابشیں، ہیں یہ اُنھیں کے نام دو
گاہ وہ آفتاب ہیں گاہ وہ ماہتاب ہیں
جمع ہیں ان کے گالوں میں مہر و مہِ تمام دو
بازیِ زیست مات ہے موت کو بھی مَمات ہے
موت کو بھی ہے ایک دن موت پہ اذنِ عام دو
اب تو مدینے لے بُلا گنبدِ سبز دے دکھا
حاؔمد و مصطفیٰ تِرے ہند میں ہیں غلام دو