Wo Sarware Kishware Risalat Lyrics Urdu/English

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Bahaar hai shaadiyaan mubaarak chaman ko aabaadiyan mubaarak
Malak falak apni apni lay mein yeh ghar ‘anaa dil ka boltay the

Wahaan falak par yahaan zameen mein rachi thi shaadi machi thi dhoomein
Udhar say anwaar hanstay aatay idhar say nafhaat utth rahai the

Yeh chhoott parrti thi unkay rukh ki kay ‘arsh tak chaandni thi chhatki
Woh raat kya jagmaga rahi thi jagah jagah nasab aainay the

Nayi dulhan ki phaban main ka’aba nikhar kay sanwara sanwar kay nikhraa
Hajar ke sadqay kamar ke ik til main rang laakhon baanaw ke the

Nazar main dulhaa ke pyaaray jalway haiaa say mehraab sar jhukaayae
Siyaah parday kay munh par aanchal tajalliy e zaat e bahat say the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Khushi kay baadal umand kay aaye dilon kay taaoos rang laaye
Woh naghmaa e na’at ka samaan tha Haram ko khud wajd aa rahe the

Yeh jhooma Meezaab e zar ka jhoomar ki aa raha kaan par dhalak kar
Phuhaar barsi to moti jhar kar Hateem ki gaud mein bhare the

Dulhan ki khushboo say mast kapray naseem e gustaakh aanchlon say
Ghilaaf e mushkeen jo ur raha tha ghazaal naaf e basa rahai the

Pahaariyon ka woh husn e Taz’een woh oonchi choti woh naaz o tamkeen
Sabaa say sabzah main lehrein aa teen dupattay dhaani chunay huye the

Nahaa kay nehron nay woh chamakta libaas aab e rawaan kaa pehna
Kay maujein chhariyaan thi dhaar lachkaa habaab e taabaan kay thal tike the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Puraana purdaagh malgajaa tha utthaa diya farsh chaandni kaa
Hujoom e taare nigah say koson qadam qadam farsh baadle the

Ghubaar ban kar nisaar jaayein kahaan ab uss rah guzar ko paayein
Hamaaray dil hooriyon ki aankhein farishton kay par jahaan bichhe the

Khuda hee day sabr jaan e purgham dikhaaoon kyun kar tujhai woh ‘aalam
Jab unko jhurmat mein lay kay qudsi jina kaa dulha bana rahai the

Utaar kar unkay rukh ka sadqa yeh noor ka bat raha tha baara
kay chaand suraj machal machal kar jabeen ki khairaat mangtay the

Wohi to ab tak chalak raha hai wohi to joban tapak raha hai
Naahanay may jo gira tha paani katoray taaron nay bhar liye the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Bachaa jo talwon ka unkay dhowan banaa woh Jannat ka rang o rogan
Jinhon nay dulhaa ki payi utran woh phool gulzaar e noor kay the

Khabar yeh tehweel e maher ki thi kay rut suhaani gharri phiray gee
Wahaan ki poshaak zeb e tan ki yahaan ka joraa barhaa chukay the

Tajalliy e Haq ka sehra sar par salaat o tasleem ki nichaawar
Do ruya qudsi pare jamaa kar khare salaami kay waaste the

Jo hum bhi waan hotay khaak e gulshan lipat kay qadmon say lete utran
Magar karein kya naseeb main to yeh naamuraadi kay din likhai the

Abhi na aaye the pusht e zeen tak kay sar hui maghfirat ki shillak
Sadaa shafaa’at nay di mubaarak! gunaah mastaana jhoomtay the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Ajab na tha rakhsh ka chamakna ghazaal e dam khurdah saa bharakna
Shu’aaein bukkay urraa rahi theen tarapte aankhon pay saa’iqay the

Hujoom e ummeed hai ghataao muraadein day kar inhein hataao
Adah ki baagein liye barhaao malaaika may yeh ghal ghale the

Utthi jo gard e rah e munawar woh noor barsaa kay raaste bhar
Ghiray the baadal bharay the jal thal umand kay jungle ubal rahai the

Sitam kya kaisi mat kati thi qamar woh khaak unkay rah guzar ki
Utthaa na laaya kay maltay maltay yeh daagh sab dekhta mite the

Buraaq kay naqsh e sum kay sadqe woh gul khilaaye kay saare raste
Mehaktay gulban mehaktay gulshan hare bhare lahlaha rahe the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Namaaz e Aqsa mein tha yehi sir ‘ayaan ho ma’ni e awwal aakhir
Kay dast basta hain piche haazir jo saltanat aagay kar gaye the

Yeh unki aamad ka dab daba tha nikhaar her shaiy ka ho raha tha
Nujoom o aflaak jaam o meena ujaaltay the khangaaltay the

Naqaab ultay woh mehr e anwar jalaal rukhsaar garmiyon par
Falak ko haibat say tap charrhi thi tapaktay anjum kay aablay the

Yeh joshish e noor ka asar tha ke aab e gohar kamar kamar tha
Safaa e rah say phisal phisal kar sitaare qadmon pay laut te the

Barhaa yeh lehra kay behr e wahdat ke dhul gaya naam e raige kasrat
Falak ke teloon ki kiya haqeeqat yeh arsh o kursi do bulbule the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Woh zill e rehmat woh rukh ke jalwe ke taare chupte na khilne paate
Sunehri zarbaft udi atlas yeh than sab dhoop chaaon ke the

Chalaa woh sarve e chamaan khiraamaan na ruk saka sidrah say bhi daaman
Palak jhapakti rahi woh kab kay sab aen o aan say guzar chuke the

Jhalak see ik qudsiyon par aayi hawa bhi daaman ki phir na paayi
Sawaari dulha ki door pohonchi baraat main hosh hi gaye the

Thakay the Rooh ulameen ke baazu chhuta woh daaman kahaan woh pehloo
Rikaab chhooti ummeed tooti nigaah e hasrat ke walwale the

Rawish ki garmi ko jis ne socha dimaagh say ik bhabuka phoota
Khir’ad ke jungle mein phool chamka dahar dahar payr jal rahe the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Jilo mein jo murgh e aqal uray the ‘ajab buray haalon girtay partay
Woh sidrah hee par rahe the thak kar charhaa thaa dam tewar aa gaye the

Qavi the murghan e waham kay par uray to urnay ko aur dam bhar
Utthaayi seenay ki aisi tthokar kay khoon e andesha thoo’ktay the

Suna yeh itnay mein ‘arsh e Haq nay kay lay mubaarak ho taaj waale
Wohi qadam khair say phir aaye jo pehle taaj e sharaf tere the

Yeh sunkay baay khud pukaar uttha nisaar jaaon kahaan hain Aaqa
Phir unkay talwon ka paaoon bosa yeh meri aankhon kay din phire the

Jhukaa tha mujre ko ‘arsh e aa’la gire the sajde may bazm e baala
Yeh aankhein qadmon say mal raha tha woh gird e qurbaan ho rahai the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Ziyaaein kuch ‘arsh par yeh aayin kay saari qindeelen jagmagaayi
Huzoor e khursheed kya chamaktay charaagh moonh apna dekhtay the

Yehi samaan tha kay paik e rehmat khabar yeh laaya kay chaliye Hazrat
Tumhaari khaatir kushaada hain jo kaleem per band rastaay the

Barh aay Muhammad qareen ho Ahmad qareeb aa sarwar e mumajjad
Nisaar jaaon yeh kya nida thi yeh kya samaan tha yeh kya mazay the

Tabaarakallah shaan teri tujhi ko zaiba hai bayniyaazi
Kahin to woh josh e lan tarani kaheen taqaazay wisaal kay the

Khirad say keh do kay sar jhukaa lay gumaan say guzray guzarnay waalay
Pare hain yaan khud jaihat ko laalay kisay bataaye kidhar gaye the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Suraagh ain o mataa kahaan tha nishaan e kaif o ilaa kahaan tha
Nah koi raahi nah koi saathi nah sang e manzil nah marhalay the

Udhar say payham taqaazay aana idhar tha mushkil qadam barhaana
Jalaal o haibat ka saamna tha jamaal o rehmat ubhaartay the

Barhai to lekin jhi jhaktay dartay haiaa say jhuktay adab say ruktay
Jo qurb unhi ki ravish pay rakhtay to laakhon manzil kay faaslay the

Par unka barhna to naam ko tha haqeeqa’tan fail tha udhar ka
Tanazzulon mein taraqi afza dana tadalla ke silsilay the

Huwa nah aakhir kay aik bajra tamoojay bahr e hoo mein ubhra
Danaa ki godi mein unko lekar fana kay langar uttha diye the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Kisay milay ghaat ka kinara kidhar say guzra kahaan utaara
Bhara jo misl e nazar taraaraa woh apni aankhon say khud chupay the

Utthe jo Qasr e danaa kay parde koi khabar de to kya khabar day
Wahaan to jaa hee nahin duee ki na keh kay woh bhi na the aray the

Woh baagh kuch aisa rang laaya kay guncha o gul ka farq utthea
Girah mein kaliyon ki baagh phoolay gulon kay tukmay lagay huay the

Muheet o markaz mein farq mushkil rahe na faasil khutoot e waasil
Kamaanein hairat mein sar jhukaaye ‘ajeeb chakkar mein daaeray the

Hijaab utthnay mein laakhon parde har aik parday main laakhon jalway
‘Ajab ghari thi kay wasl o furqat janam kay bichray galay milay the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Zabaanein sookhi dikha kay mojein tarap rahi thi kay paani paayein
Bhanwar ko yeh zofay tashnagi tha kay halqay aankhon mein par gaye the

Wohi hai awwal wohi hai aakhir wohi hai baatin wohi hai zaahir
Usi kay jalway usi say milnay usi say uski taraf gaye the

Kamaan e imkaan kay jhootay nuqto tum awwal akhir ki phair mein ho
Muheet ki chaal say to poochho kidhar say aaye kidhar gaye the

Idhar say thin nazr e shah namaaz’ein Udhar say in’aam e khusravi mein
Salaam o Rehmat kay haar gundh kar guloo e pur noor mein paray the

Zabaan ko intezaar guftan to gosh ko hasrat e shuneedan
Yahaan jo kehna tha keh liya tha jo baat sun ni thi sun chukay the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the

Woh burj e bat ha ka maah paarah bahesht ki sair ko Sidhaara
Chamak pay tha khuld ka sitaarah kay uss qamar kay qadam gaye the

Suroor e maqdam ki roshni thi keh taabishon say mah e ‘arab ki
Jinaan kay gulshan the jhaar farshi jo phool the sab kanwal banay the

Tarab ki naazish kay haan lachakiye adab woh bandish kay hil na sakiye
Yeh josh e zideen tha keh paude kashaa kash e arrah kay talay the

Khuda ki qudrat keh chand Haq kay karoron manzil mein jalwa kar kay
Abhi na taaron ki chhaaon badli keh noor kay tarkay aa liye the

Nabi e Rehmat Shafi’ e Ummat Raza pay Lillaah ho ‘inaayat
Isay bhi unn khil’atoon say hissa jo khaas rahmat kay waan bate the

Sanaa e Sarkaar hai wazifa qabool e Sarkaar hai tamanna
Na shaa’iri ki hawas na parwah rawi thi kya kaisay qafiye the

Wo sarware kishware risalat jo arsh par jalwa gar hue the
Naye niraale tarab kay saamaan ‘Arab ke mehman kay liye the