Yaad me jiski nahi hoshe tano jaan hum ko
Phir dikha de woh rukh e mehr e farozaan hum ko
Der se aap mein aana nahin milta hai hume
Kya hi khud rafta kiya jalwa e jaanaan hum ko
Jis tabassum ne gulistan pe girayi bijli
Phir dikha de woh adaa e gul e khanda hum ko
Kaash aawezaan kandile Madinah ho woh dil
Jiski sozish ne kiya rashq e charagaan hum ko
‘Arsh jis khoobi e raftaar ka paamal huwa
Do qadam chal ke dikha sarwe khiraamaan hum ko
Sham e Taybah se mein parwaana rahoo kab tak door
Haan jalaa de sharar e aatish e pinhaan hum ko
Yaad me jiski nahi hoshe tano jaan hum ko
Phir dikha de woh rukh e mehr e farozaan hum ko
Khauf hai sam’e kharaashi e sag e Taybah ka
Warna kya yaad nahin naala o afghaan hum ko
Khaaq ho jaayein Dar e Paak pe hasrat mit jaaye
Yaa Ilahi na phira be sar o saamaan hum ko
Khaar e sehraae Madinah na nikal jaaye kahin
Wehshat e dil na phira koh o bayaaban hum ko
Tang aaye hain do aalam teri betabi se
Chain lene de tapp e seena e sozaan hum ko
Paaon ghurbaal huwe raah e Madinah na mili
Aay junoon ab to mile rukhsat e zindaan hum ko
Yaad me jiski nahi hoshe tano jaan hum ko
Phir dikha de woh rukh e mehr e farozaan hum ko
Mere har zakhm e jigar se ye nikalti hai sadaa
Aay malih e arbi kar de namak daan hum ko
Saire gulshan se aseeraan e kafas ko kiya kaam
Na dein taqleef e chaman bulbul e bustaan hum ko
Jab se aankho me samayi hai Madinah ki bahaar
Nazar aate hain khizaan deeda e gulistan hum ko
Gar lab e paak se iqraar e shafa’at ho jay e
yoon na bechain rakhhe joshish e isyaan hum ko
Nayyare hashr ne ek aag laga rakhhi hai
Tez hai dhoop mile saya e daamaan hum ko
Yaad me jiski nahi hoshe tano jaan hum ko
Phir dikha de woh rukh e mehr e farozaan hum ko
Rehm farmaiye Yaa Shah ke ab taab nahin
Taa bakay khoon rulaye gham e hijraan hum ko
Chaake daamaan mein na thak jaaiyo aay dast e junoon
Purze karna hai abhi jaib o garibaan hum ko
Parda us chehra e anwar se utha kar ek baar
Apna aayina bana aay mah e taabaan hum ko
Aay Raza wasf e rukh e paak sunaane ke liye
Nazar dete hain chaman murgh e ghazal khwaan hum ko
Yaad me jiski nahi hoshe tano jaan hum ko
Phir dikha de woh rukh e mehr e farozaan hum ko
یاد میں جس کی نہیں ہوشِ تن و جاں ہم کو
پھر دِکھا دے وہ رُخ اے مہرِ فروزاں ! ہم کو
دیر سے آپ میں آنا نہیں ملتا ہے ہمیں
کیا ہی خُود رفتہ کیا جلوئہ جاناں ! ہم کو
جس تبسّم نے گلستاں پہ گرائی بجلی
پھر دِکھا دے وہ ادائے گلِ خنداں ہم کو
کاش آویزۂ قندیلِ مدینہ ہو وہ دِل
جس کی سوزش نے کیا رشکِ چراغاں ہم کو
عرش جس خوبیِ رفتار کا پامال ہوا
دو قدم چل کے دِکھا سروِ خِراماں ! ہم کو
شمعِ طیبہ سے میں پروانہ رہوں کب تک دُور
ہاں جَلا دے شررِ آتشِ پنہاں ! ہم کو
خوف ہے سمع خراشیِ سگِ طیبہ کا
ورنہ کیا یاد نہیں نالہ و اَفغاں ہم کو
خاک ہوجائیں درِ پاک پہ حسرت مِٹ جائے
یاالٰہی نہ پِھرا بے سر و سَاماں ہم کو
خارِ صحرائے مدینہ نہ نکِل جائے کہیں
وحشتِ دل نہ پِھرا کوہ و بیاباں ہم کو
تنگ آئے ہیں دو عالم تری بیتابی سے
چین لینے دے تپِ سینۂ سوزاں ہم کو
پاؤں غَربال ہوئے راہِ مدینہ نہ ملی
اے جنوں! اب تو مِلے رُخصت زِنداں ہم کو
میرے ہر زخمِ جگر سے یہ نکلتی ہے صَدا
اے مَلیحِ عربی! کر دے نمکداں ہم کو
سیرِ گلشن سے اسیرانِ قَفَس کو کیا کام
نہ دے تکلیفِ چمنْ بلبلِ بُستاں ہم کو
جب سے آنکھوں میں سمائی ہے مدینہ کی بہار
نظر آتے ہیں خَزاں دیدہ گلستاں ہم کو
گر لب پاک سے اقرارِ شفاعت ہو جائے
یوں نہ بے چین رکھے جوشِشِ عصیاں ہم کو
نیّر حشر نے اِک آگ لگا رکھی ہے!
تیز ہے دھوپ ملے سایۂ داماں ہم کو
رحم فرمائیے یا شاہ کہ اب تاب نہیں
تابَکے خون رُلائے غمِ ہجراں ہم کو
چاکِ داماں میں نہ تھک جائیو اے دستِ جنوں
پُرزے کرنا ہے ابھی جیب و گریباں ہم کو
پَردہ اُس چہرۂ انور سے اُٹھا کر اِک بار
اپنا آئینہ بنا اے مہِ تاباں ہم کو
اے رضاؔ وصفِ رُخِ پاک سُنانے کے لئے
نذر دیتے ہیں چمن، مُرغِ غزل خواں ہم کو