Yaade watan sitam kiya dasht e Haram se laayi kyun
Baithe bithaie bad naseeb sar pe balaa uthaii kyun
Dil mein to choot thi dabi haaye ghazab ubhar gayi
Pucho to aah sard se thandi hawa chalayi kyun
Chhor ke us haram ko aap ban me thagoon ke aabsoo
Phir kaho sar pe dhar ke haath lut gayi sab kamayi kyun
Baagh e arab ka sar we naaz dekh liya hai warna aaj
Qumri e jaan e ghamzadah goonj ke chehchhai kyun
Naam e Madinah le diya chalne lagi naseem e khuld
Sozish e gham ko ham ne bhi kaisi hawa batayi kyun
Kis ki nigaah ki haiaa phirti hai meri aankh mein
Nargis mast naaz ne mujh se nazzer churayi kyun
Yaade watan sitam kiya dasht e Haram se laayi kyun
Baithe bithaie bad naseeb sar pe balaa uthaii kyun
Tu ne to kar diya tabeeb aatish e seena ka ilaaj
Aaj ke daur e aah mein booye kabaab aayi kyun
Fikr e ma’aash bad bala hol e ma’aad jaan gazaa
Laakhon bala mein phansne ko rooh badan mein aayi kyun
Ho na ho aaj kuch mera zikr Huzoor mein hua
Warna meri taraf khooshi dekh ke muskurayi kyun
Hoor e jinaan sitam kiya Taibah nazar mein phir gaya
Cheer ke parda e hijaaz des ki cheez gaayi kyun
Ghaflat e shaikh o shaab par hanste hain tifl e sheer khwaar
Karne ko gud gudi abas aane lagi bahaii kyun
Arz karoon huzoor se dil ki to mere khair hai
Peet ti sar ko aarzu dasht e haram se aayi kyun
Hasrat e nau ka sa’niha sunte hi dil bigar gaya
Aise mareez ko Raza marg e jawaan sunayi kyun
Yaade watan sitam kiya dasht e Haram se laayi kyun
Baithe bithaie bad naseeb sar pe balaa uthaii kyun
یادِ وطن سِتم کیا دشتِ حرم سے لائی کیوں
بیٹھے بِٹھائے بدنصیب سر پہ بلا اُٹھائی کیوں
دِل میں تو چوٹ تھی دبی ہائے غضب اُبھر گئی
پُوچھو تو آہِ سرد سے ٹھنڈی ہوا چلائی کیوں
چھوڑ کے اُس حرم کو آپ بن میں ٹھگوں کے آبسو
پھر کہو سر پہ دھر کے ہاتھ لُٹ گئی سب کمائی کیوں
باغِ عرب کا سروِ ناز دیکھ لیا ہے ورنہ آج
قُمریِ جانِ غمزدہ گُونج کے چہچہَائی کیوں
نامِ مدینہ لے دِیا چلنے لگی نسیمِ خلد
سوزشِ غم کو ہم نے بھی کیسی ہوا بتائی کیوں
کِس کی نگاہ کی حیَا پِھرتی ہے میری آنکھ میں
نرگِسِ مَست ناز نے مجھ سے نظر چُرائی کیوں
تُو نے تو کر دِیا طبیب آتشِ سینہ کا علاج
آج کے دودِ آہ میں بُوئے کباب آئی کیوں
فکرِ معاش بد بَلا ہولِ معاد جاں گزا
لاکھوں بلا میں پھنسنے کو رُوح بدن میں آئی کیوں
ہو نہ ہو آج کچھ مِرا ذِکر حضور میں ہوا
ورنہ مِری طرف خوشی دیکھ کے مسکرائی کیوں
حورِ جِناں سِتم کیا طیبَہ نظر میں پِھر گیا
چھیڑ کے پَردۂ حجَاز دیس کی چیز گائی کیوں
غفلتِ شیخ و شاب پر ہنستے ہیں طفل شیر خوار
کرنے کو گد گدی عبث آنے لگی بَہائی کیوں
عرض کروں حضور سے دِل کی تو میرے خیر ہے
پِیٹتی سر کو آرزو دشتِ حَرم سے آئی کیوں
حسرتِ نو کا سانحہ سُنتے ہی دِل بگڑ گیا
ایسے مریض کو رضاؔ مرگِ جواں سنائی کیوں