Talab ka muh to kis qabil hai Yaa Ghaus
Magar teraa karam kaamil hai Yaa Ghaus
Duhaayi Yaa Muhiyuddin duhaayi
Balaa Islaam par naazil hai Yaa Ghaus
Woh sangeen bid’atein woh tezi e kufr
Ke sar par taigh dil par sil hai Yaa Ghaus
‘Azooman qaatilan indal qitaalee
Madad ko aa dam e bismil hai Yaa Ghaus
Tere Sonay Se Soya Bakht De Jaag
Jagaa! Ch’hupne Pe Din Maa-il Hai Ya Ghaus
Khuda raa naa khuda aa de sahaara
Hawaa bigri bhanwar haayil hai Yaa Ghaus
Talab ka muh to kis qabil hai Yaa Ghaus
Magar teraa karam kaamil hai Yaa Ghaus
Jilaa de dein jalaa de kufr o ilhaad
Ke tu muhiyi hai tu qaatil hai Yaa Ghaus
Tera waqt aur parre yoon deen par waqt
Nah tu ‘aajiz hai nah tu ghaafil hai Yaa Ghaus
Rahi haan shaamat e aamaal yeh bhi
Jo tu chaahe abhi zaayil hai Yaa Ghaus
Ghaiuraa! apni ghairat ka tasadduq
Wohi kar jo tere qaabil hai Yaa Ghaus
Khudara marham e khaak e qadam de
Jigar zakhmi hai dil ghaayil hai Yaa Ghaus
Talab ka muh to kis qabil hai Yaa Ghaus
Magar teraa karam kaamil hai Yaa Ghaus
Na dekhun shakl e mushkil tere aage
Koi mushkil si yeh mushkil hai Yaa Ghaus
Woh ghera rishta e shirk e khafi ne
Phansa zunnaar mein yeh dil hai Yaa Ghaus
Kiye tarsaa o gabr aqtaab o abdaal
Yeh mahaz Islaam ka saayil hai Yaa Ghaus
Tu kuwwat de main tanha kaam besyaar
Badan kamzor dil kaahil hai Yaa Ghaus
‘Adoow bad deen mazhab waale haasid
Tu hi tanha kaa zor e dil hai Yaa Ghaus
Talab ka muh to kis qabil hai Yaa Ghaus
Magar teraa karam kaamil hai Yaa Ghaus
Hasad se unn ke seene paak kar de
Keh badtar dik se bhi yeh sil hai Yaa Ghaus
Ghizaaye dik yahi khoon ustikhwaan gosht
Yeh aatish deen ki aakil hai Yaa Ghaus
Diya mujh ko unhein mehroom chora
Mera kya jurm haq faasil hai Yaa Ghaus
Khuda se lein laraayi woh hai mu’tii
Nabi qaasim hai tu moosil hai Yaa Ghaus
Ataayein muqtadir ghaffaar ki hain
Abas bandon ke dil mein ghil hai Yaa Ghaus
Tere baba ka phir tera karam hai
Yeh moonh warna kisi qaabil hai Yaa Ghaus
Bharan waale tera jhaala toh jhaala
Tera cheenta mera ghaasil hai Yaa Ghaus
Sanaa maqsood hai ‘arz e gharaz kya
Gharaz ka aap toh kaafil hai Yaa Ghaus
Raza kaa khatima bil khair hoga
Teri rehmat agar shaamil hai Yaa Ghaus
Talab ka muh to kis qabil hai Yaa Ghaus
Magar teraa karam kaamil hai Yaa Ghaus
طلب کا منھ تو کس قابل ہے یا غوث
مگر تیرا کرم کامل ہے یا غوث
دوہائی یَا مُحِیُّ الدِّین دوہائی
بَلا اسلام پر نازل ہے یا غوث
وہ سنگیں بِدعَتیں وہ تیزیِ کفر
کہ سر پر تِیغ دل پر سِل ہے یا غوث
عَزُوْمًا قَاتِلًا عِنْدَ الْقِتَالٖ
مدد کو آ دمِ بِسمِل ہے یا غوث
تیرے سونے سے سویا بخت دے جاگ
جگا! چھپنے پہ دن مائل ہے یا غوث
خدا را ناخُدا آ دے سہارا
ہوا بگڑی بھَنْوَر حائل ہے یا غوث
جِلا دے دیں جَلا دے کفر و اِلحاد
کہ تُو محیٖی ہے تُو قاتل ہے یا غوث
تِرا وقت اور پڑے یوں دین پر وقت
نہ تو عاجز نہ تو غافل ہے یا غوث
رہی ہاں شامتِ اعمال یہ بھی
جو تو چاہے ابھی زائل ہے یا غوث
غَیُورا! اپنی غیرت کا تَصَدُّق
وہی کر جو تِرے قابل ہے یا غوث
خدا را مرہمِ خاکِ قدم دے
جگر زخمی ہے دل گھائل ہے یا غوث
نہ دیکھوں شکلِ مشکل تیرے آگے
کوئی مشکل سی یہ مشکل ہے یا غوث
وہ گھیرا رشتۂ شرکِ خَفی نے
پھنسا زُنّار میں یہ دل ہے یا غوث
کیے تَرسا و گَبْر اَقطاب و اَبدال
یہ محض اسلام کا سائل ہے یا غوث
تو قُوَّت دے میں تنہا کام بِسیار
بدن کمزور دل کاہل ہے یا غوث
عَدُوّ بد دین مذہب والے حاسد
تو ہی تنہا کا زورِ دل ہے یا غوث
حسد سے ان کے سینے پاک کر دے
کہ بَدتر دِق سے بھی یہ سِل ہے یا غوث
غذائے دِق یہی خوں اُستخواں گوشت
یہ آتِش دین کی آکِل ہے یا غوث
دیا مجھ کو انھیں محروم چھوڑا
مِرا کیا جرم حق فاصل ہے یا غوث
خدا سے لیں لڑائی وہ ہے مُعطِی
نبی قاسم ہے تو مُوصِل ہے یا غوث
عطائیں مُقْتَدِر غَفَّار کی ہیں
عَبَث بندوں کے دل میں غِلّ ہے یا غوث
تِرے بابا کا پھر تیرا کرم ہے
یہ منھ ورنہ کسی قابل ہے یا غوث
بَھرَن والے تِرا جھالا تو جھالا
تِرا چھینٹا مِرا غاسِل ہے یا غوث
ثَنا مَقْصود ہے عَرضِ غَرض کیا
غرض کا آپ تُو کافِل ہے یا غوث
رضاؔ کا خاتِمہ بالخیر ہو گا
تِری رحمت اگر شامل ہے یا غوث