Sunte hain ke mehshar mein sirf unki rasai hai
Gar unki rasai hai lo jab to ban aayi hai
Machla hai keh rehmat ne ummeed bandhaayi hai
Kya baat teri mujrim kya baat banaayi hai
Sab ne saf e mehshar me lalkaar diya hum ko
Aay bekason ke Aaqa ab teri duhaii hai
Yoon to sab unhi ka hai par dil ki agar poocho
Yeh toote huwe dil hi khaas unki kamaayi hai
Zaair gaye bhi kab ke din dhalne pe hai pyaare
Uth mere akele chal kya der lagayi hai
Sunte hain ke mehshar mein sirf unki rasai hai
Gar unki rasai hai lo jab to ban aayi hai
Baazaare ‘amal mein to sauda nah bana apna
Sarkaar e karam tujh mein ‘aibi ki samaayi hai
Girte huwon ko muzda sajde me gire Maula
Ro ro ke shafaa’at ki tamheed utthaayi hai
Aay dil ye sulagna kya jalna hai to jal bhi utth
Dam ghutne laga zaalim kya dhooni ramaayi hai
Mujrim ko na sharmawo ehbaab kafan dhak do
Moonh dekh ke kya hoga parde mein bhalaayi hai
Sunte hain ke mehshar mein sirf unki rasai hai
Gar unki rasai hai lo jab to ban aayi hai
Ab aap hi sambhaalein to kaam apne sambhal jaayein
Humne to kamayi sab khelon mein gawaayi hai
e ‘ishq tere sadqe jalne se chhutte saste
Jo aag bujhaa degi woh aag lagaayi hai
Hirs o hawas e bad se dil tu bhi sitam kar le
Tu hi nahin baygaana duniya hi paraayi hai
Hum dil jale hain kis ke hat fitnon ke parkaale
Kyun phoonk doon ik uff se kya aag lagayi hai
Sunte hain ke mehshar mein sirf unki rasai hai
Gar unki rasai hai lo jab to ban aayi hai
Taiba na sahi afzal Makkah hi barraa zaahid
Hum ‘ishq ke bande hain kyun baat barhaayi hai
Matla’ mein yeh shak kya tha wallaah Raza wallaah
Sirf unki rasaai hai sirf unki rasaai hai
Sunte hain ke mehshar mein sirf unki rasai hai
Gar unki rasai hai lo jab to ban aayi hai
سُنتے ہیں کہ محشر میں صرف اُن کی رَسائی ہے
گر اُن کی رَسائی ہے لو جب تو بن آئی ہے
مچلا ہے کہ رحمت نے اُمید بندھائی ہے
کیا بات تِری مجرم کیا بات بَنائی ہے
سب نے صف محشر میں لَلکار دیا ہم کو
اے بے کسوں کے آقا اب تیری دُہائی ہے
یُوں تو سب اُنہیں کا ہے پَر دل کی اگر پوچھو
یہ ٹُوٹے ہوئے دِل ہی خاص اُن کی کمائی ہے
زائرْ گئے بھی کب کے، دِن ڈَھلنے پہ ہے پیارے
اُٹھ میرے اَکیلے چل کیا دیر لگائی ہے
بازارِ عمل میں تو سودا نہ بنا اپنا
سرکارِ کرم تجھ میں عیبی کی سمَائی ہے
گرتے ہووں کو مژدہ سجدے میں گِرے مولیٰ
رو رو کے شفاعت کی تمہید اُٹھائی ہے
اے دل یہ سُلگنا کیا جلنا ہے تو جل بھی اُٹھ
دَم گھٹنے لگا ظالِم کیا دُھونی رَمائی ہے
مجرم کو نہ شرماؤ احباب کفن ڈَھک دو
مُنھ دیکھ کے کیا ہو گا پردے میں بھلائی ہے
اب آپ ہی سنبھالیں تو کام اپنے سنبھل جائیں
ہم نے تو کمائی سب کھیلوں میں گنوائی ہے
اے عشق تِرے صَدقے جلنے سے چُھٹے سَستے
جو آگ بجھا دے گی وہ آگ لگائی ہے
حرص و ہوسِ بَد سے دل تُو بھی سِتَم کر لے
تُو ہی نہیں بے گانہ دُنیا ہی پَرائی ہے
ہم دِل جلے ہیں کس کے ہٹ فتنوں کے پر کالے
کیوں پُھونک دُوں اِک اُف سے کیا آگ لگائی ہے
طیبہ نہ سہی اَفضل مَکّہ ہی بڑا زاہِد
ہم عِشق کے بندے ہیں کیوں بات بڑھائی ہے
مَطْلَع میں یہ شک کیا تھا واللہ رضاؔ واللہ
صرف اُن کی رَسائی ہے صرف اُن کی رَسائی ہے