Suna jungle raat andheri chai badli kali hai
Sone waalo jaagte rahiyo choron ki rakhwaali hai
Aankh se kaajal saaf churaa lain yaan woh chor balaa ke hain
Teri gatthrri taakee hai aur tu ne neend nikali hai
Yeh jo tujh ko bulaata hai yeh thag hai maar hi rakhe gaa
Haaye musaafir dam mein na aana mat kaisi matwaali hai
Sona paas hai soona ban hai sona zehar hai utth pyaare
Tu kehta hai neend hai meethi teri mat hi nirali hai
Aankhain malna jhunjhlaa parrnaa laakhon jamaahi angraayi
Naam pe utthne ke larrta hai utthna bhi kuch gaali hai
Jugnoo chamke pattaa kharke mujh tanhaa ka dil dharke
Dar samjhaaye koi pavan hai ya agiyaa be taali hai
Suna jungle raat andheri chai badli kali hai
Sone waalo jaagte rahiyo choron ki rakhwaali hai
Baadal garje bijli tarrpe dhak se kaleja ho jaaye
Ban main ghataa ki bhaianak soorat kaisi kaali kaali hai
Paaon utthaa aur thokar khaayi kuch sambhlaa phir aondhe moon
Meenh ne phislan kar di hai aur dhur tak khaayi naali hai
Saathi saathi keh ke pukaroon saathi ho to jawab aaye
Phir jhunjhlaa kar sar de patkoon chal re Mowla waali hai
Phir phir kar har jaanib dekhoon koi aas na paas kahin
Haan ik tooti aas nay haaray jee se rafaaqat paali hai
tum to chaand ‘arab ke ho pyaare tum to ‘ajam ke sooraj ho
Dekho mujh bekas par shab ne kaisi aafat daali hai
Suna jungle raat andheri chai badli kali hai
Sone waalo jaagte rahiyo choron ki rakhwaali hai
Dunya ko tu kia jaanay yeh bis ki ghaanth hai harraafah
Soorat dekho zaalim ki to kaisee bholi bhaali hai
Shehad dikhaaye zehar pilaaye qaatil daaen shohar kush
Iss murdaar pe kya lalchaaya dunya dekhi bhaali hai
Woh to nihaiat sasta sowda baich rahe hain jannat ka
Hum muflis kya moal chukaayen apna haath hi khaali hai
Mowla tere afw o karam hon mere gawaah safaayi ke
Warna Raza se chor pe teri degree to iqbali hai
Suna jungle raat andheri chai badli kali hai
Sone waalo jaagte rahiyo choron ki rakhwaali hai
سُونا جنگل رات اندھیری چھائی بدلی کالی ہے
سونے والو! جاگتے رہیو چوروں کی رکھوالی ہے
آنکھ سے کاجل صَاف چُرا لیں یاں وہ چور بلا کے ہیں
تیری گٹھری تاکی ہے اور تُو نے نیند نکالی ہے
یہ جو تجھ کو بلاتا ہے یہ ٹھگ ہے مار ہی رکھے گا
ہائے مسافر دم میں نہ آنا مَت کیسی متوالی ہے
سَونا پاس ہے سُونا بن ہے سَونا زہر ہے اُٹھ پیارے
تُو کہتا ہے نیند ہے میٹھی تیری مت ہی نِرالی ہے
آنکھیں ملنا جھنجھلا پڑنا لاکھوں جمائی اَنگڑائی
نام پر اُٹھنے کے لڑتا ہے اُٹھنا بھی کچھ گالی ہے
جگنو چمکے پتا کھڑکے مجھ تنہا کا دِل دھڑکے
ڈر سمجھائے کوئی پَوَنْ ہے یا اگیا بیتالی ہے
بادل گرجے بجلی تڑپے دَھک سے کلیجا ہو جائے
بن میں گھٹا کی بَھیانک صورت کیسی کالی کالی ہے
پاؤں اُٹھا اور ٹھوکر کھائی کچھ سنبھلا پھر اَوندھے مُنھ
مِینھ نے پھسلن کر دی ہے اور دُھر تک کھائی نالی ہے
ساتھی سَاتھی کہہ کے پکاروں ساتھی ہو تو جواب آئے
پھر جھنجھلا کر سر دے پٹکوں چَل رے مولیٰ والی ہے
پھر پھر کر ہر جانب دیکھوں کوئی آس نہ پاس کہیں
ہاں اِک ٹُوٹی آس نے ہارے جی سے رَفاقت پالی ہے
تم تو چاند عرب کے ہو پیارے تم تو عجم کے سُورج ہو
دیکھو مجھ بے کس پر شب نے کیسی آفت ڈالی ہے
دُنیا کو تُو کیا جانے یہ بَسْ کی گانٹھ ہے حَرَّافہ
صورت دیکھو ظالم کی تو کیسی بھولی بھالی ہے
شہد دکھائے زہر پلائے، قاتل، ڈائن، شوہر کُش
اس مردار پہ کیا للچانا دُنیا دیکھی بھالی ہے
وہ تو نہایت سَستا سودا بیچ رہے ہیں جنت کا
ہم مفلِس کیا مول چکائیں اپنا ہاتھ ہی خالی ہے
مولیٰ تیرے عفو و کرم ہوں میرے گواہ صفائی کے
ورنہ رضاؔ سے چور پہ تیری ڈگری تو اقبالی ہے