Maa o man se bachaaye Aale rasool,
Min o ’an hun razaaye Aale Rasool.
Haq mein mujhko gumaaye Aale Rasool,
Mujhko haq se milaaye Aale Rasool.
Meri aankhon mein aaye Aale Rasool,
Mere dil mein samaaye Aale Rasool.
Tu hi jaan e fidaaye Aale Rasool,
Qadr e sumuwi e simaaye Aale Rasool.
Saat aflaak zeene phir Kursi
‘Arsh e rif’at saraaye Aale Rasool.
Chaandnaa chaand ka Madeene ke
Lum’ah haq numaaye Aale Rasool.
hai irada tera irada haq
Haq ki marzi razaaye Aale Rasool.
Ba’d jiske na hoga faqr kabhi
Woh ghanaa hai ghanaaye Aale Rasool.
Sibghatullah ki charrhi apni
Haq ki rangat rachaaye Aale Rasool.
Us ki nayrangiyon mein hon yak rang
Rang e wahdat jamaaye Aale Rasool.
Maa o man se bachaaye Aale rasool,
Min o ’an hun razaaye Aale Rasool.
Ho khudi door aur Khuda baaqi
Ho Khuda hi Khudaaye Aale Rasool.
Mowt se pehle mujh ko mowt aaye
Meri Hasti mitaaye Aale Rasool.
Yoon mittun mein keh mujh mein mit jaaye
Mujh ko mujh se gumaaye Aale Rasool.
Jeete jee jee mein main guzar jaaun
Phool meri utthaaye Aale Rasool.
Beeri kat jaaye har tashakhus ki
Qayd se yoon churaaye Aale Rasool.
Yeh khudi bhi fidaaye da’waa hai
Kar de be khud Khudaaye Aale Rasool.
Soorat e Shaikh ka tasawwur ho
Hoon mein mahw e liqaaye Aale Rasool.
Maa o man se bachaaye Aale rasool,
Min o ’an hun razaaye Aale Rasool.
Sar taa paayam fidaa sar o paayat
Wah cheh noor o ziyaaye Aale Rasool.
Dil o jaanam fidaa sarat gardam
Lum’ah haq numaaye Aale Rasool.
Bhar de qatre ke seene mein qulzam
Nam mein yam ko samaaye Aale Rasool.
Haqquhu haq ho zaahir o baatin
Haq ke jalwe dikhaaye Aale Rasool.
Dil mein haq haq zabaan peh haq haq ho
Deed Haq ki karaaye Aale Rasool.
Haq ka deewaana Haadi Haq se
Haq ki dhoomein machaaye Aale Rasool.
Faani ho jaaun Shaikh mein apne
Ho ba hoo ho adaaye Aale Rasool.
Maa o man se bachaaye Aale rasool,
Min o ’an hun razaaye Aale Rasool.
Faani fillah Baaqi billah hoon
Tu hi tu hai Khudaaye Aale Rasool.
Yeh taqarrub mile nawaafil se
Hoon Habeeb e fidaaye Aale Rasool.
Haath paaon ho aankh kaan ho woh
‘Aql bhi ho fidaaye Aale Rasool.
Mere a’zaa bane mera Mawla
Mujh pe pyaar aaye Aale Rasool.
Us se dekhoon sunoon chaloon pakroon
Mawla de bandah paaye Aale Rasool.
Meri hasti hijaab hai mera
Tu hi pardah utthaaye Aale Rasool.
Qurb haasil ho phir faraaiz ka
Soofi kaamil banaaye Aale Rasool.
Mulk e Laahoot se ilan naasoot
Hone raj’at nah paaye Aale Rasool.
Sayr e Fillah aur minallah ho
Darje sab te karaaye Aale Rasool.
Phir ilallah fanaa e mutlaq se
Poora saalik banaaye Aale Rasool.
Qayd e naasoot se rihaayi ho
Phere mere barrhaaye Aale Rasool.
Shaakh e Laahoot par baseraa ho
Ho yeh taayir humaaye Aale Rasool.
Maa o man se bachaaye Aale rasool,
Min o ’an hun razaaye Aale Rasool.
ما و مَن سے بچائے آلِ رسول
مِن و عَن ہوں رضائے آلِ رسول
حق میں مجھ کو گُمائے آلِ رسول
مجھ کو حق سے ملائے آلِ رسول
میری آنکھوں میں آئے آلِ رسول
میرے دل میں سمائے آلِ رسول
تو ہی جانے فدائے آلِ رسول
قدرِ سُمُوِّ سمائے آلِ رسول
سات اَفلاک زینے، پھر کرسی
عرشِ رِفعت سرائے آلِ رسول
چاندنا چاند کا مدینے کے
لُمعۂ حق نُمائے آلِ رسول
ہے ارادہ تِرا ارادۂ حق
حق کی مرضی رضائے آلِ رسول
بعد جس کے نہ ہوگا فقر کبھی
وہ غنا ہے غنائے آلِ رسول
صِبْغَۃُ اللہ کی چڑھی اپنی
حق کی رنگت رچائے آلِ رسول
اس کی نَیْرَنْگیوں میں ہوں یک رنگ
رنگِ وحدت جمائے آلِ رسول
ہو خودی دور اور خدا باقی
ہو خدا ہی خدائے آلِ رسول
مَوت سے پہلے مجھ کو مَوت آئے
میری ہستی مٹائے آلِ رسول
یوں مٹوں میں کہ مجھ میں مٹ جائے
مجھ کو مجھ سے گُمائے آلِ رسول
جیتے جی جی میں مَیں گزر جاؤں
پھول میری اٹھائے آلِ رسول
بیڑی کٹ جائے ہر تشخص کی
قید سے یوں چھڑائے آلِ رسول
یہ خودی بھی فدائے دعویٰ ہے
کر دے بے خود خدائے آلِ رسول
صورتِ شیخ کا تصوّر ہو
ہوں میں مَحوِ لقائے آلِ رسول
سر تا پایَم فدا سر و پایَت
وَہ چہ نور و ضیائے آلِ رسول
دل و جانم فدا سَرَت گَردَم
لُمعۂ حق نمائے آلِ رسول
بھر دے قطرے کے سینے میں قُلزُم
نم میں یم کو سمائے آلِ رسول
حَقُّہٗ حق ہو ظاہر و باطن
حق کے جلوے دکھائے آلِ رسول
دل میں حق حق زباں پہ حق حق ہو
دید حق کی کرائے آلِ رسول
حق کا دیوانہ ہادیِ حق سے
حق کی دھومیں مچائے آلِ رسول
فانی ہو جاؤں شیخ میں اپنے
ہو بہ ہو ہو ادائے آلِ رسول
فَانِیْ فِی اللہ بَاقِیْ بِاللہ ہوں
تو ہی تو ہے خدائے آلِ رسول
یہ تَقَرُّبْ ملے نوافل سے
ہوں حبیبِ فدائے آلِ رسول
ہاتھ پاؤں ہو آنکھ کان ہو وہ
عقل بھی ہو فدائے آلِ رسول
میرے اَعضا بنے مِرا مولیٰ
مجھ پہ پیار آئے، آئے آلِ رسول
اس سے دیکھوں سنوں چلوں پکڑوں
مَولیٰ دے بندہ پائے آلِ رسول
میری ہستی حجاب ہے میرا
تو ہی پردہ اٹھائے آلِ رسول
قرب حاصل ہو پھر فرائض کا
صوفی کامل بنائے آلِ رسول
مُلکِ لَاہُوْت سے اِلَی النَّاسُوْتْ
ہونے رَجعت نہ پائے آلِ رسول
سَیرِ فِی اللہ اور مِنَ اللہ ہو
درجے سب طے کرائے آلِ رسول
پھر اِلَی اللہ فنائے مطلق سے
پورا سالک بنائے آلِ رسول
قیدِ نَاسُوْتْ سے رہائی ہو
پھیرے میرے بڑھائے آلِ رسول
شاخِ لَاھُوْتْ پر بسیرا ہو
ہو یہ طائر ہُمائے آلِ رسول