Kiske jalwe ki jhalak hai ye ujala kya hai
Har taraf deedah e hairat zadah taqta kya hai
Maang man maanti moonh maangi muraadein lega
Na yahan ‘naa’ hai na mangta se yeh kehna ‘kya hai’
Pand karrwi lage naaseh se na tarsh ho aay nafs
Zahr e isiyan mein sitamgar tujhe meetha kya hai
Hum hain unke woh hain terey to huwe hum tere
Is se barh kar teri simt aur waseela kya hai
Kiske jalwe ki jhalak hai ye ujala kya hai
Har taraf deedah e hairat zadah taqta kya hai
Unki ummat mein banaaya unhe rehmat bheja
Yoon na farma ke tera reham mein da’waa kya hai
Sadqa pyaare ki haia ka keh na lo mujh se hisaab
Baksh be pooche lajaaye ko lajaana kya hai
Zaahid unka mein gunehgaar woh mere shaafi’
Itni nisbat mujhe kya kam hai to samjha kya hai
Be basi ho jo mujhe pursishe aa’mal ke waqt
Doston kya kahoon us waqt tamanna kya hai
Kiske jalwe ki jhalak hai ye ujala kya hai
Har taraf deedah e hairat zadah taqta kya hai
Kaash fariyaad meri sunke yeh farmayein Huzoor
Haan koi dekho yeh kya shor hai ghowgha kya hai
Kaun aafat zadah hai kis pe balaa tooti hai
Kis musibat mein gireftaar hai sadma kya hai
Kis se kehta hai ki Lillaah khabar lijiye meri
Kyun hai betaab yeh be chaini ka rona kya hai
Uski be chaini se hai khaatir e aqdas pe malaal
Bekasi kaisi hai poocho koi guzra kya hai
Kiske jalwe ki jhalak hai ye ujala kya hai
Har taraf deedah e hairat zadah taqta kya hai
Yoon malaik karein ma’arooz ki ek mujrim hai
Us se pursish hai bataa tune kiya kya kya hai
Saamna qaher ka hai daftar e aa’mal hai pesh
Dar raha hai ke Khuda hukm sunaata kya hai
Aap se karta hai fariyaad ke Yaa Shah e Rusul
Banda bekas hai shahaa reham me waqfa kya hai
Ab koi dum mein gireftaare balaa hota hoon
Aap aajayein to kya khauf hai khatka kya hai
Kiske jalwe ki jhalak hai ye ujala kya hai
Har taraf deedah e hairat zadah taqta kya hai
Sun ke yah ‘arz meri bahr e karam josh mein aayay
Yun malaaik ko ho irshaad t haherna kya hai
Kis ko tum maurid e aafaat kiya chaahte ho
Hum bhi toh aa ke zara dekhein tamaasha kya hai
Unki aawaz pe kar utthu mein besaakhta shor
Aur tarap kar yeh kahoon ab mujhe parwa kya hai
Lo woh aaya mera haami mera gham khwaar e umam!
Aa gayi jaan tan e be jaan mein yeh aana kya hai
Kiske jalwe ki jhalak hai ye ujala kya hai
Har taraf deedah e hairat zadah taqta kya hai
Phir mujhe daaman e aqdas me chupaalein Sarwar
Aur farmaayein hatto is pe taqaaza kya hai
Banda aazaad shudah hai yeh humare dar ka
Kaisa lete ho hisaab iss pe tumhara kya hai
Chhor kar mujh ko farishte kahe mahkoom hain hum
Hukm e waala ki na ta’meel ho Zuhra kya hai
Ye samaan dekh ke mehshar mein utthe shor ke waah
Chashm e bad door ho kya shaan hai rutbah kya hai
Kiske jalwe ki jhalak hai ye ujala kya hai
Har taraf deedah e hairat zadah taqta kya hai
Sadqe us rehm ke us saayaa e daaman pe nisaar
Apne bande ko musibat se bachaaya kya hai
Aay Raza jaan e ‘anaadil terey naghmon ke nisaar
Bulbul e baagh e Madinah tera kehna kya hai
Kiske jalwe ki jhalak hai ye ujala kya hai
Har taraf deedah e hairat zadah taqta kya hai
کِس کے جلوہ کی جھلک ہے یہ اُجالا کیا ہے
ہر طرف دِیدۂ حیرت زَدہ تکتا کیا ہے
مانگ من مانتی مُنھ مانگی مُرادیں لے گا
نہ یہاں ’’نا‘‘ ہے نہ منگتا سے یہ کہنا ’’کیا ہے‘‘
پند کڑوی لگے ناصِح سے ترش ہو اے نفس
زہرِ عِصیاں میں سِتَم گر تجھے میٹھا کیا ہے
ہم ہیں اُن کے وہ ہیں تیرے تو ہوئے ہم تیرے
اس سے بڑھ کر تِری سَمْت اَور وَسیلہ کیا ہے
ان کی امت میں بنایا اُنھیں رَحمت بھیجا
یوں نہ فرما کہ تِرا رَحم میں دعویٰ کیا ہے
صدقہ پیارے کی حیا کا کہ نہ لے مجھ سے حساب
بخش بے پوچھے لجائے کو لجانا کیا ہے
زَاہد اُن کا میں گنہ گار وہ میرے شافِع
اتنی نسبت مجھے کیا کم ہے تُو سمجھا کیا ہے
بے بسی ہو جو مجھے پرسشِ اَعمال کے وقت
دوستو! کیا کہوں اُس وقت تَمَنّا کیا ہے
کاش فریاد مِری سُن کے یہ فَرمائیں حضور
ہاں کوئی دیکھو یہ کیا شور ہے غوغا کیا ہے
کون آفت زدہ ہے کِس پہ بَلا ٹُوٹی ہے
کِس مصیبت میں گرفتار ہے صدمہ کیا ہے
کِس سے کہتا ہے کہ لِلّٰہ خبر لیجے مِری
کیوں ہے بیتاب یہ بے چینی کا رونا کیا ہے
اس کی بے چینی سے ہے خاطِرِ اقدس پہ مَلال
بے کسی کیسی ہے پُوچھو کوئی گزرا کیا ہے
یُوں ملائک کریں معروض کہ اِک مجرم ہے
اس سے پرسش ہے بتا تُو نے کیا کیا کیا ہے
سامنا قہر کا ہے دفترِ اعمال ہیں پیش
ڈر رہا ہے کہ خدا حکم سُناتا کیا ہے
آپ سے کرتا ہے فریاد کہ یا شاہِ رُسُل
بندہ بے کس ہے شہا رحم میں وقفہ کیا ہے
اب کوئی دم میں گرفتارِ بَلا ہوتا ہوں
آپ آجائیں تو کیا خوف ہے کھٹکا کیا ہے
سن کے یہ عرض مِری بحرِ کرم جوش میں آئے
یُوں ملائک کو ہو ارشاد ’’ٹھہرنا کیا ہے‘‘
کس کو تم مُوردِ آفات کِیا چاہتے ہو!
ہم بھی تو آکے ذَرا دیکھیں تماشا کیا ہے
اُن کی آواز پہ کر اُٹھوں میں بے ساختہ شور
اور تڑپ کر یہ کہوں اب مجھے پَروا کیا ہے
لو وہ آیا مِرا حامی مِرا غم خوارِ اُمم!
آگئی جاں تن بے جاں میں یہ آنا کیا ہے
پھر مجھے دامنِ اَقدس میں چھپا لیں سرور
اور فرمائیں ہٹو اس پہ تقاضا کیا ہے
بندہ آزاد شُدہ ہے یہ ہمارے دَر کا
کیسا لیتے ہو حساب اس پہ تمہارا کیا ہے
چھوڑ کر مجھ کو فرشتے کہیں محکوم ہیں ہم
حکمِ والا کی نہ تعمیل ہو زَہرہ کیا ہے
یہ سماں دیکھ کے محشر میں اُٹھے شور کہ واہ
چشم بد دُور ہو کیا شان ہے رُتبہ کیا ہے
صَدقے اس رَحم کے اس سایۂ دامن پہ نثار
اپنے بندے کو مصیبت سے بچایا کیا ہے
اے رضاؔ جانِ عنادِل تِرے نغموں کے نثار
بلبلِ باغِ مدینہ ترا کہنا کیا ہے