Hajio aao shahenshah ka roza dekho
Kaaba to dekh chuke Ka’abe ka Kaaba dekho
Rukn e shaami se miti wah’shat e shaam e ghurbat
Ab Madine ko chalo subh e dil aaraa dekho
Aab e zam zam to piyaa khoob bujhaayeen pyaasain
Aao jood e Shah e Kauthar ka bhi daryaa dekho
Zayr e mizaab mile khoob karam ke cheente
Abr e rehmat ka yahaan zowr barasnaa dekho
Dhoom dekhi hay dar e Ka’aba pe betaabon ki
Unke mushtako me hasrat ka tarapna dekho
Hajio aao shahenshah ka roza dekho
Kaaba to dekh chuke Ka’abe ka Kaaba dekho
Misle parwaana phira karte thay jis sham’a ke gird
Apni uss sham’a ko parwaana yahaan ka dekho
Khoob aankho se lagaaya he ghilaaf e Ka’aba
Qasr e Mahboob ke parde ka bhi jalwa dekho
Waan muti’oon ka jigar khauf se paani paaya
Yan siyahkaaron ka daaman pe machalnaa dekho
Awwaleen khana e Haq ki to ziyaayein dekhin
Aakhreen bait e Nabi ka bhi tajallaa dekho
Hajio aao shahenshah ka roza dekho
Kaaba to dekh chuke Ka’abe ka Kaaba dekho
Zeenate ka’aba mein tha laakh uroosoon ka banaao
Jalwa farma yahaan konain ka dulha dekho
Aymane toor ka tha rukn e yamani me farogh
Sho’la e toor yahaan anjuman aara dekho
Mehr e madar ka maza deti hay aagosh e hateem
Jin pe maa baap fida yaan karam unka dekho
Arz e haajat me raha Ka’aba kafeelul hujjaaj
Aao ab daad rasi e shahe Taibah dekho
Hajio aao shahenshah ka roza dekho
Kaaba to dekh chuke Ka’abe ka Kaaba dekho
Dho chuka zulmat e dil bosaa e Sange aswad
Khaak bosi e Madinah ka bhi rutbaa dekho
Kar chuki rifate Ka’aba pe nazar parwaazeyn
Topi ab thaam ke khaak e dar e waalaa dekho
Be niyazi se wahaan kaampti paayi taa’at
Joshe rehmat pe yahaan naaz gunah ka dekho
Jumua Makkah tha eid ahl e ibaadat ke liye
Mujrimo! Aao yahaan eid e doshamba dekho
Hajio aao shahenshah ka roza dekho
Kaaba to dekh chuke Ka’abe ka Kaaba dekho
Multazim se to gale lag ke nikaale armaan
Adab o shouq ka yahaan baaham ulajhnaa dekho
Khoob mas’aa me baameed e safaa daur liye
Rahe janan ki safaa ka bhi tamaashaa dekho
Raqs e bismil ki bahaare to Minaa me dekheen
Dil e khoon naaba fushaan ka bhi tarapnaa dekho
Ghowr se sun to Raza Ka’aba se aati hay sadaa
Meri aankhon se mere pyaare ka rozaa dekho
Hajio aao shahenshah ka roza dekho
Kaaba to dekh chuke Ka’abe ka Kaaba dekho
حاجیو! آؤ شہنشاہ کا رَوضہ دیکھو
کعبہ تو دیکھ چکے کعبَہ کا کعبَہ دیکھو
رُکنِ شامی سے مِٹی وحشت شامِ غربت
اب مَدینہ کو چلو صبحِ دِل آرا دیکھو
آبِ زمزم تو پِیا خُوب بجھائیں پیاسیں
آؤ جُودِ شہِ کوثر کا بھی دریا دیکھو
زیرِ میزاب مِلے خوب کرم کے چھینٹے
ابرِ رحمت کا یہاں زورِ برسنا دیکھو
دُھوم دیکھی ہے درِ کعبہ پہ بیتابوں کی
اُن کے مشتاقوں میں حسرت کا تڑپنا دیکھو
مِثلِ پروانہ پِھرا کرتے تھے جس شمع کے گِرد
اپنی اُس شمع کو پَروانہ یہاں کا دیکھو
خُوب آنکھوں سے لگایا ہے غلافِ کعبہ
قصرِ محبوب کے پردے کا بھی جلوہ دیکھو
واں مطیعوں کا جگر خوف سے پانی پایا
یاں سِیہ کاروں کا دامن پہ مچلنا دیکھو
اوّلیں خانۂ حق کی تو ضِیائیں دیکھیں
آخریں بَیتِ نبی کا بھی تجلّا دیکھو
زِینتِ کعبہ میں تھا لاکھ عَروسوں کا بناؤ
جلوہ فرما یہاں کونین کا دُولہا دیکھو
ایمنِ طُور کا تھا رُکنِ یمانی میں فروغ
شعلۂ طُور یہاں انجمن آرا دیکھو
مہرِ مادر کا مزہ دیتی ہے آغوشِ حطیم
جن پہ ماں باپ فدا یاں کرم ان کا دیکھو
عرضِ حاجت میں رہا کعبہ کفیل اَنجاح
آؤ اب داد رسیِّ شہِ طیبہ دیکھو
دھو چکا ظلمتِ دل بوسۂ سنگِ اَسْوَد
خاک بوسیِ مدینہ کا بھی رُتبہ دیکھو
کر چکی رفعتِ کعبَہ پہ نظر پَروازیں
ٹوپی اب تھام کے خاکِ درِ والا دیکھو
بے نیازی سے وہاں کانپتی پائی طاعت
جوشِ رحمت پہ یہاں نازْ گنہ کا دیکھو
جمعۂ مکہ تھا عید اہلِ عبادت کے لئے
مجرمو! آؤ یہاں عید دوشنبہ دیکھو
ملتزِم سے تو گلے لگ کے نکالے ارماں
ادب و شوق کا یاں باہم اُلجھنا دیکھو
خوب مسعٰے میں بامید صفا دوڑ لیے
رہِ جاناں کی صفا کا بھی تماشا دیکھو
رقصِ بِسمل کی بہاریں تو مِنٰی میں دیکھیں
دلِ خوں نابہ فشاں کا بھی تڑپنا دیکھو
غور سے سُن تو رضاؔ کعبہ سے آتی ہے صَدا
میری آنکھوں سے مِرے پیارے کا روضہ دیکھو