Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Khubti huwi nazar mein adaa kis sahar ki hai
Chubhti huwi jigar mein sadaa kis gajar ki hai
Daalein hari hari hai to baalein bhari bhari
Kishte amal pari hai yeh baarish kidhar ki hai
Hum jaayein aur qadam se lipat kar haram kahe
Sounpa Khuda ko yeh azmat kis safar ki hai
Hum gird’ e ka’aba phirte the kal tak aur aaj woh
Hum par nisaar hai yeh iraadat kidhar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Kalak jabeen ki sajda e dar se churaao gay
Mujh ko bhi le chalo yeh tamanna hajar ki hai
Dooba huwa hai shouq mein Zam Zam aur aankh se
Jhaale baras rahe hain yeh hasrat kidhar ki hai
Barsa ke jaane waalon pey gohar karoon nisaar
Abr e karam se arz yeh meezaab e zar ki hai
Aaghoosh’ e shouq khole hai jin ke liye hateem
Woh phir ke dekhte nahin yeh dhun kidhar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Haan haan rah e Madinah hai Ghaafil zara tu jaag
Oh paaon rakhne waale yeh jaan chashm o sar ki hai
Waaroon qadam qadam pe keh har dam hai jaan e nao
Yeh raah e jaan fiza mere Maula ke dar ki hai
Ghariyaan gini hai barso keh yeh sub gharri phiri
Marmar ke phir yeh sil mere seeney se sar ki hai
Allahu Akbar apne qadam aur ye khaak e paak
Hasrat Malaaika ko jahaan waz’ e sar ki hai
Meraj ka samaan hai kahaan pahonche zaairo!
Kursi se oonchi kursi usi paak ghar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Ushhaq e rouza sajde mein suwe haram jhuke
Allah jaanta hai keh niyyat kidhar ki hai
Yeh ghar yeh dar hai Uskaa jo ghar dar se paak hai
Muzhdah ho be gharo keh salaa achhe ghar ki hai
Mehboobe Rabb e Arsh hai is sabz qubba mein
Pehlu mein jalwah gah Ateeq o Umar ki hai
Chaaye Malaika hain lagaataar hai durood!
Badle hain pahre badli mein baarish durar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Sa’dayn ka qiraan hai pahluw e maah mein
Jhurmut kiye hain taare tajalli qamar ki hai
Sattar hazaar subh mein sattar hazaar shaam
Yoon bandagiye zulf o rukh aatthon pahar ki hai
Jo ek baar aaye dobarah nah aayenge
Rukhsat hi baargah se bas is qadar ki hai
Tarpa karein badal ke phir aana kahaan naseeb
Bey hukm kab majaal parinde ko par ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Aay waye beikasiy e tamanna ke ab ummeed
Din ko nah shaam ki hai na shab ko sahar ki hai
Yeh badliyaan nah ho toh karoron ki aas jaye
Aur bargaah e marhamat e aam tar ki hai
Ma’soomon ko hai ‘umr mein sirf ek baar baar
Aasi parey rahein toh salaa umr bhar ki hai
Zinda rahein to haazriy e baargaah naseeb
Mar jaayein to haiaat e abad aysh ghar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Muflis aur aise dar se phirey be ghani huwe
Chaandi har ik tarah to yahaan gadiya gar ki hai
Jaanaan pe takiya khaak nihaali hai dil nihaal
Haan be nawaao khoob yeh soorat guzar ki hai
Hain chatr o takht saaya e deewaar o khaak e dar
Shaahon ko kab naseeb yeh dhaj kar o far ki hai
Iss paak ko mein khaak yeh basar sar ba khaak hain
Samjhe hain kuch yahi jo haqiqat basar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Kyun Taajdaaro! khwaab mein dekhi kabhi yeh shai
Jo aaj jholiyon mein gadayaane dar ki hai
Jaaru kashon mein chehre likhey hain mulook ke
Woh bhi kahaan naseeb faqat naam bhar ki hai
Taibah mein mar ke thande chaley jaao aankhein bandh
Seedhi sarak yeh shahre shafaaat nagar ki hai
Aasi bhi hain chaheetey yeh Taibah hai zaahido!
Makkah nahin ke jaanch jahaan khair o shar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Shaan e jamaal Taibah jaanaan hai ‘nafa mahz!
Wus’at jalaal e Makkah mei sood o zarar ki hai
Ka’bah hai beshak anjuman aara dulhan magar
Saari bahaar dhulhanon mein dulhaa ke ghar ki hai
Ka’abah dulhan hai turbat e at har nayi dulhan
Yeh rashk e aaftaab woh ghairat qamar ki hai
Dono banin sajeeli aneeli bani magar
Jo pee ke paas hai woh suhaagan kunwar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Sar sabz e wasl yeh hai siyaa posh e hijr woh
Chamki dupatton se hai jo haalat jigar ki hai
Maa o shumaa toh kya keh Khaleel e Jaleel ko
kal dhekna keh unse tamanna nazar ki hai
Apna sharaf dua se hai baaqi raha qubool
Yeh jaanein unke haath mein kunji asar ki hai
Jo chaahey unse maang ke dono jahaan ki khair
Zar naa khareedah ek kaneez unke ghar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Roomi ghulaam din habshi baandiyaan shabeen
Ginti kaneez zaadon mein shaam o sahar ki hai
Itna ajab bulandiy’ e Jannat pey kisliye
Dekha nahin ke bheekh yeh kis oonchey ghar ki hai
‘Arsh e bari pe kyun nah ho Firdous ka dimaagh
Utri huwi shabeeh tere baam o dar ki hai
Woh Khuld jis mein utregi abraar ki baraat
Adnaa nichaawar us mere dulha ke sar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Amber zameen, abeer huwa mushk e tar ghubaar!
Adnaa si yeh shanaakht teri rahguzar ki hai
Sarkar hum gawaaron mei tarz e adab kahaan
Humko toh bas tameez yahi bheekh bhar ki hai
Maangenge maange jaayenge moonh maangi paayenge
Sarkar mein nah laa hai nah hajat agar ki hai
Uff be haiaaiyaan ke yeh moonh aur tere Huzoor
Haan tu kareem hai teri khu dar guzar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Tujh se chupaaun moonh toh karoon kiske saamne
Kya aur bhi kisi se tawaqqo nazar ki hai
Jaaon kahaan pukarun kise kis ka muh takun
Kya pursish aur jaa bhi sag e be hunar ki hai
Baab e ‘ataa toh yeh hai jo bahkaa idhar udhar
Kaisi kharaabi uss nagharey dar ba dar ki hai
Aabad ek dar hai tera aur tere siwa
Jo baargah dekhiye ghairat khandar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Lub waa hain aankhein bandh hain phaili hain jholiyaan
Kitne maze ki bheek tere paak dar ki hai
Ghera andheriyo ney duhaaee hai chaand ki
Tanha hoon kaali raat hai manzil khatar ki hai
Qismat mein laakh pech hon sau bal hazaar kaaj
Yeh saari guthi ik teri seedhi nazar ki hai
Aisi bandhi naseeb khule mushkilein khulin
Dono jahaan mein dhoom tumhari kamar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
Jannat nah dein, nah dein, teri rooyat ho khair se
Is gul ke aagey kisko hawas barg o bar ki hai
Sharbat nah dein, nah dein, to karey baat lutf se
Yeh shahad ho toh phir kise parwa shakar ki hai
Mein khaanah zaad kohna hu surat likhi huwi
Bandon kaneezon mein mere maadar pidar ki hai
Mangta ka haath utthte hi daata ki dayn thi
Doori qubool o ‘arz mein bas haath bhar ki hai
Sanki wo dekh baada e shafaa’at ki de hawaa
Yeh aabru Raza tere damaan e tar ki hai
Bheeni suhaani subha mein thandak jigar ki hai
Kaliyaan khileen dilon ki hawa yeh kidhar ki hai
بھینی سُہانی صبح میں ٹھنڈک جِگر کی ہے
کلیاں کِھلیں دِلوں کی ہوا یہ کِدھر کی ہے
کھبتی ہوئی نظر میں ادا کِس سَحر کی ہے
چبھتی ہوئی جِگر میں صَدا کس گجر کی ہے
ڈالیں ہَری ہَری ہیں تو بالیں بھری بھری
کشتِ اَمَل پَری ہے یہ بارش کدھر کی ہے
ہم جائیں اور قدم سے لپٹ کر حرم کہے
سونپا خدا کو یہ عظمت کس سفر کی ہے
ہم گردِ کعبہ پِھرتے تھے کل تک اور آج وہ
ہم پر نثار ہے یہ اِرادت کِدھر کی ہے
کالک جبیں کی سجدۂ در سے چھڑاؤ گے
مجھ کو بھی لے چلو یہ تمنّا حجر کی ہے
ڈُوبا ہوا ہے شوق میں زمزم اور آنکھ سے
جھالے برس رہے ہیں یہ حسرت کدھر کی ہے
برسا! کہ جانے والوں پہ گوہر کروں نثار
ابرِ کرم سے عرض یہ میزاب زر کی ہے
آغوشِ شوق کھولے ہے جن کے لئے حطیم
وہ پھر کے دیکھتے نہیں یہ دُھن کدھر کی ہے
ہاں ہاں رہِ مَدینہ ہے غافِل ذرا تو جاگ
او پاؤں رکھنے والے! یہ جا چشم و سر کی ہے
وَاروں قدم قدم پہ کہ ہر دَم ہے جانِ نو
یہ راہِ جاں فزا مِرے مولیٰ کے دَر کی ہے
گھڑیاں گنی ہیں برسوں کہ یہ سُب گھڑی پِھری
مر مر کے پھر یہ سِل مِرے سینے سے سَرکی ہے
اللہُ اَ کْبَر! اپنے قدم اور یہ خاکِ پاک
حسرت ملائکہ کو جہاں وَضعِ سر کی ہے
معراج کا سماں ہے کہاں پہنچے زائرو!
کُرسی سے اُونچی کُرسی اسی پاک گھر کی ہے
عشاقِ رَوضہ سجدہ میں سُوئے حرم جُھکے
اللہ جانتا ہے کہ نیّت کِدھر کی ہے
یہ گھر یہ در ہے اس کا جو گھر در سے پاک ہے
مژدہ ہو بے گھرو کہ صلا اچّھے گھر کی ہے
محبوبِ ربِّ عرش ہے اس سَبز قبّہ میں
پہلو میں جلوہ گاہ عتیق و عمر کی ہے
چھائے ملائکہ ہیں لگاتار ہے درود!
بدلے ہیں پہرے، بدلی میں بارش دُرر کی ہے
سعدین کا قِران ہے پہلوئے ماہ میں
جُھرمٹ کیے ہیں تارے تجلّی قمر کی ہے
ستّر ہزار صبح ہیں سَتّر ہزار شام
یُوں بندَگیِّ زُلف و رُخ آٹھوں پہر کی ہے
جو ایک بار آئے دوبارہ نہ آئیں گے
رُخصَت ہی بارگاہ سے بس اس قدر کی ہے
تڑپا کریں بدل کے پھر آنا کہاں نصیب
بے حکم کب مجال پرندے کو پر کی ہے
اے وائے بے کسیِ تمنّا کہ اب اُمید
دن کو نہ شام کی ہے نہ شب کو سحر کی ہے
یہ بدلیاں نہ ہوں تو کروروں کی آس جائے
اور بارگاہ مرحمت عام تر کی ہے
معصوموں کو ہے عمر میں صرف ایک بار بار
عاصی پڑے رہیں تو صَلا عمر بھر کی ہے
زِندہ رہیں تو حاضریِ بارگہ نصیب
مر جائیں تو حیاتِ اَبد عیش گھر کی ہے
مفلِس اور ایسے در سے پِھرے بے غنی ہوئے
چاندی ہر اک طرح تو یہاں گدیہ گر کی ہے
جاناں پہ تکیہ خاک نہالی ہے دل نہال
ہاں بے نواؤ خوب یہ صُورت گزر کی ہے
ہیں چتر و تخت سایۂِ دیوار و خاکِ در
شاہوں کو کب نصیب یہ دَھج کَرّو فر کی ہے
اس پاک کُو میں خاک بسر سربخاک ہیں
سمجھے ہیں کچھ یہی جو حقیقت بسرکی ہے
کیوں تاجدارو! خواب میں دیکھی کبھی یہ شَے
جو آج جھولیوں میں گدایانِ در کی ہے
جارُو کشوں میں چہرے لکھے ہیں ملُوک کے
وہ بھی کہاں نصیب فقط نام بھر کی ہے
طیبہ میں مر کے ٹھنڈے چلے جاؤ آنکھیں بند
سیدھی سڑک یہ شہرِ شفاعت نگر کی ہے
عاصِی بھی ہیں چہیتے یہ طیبہ ہے زاہدو!
مکّہ نہیں کہ جانچ جہاں خیر و شر کی ہے
شانِ جمال طیبۂ جاناں ہے نفع محض!
وُسعت جلالِ مکّہ میں سود و ضرر کی ہے
کعبہ ہے بے شک اَنجمن آرا دُلہن مگر
ساری بَہار دُولہنوں میں دُولھا کے گھر کی ہے
کعبہ دُلہن ہے تربت اَطہر نئی دُلہن
یہ رشکِ آفتاب وہ غیرت قمر کی ہے
دونوں بنیں سجیلی اَنیلی بنی مگر
جو پی کے پاس ہے وہ سہاگن کنورکی ہے
سرسبزِ وَصل یہ ہے سیہ پوشِ ہِجر وہ
چمکی دوپٹوں سے ہے جو حالت جگر کی ہے
مَا و شُما تو کیا کہ خلیلِ جلیل کو
کل دیکھنا کہ اُن سے تمنّا نظر کی ہے
اپنا شرف دُعا سے ہے باقی رہا قَبول
یہ جانیں ان کے ہاتھ میں کنجی اثر کی ہے
جو چاہے ان سے مانگ کہ دونوں جہاں کی خیر
زر ناخریدہ ایک کنیز اُن کے گھر کی ہے
رُومی غلام دن، حبشی باندیاں شبیں
گِنتی کنیز زادوں میں شام و سحر کی ہے
اتنا عجب بلندیِ جنت پہ کس لئے
دیکھا نہیں کہ بھیک یہ کس اونچے گھر کی ہے
عرشِ بریں پہ کیوں نہ ہو فردوس کا دِماغ
اُتری ہوئی شبیہ تِرے بام و در کی ہے
وہ خلد جس میں اُترے گی اَبرارکی برات
اَدنیٰ نچھاور اس مِرے دُولھا کے سر کی ہے
عنبرزمیں، عبیر ہوا، مشکِ تر غبار!
ادنیٰ سی یہ شناخت تِری رہ گزر کی ہے
سرکار ہم گنواروں میں طرزِ اَدَب کہاں
ہم کو تو بس تمیز یہی بھیک بھر کی ہے
مانگیں گے مانگے جائیں گے مُنھ مانگی پائیں گے
سرکار میں نہ ’’لا‘‘ ہے نہ حاجت ’’اگر‘‘ کی ہے
اُف بے حیائیاں کہ یہ مُنھ اور تِرے حضور
ہاں تُو کریم ہے تِری خُو دَرگزر کی ہے
تجھ سے چھپاؤں مُنھ تو کروں کس کے سامنے
کیا اور بھی کسی سے توقع نظر کی ہے
جاؤں کہاں پکاروں کسے کس کا منہ تکوں
کیا پرسِش اور جَا بھی سگِ بے ہنر کی ہے
بابِ عطا تو یہ ہے جو بہکا اِدھر اُدھر
کیسی خرابی اُس نگھرے دَر بَدر کی ہے
آباد ایک دَر ہے تِرا اور ترے سِوا
جو بارگاہ دیکھیے غیرت کھنڈر کی ہے
لب وا ہیں، آنکھیں بند ہیں، پھیلی ہیں جھولیاں
کتنے مزے کی بھیک ترے پاک دَر کی ہے
گھیرا اندھیریوں نے دُہائی ہے چاند کی
تنہا ہوں کالی رات ہے منزل خطر کی ہے
قسمت میں لاکھ پیچ ہوں، سو بَل، ہزار کج
یہ ساری گُتھی اِک تِری سیدھی نظر کی ہے
ایسی بندھی نصیب کھلے مشکلیں کھلِیں
دونوں جہاں میں دُھوم تمہاری کمر کی ہے
جنت نہ دیں، نہ دیں، تِری رویت ہو خیر سے
اس گل کے آگے کس کو ہوس برگ و بر کی ہے
شربت نہ دیں، نہ دیں، تو کرے بات لطف سے
یہ شہد ہو تو پھر کسے پَروا شکر کی ہے
میں خانہ زادْ کُہنہ ہوں صورت لکھی ہوئی
بندوں کنیزوں میں مرے مادَر پدر کی ہے
منگتا کا ہاتھ اُٹھتے ہی داتا کی دَین تھی
دُوری قبول و عرض میں بس ہاتھ بھر کی ہے
سنکی وہ دیکھ بادِ شفاعت کہ دے ہوا
یہ آبرو رضاؔ ترے دامانِ تر کی ہے