Muhammad Mustafa noor e Khuda naam e Khuda tum ho,
Shah e Khairul Waraa shaan e Khuda salli alaa tum ho.
Shakeeb e dil qaraar e jaan Muhammad Mustafa tum ho,
Tabeeb e dard e dil tum ho mere dil ki dawa tum ho.
Ghareebon dardmandon ki dawa tum ho duaa tum ho,
Faqeeron be nawaao ki sadaa tum ho nidaa tum ho.
Habeeb e Kibriyaa tum ho Imaamul Ambiya tum ho,
Muhammad Mustafa tum ho Muhammad Mujtaba tum ho.
Hamare maljaa o maawaa hamara aasraa tum ho,
Thikaana hai thikaanon ka shah e har do saraa tum ho.
Ghareebon ki madad bebas ka bas roohi fidaa tum ho,
Sahaara be sahaaron ka hamara aasraa tum ho.
Muhammad Mustafa noor e Khuda naam e Khuda tum ho,
Shah e Khairul Waraa shaan e Khuda salli alaa tum ho.
Na koi maah wash tum sa na koi mah e jabeen tum sa,
Haseenon mein ho tum aise keh mahboob e Khuda tum ho.
Me sadqe Ambiya ke yun to mahboob hain lekin ,
Jo sab pyaron se pyara hai wo mahboob e Khuda tum ho.
Haseenon men tumhin tum ho Nabiyon men tumhin tum ho,
Ke mahboob e Khuda tum ho Nabiyyul Ambiya tum ho.
Tumhare husn e rangeen ki jhalak hai sab haseenon men,
Bahaaron ki bahaaron men bahaar e jaan fizaa tum ho.
Zameen men hai chamak kis ki falak par hai jhalak kis ki,
Mah o khursheed, sayyaron, sitaaron ki ziya tum ho.
Muhammad Mustafa noor e Khuda naam e Khuda tum ho,
Shah e Khairul Waraa shaan e Khuda salli alaa tum ho.
Wo laa saani ho tum Aaqa nahin saani koi jis ka,
Agar hai dusra koi to apna dusra tum ho.
Huwal Awwal Huwal Aakhir Huwaz Zaahir Huwal Baatin,
Bi kulli shai in aleem lauh e mahfooz e Khuda tum ho.
Na ho sakte hain do awwal, na ho sakte hain do aakhir,
Tum awwal aur aakhir, ibtidaa tum intiha tum ho.
Khuda kehte nahin banti judaa kehte nahin banti,
Khuda par is ko chora hai wahi jane keh kya tum ho.
Anaa min Haamid wa Haamid Raza minni ke jalwon se,
Bihamdillaah Raza Hamid hain aur Haamid Raza tum ho.
Muhammad Mustafa noor e Khuda naam e Khuda tum ho,
Shah e Khairul Waraa shaan e Khuda salli alaa tum ho.
محمد مصطفیٰ نورِ خدا نامِ خدا تم ہو
شَہِ خَیْرُالْوَریٰ شانِ خدا صَلِّ عَلٰی تم ہو
شکیبِ دل قرارِ جاں محمد مصطفیٰ تم ہو
طبیبِ دردِ دل تم ہو مِرے دل کی دوا تم ہو
غریبوں درد مندوں کی دوا تم ہو دُعا تم ہو
فقیروں بے نواؤں کی صدا تم ہو نِدا تم ہو
حبیبِ کبریا تم ہو اِمَامُ الْاَنْبِیَآء تم ہو
محمد مصطفیٰ تم ہو محمد مجتبیٰ تم ہو
ہمارے ملجا و ماوا ہمارا آسرا تم ہو
ٹھکانہ بے ٹھکانوں کا شَہِ ہر دو سَرا تم ہو
غریبوں کی مدد بے بس کا بس رُوْحِیْ فِدَا تم ہو
سہارا بے سہاروں کا ہمارا آسرا تم ہو
نہ کوئی ماہ وَش تم سا نہ کوئی مہ جبیں تم سا
حسینوں میں ہو تم ایسے کہ محبوبِ خدا تم ہو
میں صدقے انبیا کے یوں تو سب محبوب ہیں، لیکن
جو سب پیاروں سے پیارا ہے وہ محبوبِ خدا تم ہو
حسینوں میں تمھیں تم ہو نبیوں میں تمھیں تم ہو
کہ محبوبِ خدا تم ہو نَبِیُّ الْاَنْبِیَآء تم ہو
تمھارے حُسنِ رنگیں کی جھلک ہے سب حسینوں میں
بہاروں کی بہاروں میں بہارِ جاں فزا تم ہو
زمیں میں ہے چمک کس کی فلک پر ہے جھلک کس کی
مہ (و) خورشید، سیّاروں، ستاروں کی ضیا تم ہو
وہ لاثانی ہو تم آقا نہیں ثانی کوئی جس کا
اگر ہے دوسرا کوئی تو اپنا دوسرا تم ہو
ھُوَالْاَوَّل ھُوَالْاٰخِر ھُوَالظَّاھِر ھُوَالْبَاطِن
بِکُلِّ شَیْء عَلِیْم لوحِ محفوظِ خدا تم ہو
نہ ہو سکتے ہیں دو اوّل، نہ ہو سکتے ہیں دو آخر
تم اوّل اور آخر، ابتداء تم انتہا تم ہو
خدا کہتے نہیں بنتی جدا کہتے نہیں بنتی
خدا پر اِس کو چھوڑا ہے وہی جانے کہ کیا تم ہو
اَنَا مِنْ حَامِد و حَامِد رضَا مِنِّی کے جلووں سے
بِحَمْدِ اللہ رضا حامد ہیں اور حاؔمد رضا تم ہو