Shore Mahe Nau Sun Kar Tujh Tak Main Dawaan Aaya
Saaqi mai tere sadqe mai de Ramadaan aaya
Is gul ke siwa har phool ba gosh e giraan aaya
Dekhe hi gayee aay bulbul jab waqt e fughaan aaya
Jab baam e tajalli par woh nayyar e jaan aaya
Sar tha jo gira jhuk kar dil tha jo tapaan aaya
Shore Mahe Nau Sun Kar Tujh Tak Main Dawaan Aaya
Saaqi mai tere sadqe mai de Ramadaan aaya
Jannat ko Haram samjha aate to yahan aaya
Ab tak ke har ek ka munh kehta hoon kahaan aaya
Taiba ke siwa sab baagh paa maal e fanaa honge
Dekhoge chaman waalo jab ‘ahd e khizaan aaya
Shore Mahe Nau Sun Kar Tujh Tak Main Dawaan Aaya
Saaqi mai tere sadqe mai de Ramadaan aaya
Sar aur woh sang e dar aankh aur woh bazm e noor
Zaalim ko watan ka dhyaan aaya to kahaan aaya
Kuch na’at ke tabqe ka ‘aalam hi niraala hai
Sakte mein pari hai aql chakkar mein gumaan aaya
Shore Mahe Nau Sun Kar Tujh Tak Main Dawaan Aaya
Saaqi mai tere sadqe mai de Ramadaan aaya
Jalti thi zameen kaisi thee dhoop kari kaisi
Lo woh qad e be saaya ab saaya kinan aaya
Taiba se ham aate hain kahiye to jinan waalo
Kya dekh ke jeeta hai jo waan se yahan aaya
Shore Mahe Nau Sun Kar Tujh Tak Main Dawaan Aaya
Saaqi mai tere sadqe mai de Ramadaan aaya
Le toq e alam se ab aazad ho aay qumri
Chithi liye bakhshish ki woh sarwe rawaan aaya
Naamah se Raza ke ab mit jaao bure kaamo
Dekho mere palle par woh ache miyaan aaya
Shore Mahe Nau Sun Kar Tujh Tak Main Dawaan Aaya
Saaqi mai tere sadqe mai de Ramadaan aaya
Badkaar Raza khush ho badkaam bhale honge
Woh ache miyaan pyaara achon ka miyaan aaya
Shore Mahe Nau Sun Kar Tujh Tak Main Dawaan Aaya
Saaqi mai tere sadqe mai de Ramadaan aaya
شورِ مہِ نو سن کر تجھ تک میں دَواں آیا
ساقی میں ترے صدقے مے دے رمضاں آیا
اس گل کے سوا ہر پھول باگوش گراں آیا
دیکھے ہی گی اے بلبل جب وقتِ فغاں آیا
جب بامِ تجَلّی پر وہ نیّرِ جاں آیا
سر تھا جو گرا جھک کر دل تھا جو تپاں آیا
جنّت کو حَرم سمجھا آتے تو یہاں آیا
اب تک کے ہر اک کا منھ کہتا ہوں کہاں آیا
طیبہ کے سوا سب باغ پامالِ فنا ہوں گے
دیکھو گے چمن والو! جب عَہْدِ خزاں آیا
سر اور وہ سنگِ در آنکھ اور وہ بزمِ نور
ظالم کو وطن کا دھیان آیا تو کہاں آیا
کچھ نعت کے طبقے کا عَالم ہی نرالا ہے
سکتہ میں پڑی ہے عقل چکر میں گماں آیا
جلتی تھی زمیں کیسی تھی دھوپ کڑی کیسی
لو وہ قدِ بے سایہ اب سایہ کناں آیا
طیبہ سے ہم آتے ہیں کہیے تو جناں والو
کیا دیکھ کے جیتا ہے جو واں سے یہاں آیا
لے طوقِ اَلم سے اَب آزاد ہو اے قُمری
چٹھی لیے بخشِش کی وہ سَروِ رواں آیا
نامہ سے رضاؔ کے اَب مٹ جاؤ بُرے کامو
دیکھو مِرے پلّہ پَر وہ اَچھے میاں آیا
بدکار رضاؔ خوش ہو بدکام بھلے ہوں گے
وہ اَچھے میاں پیارا اَچھوں کا میاں آیا