Jo tera tifl hai kaamil hai yaa ghaus
Tufaili kaa laqab waasil hai Yaa Ghaus
Tassawuf tere maktab ka sabaq hai
Tasarruf par tera aamil hai Yaa Ghaus
Teri sair ilaa Allah hi hai fillah
Keh ghar se chalte hi moosil hai Yaa Ghaus
Tu noor e awwal o aakhir hai Mawlaa
Tu khair e ‘aajil o aajil hai Yaa Ghaus
Malak ke kuch bashar kuch jin ke hain peer
Tu sheikh e aali o saafil hai Yaa Ghaus
Jo tera tifl hai kaamil hai yaa ghaus
Tufaili kaa laqab waasil hai Yaa Ghaus
Kitaab e har dil aasaar e tarruff
Tere daftar hi se naaqil hai Yaa Ghaus
Futooh ul gaib agar raushan nah farmaaye
Futoohaat o fusoos aafil hai Yaa Ghaus
Tera mansoob hai marfoo’ iss jaa
Izaafat rafa ki ‘aamil hai Yaa Ghaus
Tere kaami mashaqqat se bari hain
ke bar tar nasab se faa’il hai Yaa Ghaus
Jo tera tifl hai kaamil hai yaa ghaus
Tufaili kaa laqab waasil hai Yaa Ghaus
Ahad se Ahmad aur Ahmad se tujh ko
Kun aur sab kun makun haasil hai Yaa Ghaus
Teri i’zzat teri rif’at tera fadl
Bifazlihi afzal o faazil hai Yaa Ghaus
Tere jalwe ke aagey mintaqah se
Mah o khur par khat baatil hai Yaa Ghaus
Siyaahi maayil us ki chaandni aayi
Qamar kaa yoon falak maayil hai Yaa Ghaus
Jo tera tifl hai kaamil hai yaa ghaus
Tufaili kaa laqab waasil hai Yaa Ghaus
Tilaaye meher hai taksaal baahar
ke khaarij markaz haamil hai Yaa Ghaus
Tu barzakh hai barang e noon e minnat
Do jaanib muttasil waasil hai Yaa Ghaus
Nabi se aakhaz aur ummat pe faaiz
Udhar qaabil idhar faa’il hai Yaa Ghaus
Natijah had e ausat gir ke dey aur
Yahaan jab tak ke tu shaamil hai Yaa Ghaus
Jo tera tifl hai kaamil hai yaa ghaus
Tufaili kaa laqab waasil hai Yaa Ghaus
Alaa toobaa lakum hai woh ke jin kaa
Shabaana roz wird e dil hai Yaa Ghaus
‘Ajam kaisa ‘arab hil kya Haram mein
Jami har jaa teri mehfil hai Yaa Ghaus
hai sharh e ism e Al Qaadir tera naam
Yeh sharha is matan ki haamil hai Yaa Ghaus
Jabeen e jubbah farsaayi ka sandal
Teri deewaar ki kahgil hai Yaa Ghaus
Bajaa laaya woh amr e saariyoo ko
Teri jaanib jo musta’jil hai Yaa Ghaus
Jo tera tifl hai kaamil hai yaa ghaus
Tufaili kaa laqab waasil hai Yaa Ghaus
Teri qudrat to fitriyaat se hai
Keh Qaadir naam mein daakhil hai Yaa Ghaus
Tasarruf waaley sab mazhar hain tere
Tu hi is pardey mein faa’il hai Yaa Ghaus
Raza ke kaam aur ruk jaayein haa shaa
Tera saail hai tu baazil hai Yaa Ghaus
Jo tera tifl hai kaamil hai yaa ghaus
Tufaili kaa laqab waasil hai Yaa Ghaus
جو تیرا طِفْل ہے کامل ہے یا غوث
طُفَیْلی کا لَقب واصل ہے یا غوث
تَصَوُّف تیرے مَکتب کا سبق ہے
تَصَرُّف پر تِرا عامل ہے یاغوث
تِری سَیر اِلَی ﷲ ہی ہے فِی ﷲ
کہ گھر سے چلتے ہی مُوصِل ہے یا غوث
تو نورِ اوّل و آخر ہے مولیٰ
تو خیرِ عاجل و آجِل ہے یا غوث
مَلک کے کچھ بَشر کچھ جنّ کے ہیں پیر
تو شیخِ عالی و سافِل ہے یا غوث
کتابِ ہر دل آثارِ تَعَرُّف
تِرے دفتر ہی سے ناقِل ہے یا غوث
فُتوح الغیب اگر روشن نہ فرمائے
فتوحات و فُصوص آفِل ہے یا غوث
تِرا مَنْسُوب ہے مَرفُوع اس جا
اِضافت رَفع کی عامل ہے یا غوث
تِرے کامی مشقت سے بَری ہیں
کہ بَرتر نَصب سے فاعل ہے یا غوث
اَحد سے احمد اور احمد سے تجھ کو
کُن اور سب کُن مَکُن حاصل ہے یا غوث
تِری عزت تِری رِفعت تِرا فضل
بِفضلہ افضل و فاضل ہے یا غوث
تِرے جلوے کے آگے مِنْطَقَہ سے
مَہ و خور پر خطِ باطل ہے یا غوث
سیاہی مائل اس کی چاندنی آئی
قمر کا یوں فلک مائل ہے یا غوث
طِلائے مِہر ہے ٹکسال باہر
کہ خارِج مَرکز حامِل ہے یا غوث
تو بَرزَخ ہے بَرَنگِ نونِ مِنَّت
دو جانب متَّصِل واصِل ہے یا غوث
نبی سے آخِذ اور اُمّت پہ فائض
اُدھر قابِل اِدھر فاعل ہے یا غوث
نتیجہ حَدِّ اَوْسَط گر کے دے اور
یہاں جب تک کہ تو شامل ہے یا غوث
اَلَا طُوْبٰی لَکُمْ ہے وہ کہ جن کا
شَبانہ روز وِرْدِ دل ہے یا غوث
عَجم کیسا عرب حِلّ کیا حَرم میں
جمی ہر جا تِری محفل ہے یا غوث
ہے شرحِ اسمِ اَلْـقَادِر ترا نام
یہ شرح اس مَتن کی حامل ہے یا غوث
جَبِیْنِ جُبَّہ فَرسائی کا صَنْدَل
تِری دیوار کی کَہگِل ہے یا غوث
بجا لایا وہ اَمرِ سَارِعُوْا کو
تِری جانب جو مُسْتَعْجِل ہے یا غوث
تِری قدرت تو فِطریات سے ہے
کہ قادِر نام میں داخل ہے یا غوث
تَصَرُّف والے سب مَظْہَر ہیں تیرے
تو ہی اس پردے میں فاعل ہے یا غوث
رضاؔ کے کام اور رک جائیں حاشا
تِرا سائل ہے تو باذِل ہے یا غوث