Zameen o zaman tumhare liye makeen o makaan tumhare liye
Chuneen o chunaan tumhare liye, bane do jahaan tumhare liye
Dahan mein zabaan tumhare liye badan mein hai jaan tumhare liye
Ham aaye yahaan tumhare liye utthein bhi wahaan tumhare liye
Farishte khidam Rasool o hisham tamaam e umam ghulaam e karam
Wujood o ‘adam hudoos o qidam jahaan mein ‘iyaan tumhare liye
Kaleem o Najeeh, Maseeh o Safi, Khaleel o Razi, Rasool o Nabi
Ateeq o Wasi Ghani o ‘Ali sanaa ki zabaan tumhare liye
Isaalat e kul imaamat e kul siyaadat e kul imaarat e kul
Hukoomat e kul wilaayat e kul Khuda ke yahaan tumhare liye
Tumhaari chamak tumhari dhamak tumhari jhalak tumhari mahak
Zameen o falak simaak o samak mein sikkah nishaan tumhare liye
Zameen o zaman tumhare liye makeen o makaan tumhare liye
Chuneen o chunaan tumhare liye, bane do jahaan tumhare liye
Wo kanz e nihaan yeh noor e fashaan woh kun se ‘iyaan yeh bazm e fakaan
Yeh har tan o jaan yeh baagh e jinaan yeh saaraa samaan tumhare liye
Zuhoor e nihaan qayaam e jahaan rukoo’ e mihaan sujood e shahaan
Niyaazein yahaaan namazein wahaan yeh kis liye haan tumhare liye
Yeh shams o qamar yeh shaam o sahar yeh barg o shajar yeh baagh o samar
Yeh taigh o sipar yeh taaj o kamar yeh hukm e rawaan tumhare liye
Yeh faiz diye woh jood kiye ke naam liye zamaana jiye
Jahaan ne liye tumhare diye yeh ikramiyaan tumhare liye
Sahaab e karam rawaana kiye ke aab e ni’am zamaanah piye
Jo rakhte the hum woh chaak siye yeh satr e badaan tumhare liye
Zameen o zaman tumhare liye makeen o makaan tumhare liye
Chuneen o chunaan tumhare liye, bane do jahaan tumhare liye
Sanaa kaa nishaan woh noor fashaan keh mehr wa shaan ba aanhamah shaan
Ba saaya kashaan mawaakib shaan yeh naam o nishaan tumhare liye
‘Ataa e arab jala e karab fuyooz e ‘ajab baghair e talab
Yeh rehmat e Rab hai kis ke sabab ba Rabb e jahaan tumhare liye
Zunoob e fanaa ‘uyoob e habaa quloob e safaa khutoob e rawaa
Yeh khoob e ‘ataa kuroob e zudaa paye dil o jaan tumhare liye
Nah jinn o bashar ke aatthon paher malaaikah dar pe bastah kamar
Nah jubbah o sar ke qalb o jigar hain sajdah kunaan tumhare liye
Nah Rooh e Ameen nah ‘Arsh e Bareen nah Lawh e Mubeen koi bhi kaheen
Khabar hi nahin jo ramzein khuleen azal ki nihaan tumhare liye
Zameen o zaman tumhare liye makeen o makaan tumhare liye
Chuneen o chunaan tumhare liye, bane do jahaan tumhare liye
Jinaan mein chaman, chaman mein saman, saman mein phaban, phaban mein
dulhan
Sazaa e mihan pe aise minan yeh amn o amaan tumhare liye
Kamaal e mihaan jalaal e shihaan jamaal e hisaan mein tum ho ‘iyaan
Ke saare jahaan mein roz e fakaan zil e aaina saan tumhare liye
Yeh toor kujaa siphir to kya ke ‘arsh e ‘ulaa bhi door raha
Jihat se waraa wisaal milaa yeh rif’at e shaan tumhare liye
Khaleel o Naji, Maseeh o Safi, sabhi se kahi kaheen bhi bani
Yeh be khabari ke khalq phiri kahaan se kahaan tumhare liye
Bafowr e sadaa samaan yeh bandha yeh sidrah uttha woh arsh ‘jhuka
Sufoof e samaa ne sajdah kiya huwi jo azaan tumhare liye
Zameen o zaman tumhare liye makeen o makaan tumhare liye
Chuneen o chunaan tumhare liye, bane do jahaan tumhare liye
Yeh marhamtein ke kachi matein nah chhorein latein nah apni gatein
Qusoor karein aur un se bharein qusoor e jinaan tumhare liye
Fanaa badarat baqaa babarat ze har do jihat bagird e sarat
hai markaziyyat tumhaari sifat ke donon kamaan tumhare liye
Ishaare se chaand cheer diya chhupe huwe khur ko pher liya
Gaye huwe din ko ‘asr kiya ye taab o tawaan tumhare liye
Sabaa woh chale ke baagh phale woh phool khile ke din hon bhale
Liwaa ke tale sanaa mein khule Raza ki zabaan tumhare liye
Zameen o zaman tumhare liye makeen o makaan tumhare liye
Chuneen o chunaan tumhare liye, bane do jahaan tumhare liye
زمین و زماں تمہارے لئے مَکِین و مکاں تمہارے لئے
چُنین و چُناں تمہارے لئے بنے دو جہاں تمہارے لئے
دَہن میں زباں تمہارے لئے بدن میں ہے جاں تمہارے لئے
ہم آئے یہاں تمہارے لئے اٹھیں بھی وہاں تمہارے لئے
فرشتے خِدَم رسول حِشم تمامِ اُمَم غلامِ کرم
وُجُود و عَدم حُدوث و قِدم جہاں میں عِیاں تمہارے لئے
کَلِیم و نَجی مَسیح و صَفی خلیل و رَضی رسول و نبی
عَتیق و وَصی غَنی و علی ثَنا کی زباں تمہارے لئے
اِصالتِ کُل امامتِ کُل سِیادَتِ کُل اَمارتِ کُل
حکومتِ کل وِلایتِ کل خدا کے یہاں تمہارے لئے
تمہاری چمک تمہاری دمک تمہاری جھلک تمہاری مہک
زمین و فلک سِماک و سمک میں سکہ نشاں تمہارے لئے
وہ کَنزِ نِہاں یہ نورْ فَشاں وہ کُن سے عِیاں یہ بزمِ فَکاں
یہ ہر تن و جاں یہ باغِ جناں یہ سارا سماں تمہارے لئے
ظُہورِ نِہاں قیامِ جہاں رکوعِ مِہاں سجودِ شَہاں
نیازیں یہاں نمازیں وہاں یہ کس لئے ہاں تمہارے لئے
یہ شمس و قمر یہ شام و سحر یہ بَرگ و شَجر یہ باغ و ثَمر
یہ تِیغ و سِپر یہ تاج و کمر یہ حکم رواں تمہارے لئے
یہ فیض دیے وہ جُود کیے کہ نام لیے زمانہ جیے
جہاں نے لیے تمہارے دیے یہ اَکرَمیاں تمہارے لئے
سحابِ کرم روانہ کیے کہ آبِ نِعَم زمانہ پیے
جو رکھتے تھے ہم وہ چاک سیے یہ سَترِ بداں تمہارے لئے
ثَنا کا نشاں وہ نور فَشاں کہ مِہروَشاں بآنہمہ شاں
بَسایہ کشاں مَواکِب شاں یہ نام و نشاں تمہارے لئے
عطائے اَرَب جلائے کَرب فُیوضِ عجب بغیرِ طلب
یہ رحمتِ ربّ ہے کس کے سبب بَربِّ جہاں تمہارے لئے
ذُنوب فنا عُیوب ہبا قلوب صَفا خُطوب رَوا
یہ خوب عطا کُروب زُدا پئے دل و جاں تمہارے لئے
نہ جنّ و بشر کہ آٹھوں پہر ملائکہ در پہ بَستہ کمر
نہ جَبہَہ و سَر کہ قلب و جگر ہیں سجدہ کُناں تمہارے لئے
نہ رُوحِ امیں نہ عرشِ بَریں نہ لَوحِ مُبیں کوئی بھی کہیں
خبر ہی نہیں جو رَمزیں کھلیں ازل کی نِہاں تمہارے لئے
جِناں میں چمن، چمن میں سمن، سمن میں پھبن، پھبن میں دلہن
سزائے مِحَن پہ ایسے مِنَن یہ امن و اَماں تمہارے لئے
کمالِ مہاں جلالِ شہاں جمالِ حِساں میں تم ہو عیاں
کہ سارے جہاں میں روزِفَکان ظِل آئینہ ساں تمہارے لئے
یہ طُور کُجا سِپِہر تو کیا کہ عرشِ عُلا بھی دور رہا
جِہت سے ورا وِصال ملا یہ رفعتِ شاں تمہارے لئے
خلیل و نجی، مسیح و صَفی سبھی سے کہی کہیں بھی بنی
یہ بے خبری کہ خَلق پھری کہاں سے کہاں تمہارے لئے
بَفَورِ صدا سماں یہ بندھا یہ سدرہ اٹھا وہ عرش جھکا
صُفوفِ سَما نے سجدہ کیا ہوئی جو اذاں تمہارے لئے
یہ مَرحمتیں کہ کچی مَتیں نہ چھوڑیں لَتیں نہ اپنی گَتیں
قَصور کریں اور اُن سے بھریں قُصورِ جناں تمہارے لئے
فَنا بَدَرَت بَقا بَبرَتْ ز ہر دو جِہت بگردِ سَرَتْ
ہے مَرکزِیَّت تمہاری صفت کہ دونوں کماں تمہارے لئے
اشارے سے چاند چیر دیا چھپے ہوئے خور کو پھیر لیا
گئے ہوئے دن کو عصر کیا یہ تاب و تَواں تمہارے لئے
صبا وہ چلے کہ باغ پھلے وہ پھول کھلے کہ دن ہوں بھلے
لِوا کے تلے ثنا میں کھلے رضاؔ کی زباں تمہارے لئے