Zamana hajj ka hai jalwa diya hai shaahide gul ko
Ilahi taaqate parwaaz de par haaye bulbul ko
Bahaarein aayin joban par ghira hai abr rehmat ka
Labe mushtaaq bheegein de ijazat saaqiyaan mul ko
Mile lab se woh mushkein mohr waalidam me dam aaye
Tapak sunkar qume Isa kahoon masti mein Qulqul ko
Machal jaaun sawaal e mudda’aa par thaam kar daaman
Behakne ka bahaana paaun qasde be ta’ammul ko
Dua kar bakhte khuftah jaag hungaam e ijaabat hai
Hataaya subh e rukh se shaah ne shabhaaye kakul ko
Zabaane falsafi se amne khark o iltiyaam asraa
Panaah e daur e rehmat haaye yaq saa’at tasalsul ko
Zamana hajj ka hai jalwa diya hai shaahide gul ko
Ilahi taaqate parwaaz de par haaye bulbul ko
Do shamba Mustafa ka jum’a e Aadam se behtar hai
Sikhaana kya lihaaz e haisiyat khu e ta’ammul ko
Wafure shaan e rehmat ke sabab jur’at hai Aay pyaare
Na rakhh behre Khuda sharminda arze be ta’ammul ko
Pareshani mein naam unka dil e sad chaak se nikla
Ijaabat shaana karne aayi gesu e tawassul ko
Raza yeh sabza e gardoon hain kotal jis ke maukib ke
Koi kya likh sake uski sawaari ke tajammul ko
Zamana hajj ka hai jalwa diya hai shaahide gul ko
Ilahi taaqate parwaaz de par haaye bulbul ko
زمانہ حج کا ہے جلوہ دیا ہے شاہد گل کو
اِلہٰی طاقت پرواز دے پرہائے بلبل کو
بہاریں آئیں جوبن پر گِھرا ہے ابر رحمت کا
لبِ مشتاق بھیگیں دے اجازت ساقیا مُل کو
ملے لب سے وہ مشکیں مُہر والی دم میں دم آئے
ٹپک سن کر قُمِ عیسٰی کہوں مستی میں قُلْقُلْ کو
مچل جاؤں سوالِ مدّعا پر تھام کر دامن
بہکنے کا بہانہ پاؤں قصدِ بے تأمُّل کو
دُعا کر بختِ خُفتہ جاگ ہنگامِ اجابت ہے
ہٹایا صبحِ رُخ سے شاہ نے شبہائے کاکُل کو
زبانِ فَلْسَفی سے اَمنْ خَرق و اِلْتِیَام اَسرا
پناہِ دَورِ رحمت ہائے یک ساعت تسلسُل کو
دو شنبہ مصطفٰی کا جمعۂ آدم سے بہتر ہے
سکھانا کیا لحاظِ حیثیت خوئے تأِمُّل کو
وُفورِ شان رحمت کے سبب جرأت ہے اے پیارے
نہ رکھ بہرِ خدا شرمندہ عرضِ بے تأِمُّل کو
پریشانی میں نام ان کا دلِ صَد چاک سے نکلا
اِجابت شانہ کرنے آئی گیسوئے تَوسُّل کو
رضا نہ سبزۂ گردُوں ہیں کوتَل جس کے مَوْکب کے
کوئی کیا لکھ سکے اس کی سَواری کے تجَمُّل کو