Wah kya martaba ae Ghous hai bala tera
Oonche oonchon ke saron se qadam aa’laa tera
Sar bhalaa kya koi jaane ke hai kaisa tera
Auliya malte hain aankhein woh hai talwaa tera
Kya dabe jis pe himaayat ka ho panjah tera
Sher ko khatre me laata nahin kuttaa tera
Tu Husaini Hasani kyun nah muhiyuddin ho
Aay khizar majma’ e bahrain hai chashma tera
Qasmein de de ke khilaata hai pilaata hai tujhe
Pyaara Allah tera chaahne waala tera
Mustafa ke tane be saaye ka saaya dekha
Jis ne dekha meri jaan jalwaa e zaybaa tera
Wah kya martaba ae Ghous hai bala tera
Oonche oonchon ke saron se qadam aa’laa tera
Ibn e Zahraa ko mubaarak ho ‘aroos e qudrat
Qaadiri paayein tasadduq mere dulhaa tera
Kyun nah qaasim ho ke tu ibn e abil qaasim hai
Kyun nah qaadir ho ke mukhtaar hai baaba tera
Nabavi meenh ‘alawi fasl batooli gulshan
Hasani phool Husaini hai meheknaa tera
Nabavi zil alawi burj batooli manzil
Hasani chaand Husaini hai ujaalaa tera
Nabavi khur ‘alawi kooh batooli ma’din
Hasani la’l Husaini hai tajallaa tera
Behr o bar sheher o quraa sehel o hazan dasht o chaman
Kaun se chak pe pohonchtaa nahin da’waa tera
Wah kya martaba ae Ghous hai bala tera
Oonche oonchon ke saron se qadam aa’laa tera
Husn e niyyat ho khataa phir kabhi karta hi nahin
Aazmaayaa hai yagaana hai dogaana tera
‘Arz e ahwaal ki pyaason me kahaan taab magar
Aankhein aay abr e karam takti hain rastaa tera
Maut nazdeek gunaahon ki tahein mail ke khowl
Aa baras jaa ke nahaa dho le ye pyaasa tera
Aab aamad woh kahe aur mein tayammum bar khaast
Musht khaak apni ho aur noor ka ahlaa tera
Jaan to jaate hi jaayegi qayaamat ye hai
Ke yahaan marne pe thehra hai nazaarah tera
Wah kya martaba ae Ghous hai bala tera
Oonche oonchon ke saron se qadam aa’laa tera
Tujh se dar dar se sag aur sag se hai mujh ko nisbat
Meri gardan me bhi hai door ka doraa tera
Is nishaani ke jo sag hain nahi maare jaate
Hashr tak mere gale mein rahe patta tera
Meri qismat ki qasam khaayein sagaan e Baghdad
Hind me bhi hoon to deta rahoon pehra tera
Teri izzat ke nisaar aay mere ghairat waale
Aah sad aah ke yoon khwaar ho barda tera
Bad sahi chor sahi mujrim o naakaarah sahi
Aay woh kaisa hi sahi hai to kareema tera
Wah kya martaba ae Ghous hai bala tera
Oonche oonchon ke saron se qadam aa’laa tera
Mujh ko ruswaa bhi agar koi kahegaa to yoon hi
Ke wohi naa wo Raza banda e ruswa tera
Aay Raza yoon na bilak tu nahin jayyid to na ho
Sayyad e jayyid e har dehr hai mawla tera
Fakhr e Aaqa mein Raza aur bhi ik nazm e rafee’
Chal likha laayein thanaa khwaanon mein chehraa tera
Wah kya martaba ae Ghous hai bala tera
Oonche oonchon ke saron se qadam aa’laa tera
واہ کیا مرتبہ اے غوث ہے بالا تیرا
اُونچے اُونچوں کے سَروں سے قدَم اعلیٰ تیرا
سر بھلا کیا کوئی جانے کہ ہے کیسا تیرا
اولیا ملتے ہیں آنکھیں وہ ہے تلوا تیرا
کیا دَبے جس پہ حِمایت کا ہو پنجہ تیرا
شیر کو خطرے میں لاتا نہیں کُتّا تیرا
تُو حُسینی حَسَنی کیوں نہ محی الدّیں ہو
اے خِضَرمَجْمَعِ بَحْرَیْن ہے چشمہ تیرا
قسمیں دے دے کے کھلاتا ہے پلاتا ہے تجھے
پیارا ا للّٰہ تِرا چاہنے والا تیرا
مصطفیٰ کے تن ِبے سایہ کا سایہ دیکھا
جس نے دیکھا مری جاں جلوۂ زیبا تیرا
اِبنِ زَہرا کو مبارک ہو عَروسِ قدرت
قادِری پائیں تصدّق مرے دُولہا تیرا
کیوں نہ قاسِم ہو کہ تُو ابنِ ابی القاسم ہے
کیوں نہ قادِر ہو کہ مختار ہے بابا تیرا
نبوی مینھ علوی فصل بتولی گلشن
حَسنی پھول حُسینی ہے مہکنا تیرا
نبوی ظِل عَلوی برج بتولی منزل
حَسنی چاند حُسینی ہے اُجالا تیرا
نبوی خُور عَلَوی کوہ بتولی مَعْدِن
حَسنی لعل حُسینی ہے تجلّا تیرا
بحر و بر شہر و قُریٰ سہل و حُزُن دشت و چمن
کون سے چَک پہ پہنچتا نہیں دعویٰ تیرا
حُسنِ نیّت ہو خطا پھر کبھی کرتا ہی نہیں
آزمایا ہے یگانہ ہے دوگانہ تیرا
عرضِ اَحوال کی پیاسوں میں کہاں تاب مگر
آنکھیں اے اَبر ِکرم تکتی ہیں رَستا تیرا
موت نزدیک گناہوں کی تَہیں مَیل کے خول
آ برس جا کہ نہا دھو لے یہ پیاسا تیرا
آب آمد وہ کہے اور میں تیمم برخاست
مُشتِ خاک اپنی ہو اور نُور کا اَہلا تیرا
جان تو جاتے ہی جائے گی قیامت یہ ہے
کہ یہاں مرنے پہ ٹھہرا ہے نظّارہ تیرا
تجھ سے در درسے سگ اور سگ سے ہےمجھ کو نسبت
میری گردن میں بھی ہے دُور کا ڈورا تیرا
اس نشانی کے جو سگ ہیں نہیں مارے جاتے
حَشْر تک میرے گلے میں رہے پٹّا تیرا
میری قسمت کی قَسَم کھائیں سگانِ بغداد
ہِند میں بھی ہُوں تو دیتا رہوں پہرا تیرا
تیری عزّت کے نثار اے مِرے غیرت والے
آہ صد آہ کہ یُوں خوار ہو بَردا تیرا
بد سہی، چور سہی، مجرم و ناکارہ سہی
اے وہ کیسا ہی سہی ہے تو کریما تیرا
مجھ کو رُسوا بھی اگر کوئی کہے گا تو یوں ہی
کہ وہی نا، وہ رضاؔ بندۂ رُسوا تیرا
ہیں رضاؔ یُوں نہ بلک تو نہیں جیّد تو نہ ہو
سیِّدِ جیّد ہر دَہر ہے مولیٰ تیرا
فخرِ آقا میں رضاؔ اور بھی اِک نظمِ رفیع
چل لکھا لائیں ثنا خوانوں میں چہرا تیرا