Tu shamme Risalat hai aalam tera parwana
Tu maahe Nubuwwat hai aye jalwa e janana
Jo saaqi e kausar ke chehre se naqaab uthe
Har dil bane maikhaana har aankh ho paimana
Dil apna chamak uthe imaan ki talat se
Kar aankhein bhi nooraani aye jalwa e janana
Sarshaar mujhe kar de ek jaam e labaalab se
Ta hashr rahe saaqi aabaad ye maikhaana
Is dar ki huzoori hi isyaan ki dawaa thehri
Hai zehr e ma’aasi ka taiba hi shifakhaana
Tu shamme Risalat hai aalam tera parwana
Tu maahe Nubuwwat hai aye jalwa e janana
Har phool mein boo teri har sham’a mein zau teri
Bulbul hai tera bulbul parwana hai parwana
Peete hain tere dar ka khaate hain tere dar ka
Paani hai tera paani dana hai tera dana
Har aarzu bar aaye sab hasratein poori hon
Wo kaan zaraa dhar kar sun lein mera afsana
Sang e darey jaanaan par karta hoon jabeen saayi
Sajda na samajh najdi sar deta hoon nazrana
Tu shamme Risalat hai aalam tera parwana
Tu maahe Nubuwwat hai aye jalwa e janana
Gir pad ke yahaan pahuncha mar mar ke ise paaya
Choote na Ilaahi ab sange darey janana
Sang e darey jaanaan hai thokar na lage is ko
Le hosh pakad ab to aye lagzish e mastana
Wo kehte na kehte kuchh wo karte na karte kuchh
Aye kaash wo sun lete mujh se mere afsana
Aabaad isey farma veeraan hai dil e Noori
Jalwe tere bas jaayein aabaad ho veeraana
Sarkaar ke Jalwon se Roushan hai dil e Noori
Ta hashr rahe roushan Noori ka ye Kashana
Tu shamme Risalat hai aalam tera parwana
Tu maahe Nubuwwat hai aye jalwa e janana
تو شمع رسالت ہے عالم ترا پروانہ
تو ماہ نبوت ہے اے جلوۂ جانانہ
جو ساقئ کوثر کے چہرے سے نقاب اٹھے
ہر دل بنے میخانہ ہر آنکھ ہو پیمانہ
دل اپنا چمک اٹھے ایمان کی طلعت سے
کر آنکھیں بھی نورانی اے جلوۂ جانانہ
سرشار مجھے کر دے اک جام لبالب سے
تا حشر رہے ساقی آباد یہ مے خانہ
تم آئے چھٹی بازی رونق ہوئی پھر تازی
کعبہ ہوا پھر کعبہ کر ڈالا تھا بت خانہ
مست مے الفت ہے مدہوش محبت ہے
فرزانہ ہے دیوانہ دیوانہ ہے فرزانہ
میں شاہ نشیں ٹوٹے دل کو نہ کہوں کیسے
ہے ٹوٹا ہوا دل ہی مولیٰ ترا کاشانہ
کیوں زلف معنبر سے کوچے نہ مہک اٹھیں
ہے پنجۂ قدرت جب زلفوں کا تری شانہ
اس در کی حضور ہی عصیاں کی دوا ٹھہری
ہے زہر معاصی کا طیبہ ہی شفا خانہ
ہر پھول میں بو تیری ہر شمع میں ضو تیری
بلبل ہے ترا بلبل پروانہ ہے پروانہ
پیتے ہیں ترے درکا کھاتے ہیں ترے درکا
پانی ہے ترا پانی دانہ ہے ترا دانہ
ہر آرزو بر آئے سب حسرتیں پوری ہوں
وہ کان ذرا دھر کر سن لیں مرا افسانہ
سنگ درجاناں پر کرتا ہوں جبیں سائی
سجدہ نہ سمجھ نجدی سر دیتا ہوں نذرانہ
گر پڑ کے یہاں پہنچا مر مر کے اسے پایا
چھوٹے نہ الہٰی اب سنگ در جانانہ
سنگ در جاناں ہے ٹھو کر نہ لگے اس کو
لے ہوش پکڑ اب تو اے لغزش مستانہ
وہ کہتے نہ کہتے کچھ وہ کرتے نہ کرتے کچھ
اے کاش وہ سن لیتے مجھ سے مرا افسانہ
اے مفلسو! نادارو! جنت کے خریداروں!
کچھ لائے ہو بیعانہ کیا دیتے ہو بیعانہ
کچھ نیک عمل بھی ہیں یا یوں ہی امل ہی ہے
دنیا کی بھی ہر شے کا تم لیتے ہو بیعانہ
کچھ اس سے نہیں مطلب ہے دوست کہ دشمن ہے
ان کو تو کرم کرنا اپنا ہو کہ بیگانہ
حب صنم دنیا سے پاک کر اپنا دل
اللہ کے گھر کو بھی ظالم کیا بت خانہ
تھے پاؤں میں بے خود کے چھالے تو چلا سر سے
ہشیار ہے دیوانہ ہشیار ہے دیوانہ
آنکھوں میں مری تو آ اور دل میں مرے بس جا
دل شاد مجھے فرما اے جلوۂ جانانہ
آباد اسے فرما ویراں ہے دل نورؔی
جلوے ترے بس جائیں آباد ہو ویرانہ
سرکار کے جلووں سے روشن ہے دل نورؔی
تا حشر رہے روشن نوریؔ کا یہ کاشانہ