Tooba main jo sabse oonchi nazuk seedhi nikli shaakh
Maangun naat e Nabi likhne ko Rooh e Quds se aisi shaakh
Mawla gulbun rahmat Zahra Sibtain uski kaliyan phool
Siddique o Farooq o Usman O Haidar har ek uski shaakh
Shaakh e qaamat sheh me zulf o chashm o rukhsaar o lab main
Sunbul nargis gul pankhariyan qudrat ki kya phooli shaakh
Apne in baaghon ka sadqa woh rahmat ka paani de
Jis se nakhl e dil mein ho paida pyaare teri wilaa ki shaakh
Yaad e rukh mein aahein kar ke ban mein main roya aayi bahaar
Jhoomein naseemein nisaan barsa kaliyan chatkein mehki shaakh
Zaahir o baatin awwal o aakhir zeb e faroo’ o zain e usool
Bagh e Risaalat mein hai tu hi gul ghuncha jar patti shaakh
Aal e Ahmad khuzbiyadi Yaa Sayyad e Hamza kun madadi
Waqt e khazaan e umre e Raza ho barg e huda se na aari shaakh
طوبیٰ میں جو سب سے اُونچی نازُک سیدھی نکلی شاخ
مانگوں نعت نبی لکھنے کو روحِ قُدس سے ایسی شاخ
مولیٰ گُلْبُن، رحمت زہرا، سِبْطَین اس کی کلیاں پُھول
صدّیق وفاروق و عثماں، حیدر ہر اِک اُس کی شاخ
شاخِ قامت شہ میں زلف و چشم و رخسار و لب ہیں
سُنْبُل، نرگس، گُل، پنکھڑیاں قُدرت کی کیا پھولی شاخ
اپنے اِن باغوں کا صدقہ وہ رحمت کا پانی دے
جس سے نخلِ دل میں ہو پیدا پیارے تیری وِلا کی شاخ
یادِ رُخ میں آہیں کر کے بن میں میں رویا آئی بہار
جُھومیں نسیمیں ،نیساں برسا، کلیاں چٹکیں، مہکی شاخ
ظاہر و باطن اَوّل و آخر زیب فروع و زَین اُصول
باغِ رسالت میں ہے تُو ہی گل،غنچہ، جڑ،پتّی شاخ
آلِ احمد خُذْ بیَدِیْ یا سَیّد حمزہ کن مَددی
وقت خزانِ عمر رضاؔ ہو برگِ ہدیٰ سے نہ عارِی شاخ