Tajalli e Noor e Qidam Ghous e Azam
Ziyaa e Siraajuz Zulam Ghous e Azam
Tera hil hai tera haram Ghous e Azam
Arab tera tera ajam Ghous e Azam
Karam aap ka hai a’am Ghous e Azam
Inaayat Tumhaari atam Ghous e Azam
Mukhaalif ho go sau padam Ghous e Azam
Hamein kuchh nahin is ka gam Ghous e Azam
Chala aisi teg e dodum Ghous e Azam
Ke a’ada ke sar hon qalam Ghous e Azam
Wo ek waar ka bhi na hoga tumhare
Kahaan hai mukhaalif mein dum Ghous e Azam
Tajalli e Noor e Qidam Ghous e Azam
Ziyaa e Siraajuz Zulam Ghous e Azam
Tere hote hum par sitam dhaayen dushman
Sitam hai sitam hai sitam Ghous e Azam
Badhe hausle dushmanon ke ghataa de
Zaraa lele teg e dodum Ghous e Azam
Nahin laata khatre mein Shaahon ko shaaha
Tera banda e be diram Ghous e Azam
Karam chaahiye tera, tere Khuda ka
Karam Ghous e Azam karam Ghous e Azam
Badhaa haath kar dastagiri hamari
Badhaa abre gam dum badum Ghous e Azam
Tajalli e Noor e Qidam Ghous e Azam
Ziyaa e Siraajuz Zulam Ghous e Azam
Khudaara zaraa haath seene pe rakhdo
Abhi mit te hain gam alam Ghous e Azam
Hai qismat meri tedhi Tum seedhi kardo
Nikal jaayein sab pech o kham Ghous e Azam
Khabar lo hamaari ke hum hain tumhare
Karo hum pe fazl o karam Ghous e Azam
Kuchh aisa gumaade Mohabbat mein apni
Ke khud keh uthoon main manam Ghous e Azam
Khuda rakhe tumko humare saron par
Hai bas ek tumhara hi dum Ghous e Azam
Tajalli e Noor e Qidam Ghous e Azam
Ziyaa e Siraajuz Zulam Ghous e Azam
Dum e naz’a sirhaane aajao pyaare
Tumhein dekh kar nikle dum Ghous e Azam
Dum e naz’a aao ke dum aaye dum mein
Karo hum pe Yaaseen dum Ghous e Azam
Yeh dil ye jigar hai ye aankhein ye sar hai
Jahaan chaaho rakho qadam Ghous e Azam
Lagaalo mere sarko qadmon se apne
Tumhein sirre haq ki qasam Ghous e Azam
Karam se kiya rehnuma rehzanon ko
Idhar bhi nigaahe karam Ghous e Azam
Tajalli e Noor e Qidam Ghous e Azam
Ziyaa e Siraajuz Zulam Ghous e Azam
Mere dum ko us ke dumon se bachaade
Karam kar karam kar Karam Ghous e Azam
Na palla ho halka hamara na hum hon
Na bigde hamara bharam Ghous e Azam
Hamari Khataaon se daftar bhare hain
Karam kar ke hon kal ‘adam Ghous e Azam
Tumhare karam ka hai Noori bhi pyaasa
Miley yam se is ko bhi nam Ghous e Azam
Tajalli e Noor e Qidam Ghous e Azam
Ziyaa e Siraajuz Zulam Ghous e Azam
تجلی نور قِدَم غوث اعظم
ضیائے سراج الظلم غوث اعظم
ترا حِل ہے تیرا حرم غوث اعظم
عرب تیرا تیرا عجم غوث اعظم
کرم آپ کا ہے اعم غوث اعظم
عنایت تمہاری اتم غوث اعظم
مخالف ہوں گو سو پَدم غوث اعظم
ہمیں کچھ نہیں اس کا غم غوث اعظم
چلا ایسی تیغ دو دم غوث اعظم
کہ اعدا کے سر ہوں قلم غوث اعظم
وہ اک وار کا بھی نہ ہوگا تمہارے
کہاں ہے مخالف میں دم غوث اعظم
ترے ہوتے ہم پر ستم ڈھائیں دشمن
ستم ہے ستم ہے ستم غوث اعظم
کہاں تک سنیں ہم مخالف کے طعنے
کہاں تک سہیں ہم ستم غوث اعظم
بڑھے حوصلے دشمنوں کے گھٹا دے
ذرا لے لے تیغ دو دم غوث اعظم
نہیں لاتا خاطر میں شاہوں کو شاہا
ترا بندۂ بے درم غوث اعظم
کرم چاہئے تیرا تیرے خدا کا
کرم غوث اعظم کرم غوث اعظم
گھٹا حوصلہ غم کی کالی گھٹا کا
بڑھی ہے گھٹا دم بدم غوث اعظم
بڑھا نا خدا سر سے پانی الم کا
خبر لیجئے ڈوبے ہم غوث اعظم
کرو پانی غم کو بہادو الم کو
گھٹائیں بڑھیں ہو کرم غوث اعظم
نظر آئے مجھ کو نہ صورت الم کی
نہ دیکھوں کبھی روئے غم غوث اعظم
بڑھا ہاتھ کر دستگیر ہماری
بڑھا ابر غم دم بدم غوث اعظم
خدا را ذرا ہاتھ سینے پہ رکھ دو
ابھی مٹتے ہیں غم، الم غوث اعظم
خدا نے تمہیں محو و اثبات بخشا
ہو سلطان لوح و قلم غوث اعظم
ہے قسمت میری ٹیڑھی تم سیدھی کردو
نکل جائیں سب پیچ و خم غوث اعظم
خبر لو ہماری کہ ہم ہیں تمہارے
کرو ہم پہ فضل و کرم غوث اعظم
تم ایسے غریبوں کے فریاد رس ہو
کہ ٹھہرا تمہارا عَلم غوث اعظم
بعین عنایت بچشم کرامت
بدہ جرعۂ نا چَشَم غوث اعظم
ترا ایک قطرہ عوالم نما ہے
نہیں چاہئے جام جَم غوث اعظم
کچھ ایسا گما دے محبت میں اپنی
کہ خود کہہ اٹھوں میں منم غوث اعظم
جسے چاہے جو دے جسے چاہے نہ دے
ترے ہاتھ میں ہے نِعَم غوث اعظم
ترا حسن نمکیں بھرے زخم دل کے
بنہ مرہمے بر دلم غوث اعظم
ترقی کرے روز و شب درد الفت
نہ ہو قلب کا درد کم غوث اعظم
خدا رکھے تم کو ہمارے سروں پر
ہے بس اک تمہارا ہی دم غوث اعظم
دم نزع سرہانے آجاؤ پیارے
تمہیں دیکھ کر نکلے دم غوث اعظم
تری دید کے شوق میں جان جاناں
کھنچ آیا ہے آنکھوں میں دم غوث اعظم
کوئی دم کے مہماں ہیں آجاؤ اس دم
کہ سینے میں اٹکا ہے دم غوث اعظم
دم نزع آؤ کہ دم آئے دم میں
کرو ہم پہ یٰسٓ دم غوث اعظم
یہ دل یہ جگر ہے یہ آنکھیں یہ سر ہے
جہاں چاہو رکھو قدم غوث اعظم
سر خود بہ شمشیر ابرو فروشم
بمژ گان تو سینہ ام غوث اعظم
بہ پیکان تیرت جگر می فروشم
بہ تیر نگاہت دلم غوث اعظم
دماغم رسد بر سر عرش اعلیٰ
بپایت اگر سر نہم غوث اعظم
مری سر بلندی یہیں سے ہے ظاہر
کہ شد زیر پایت سرم غوث اعظم
لگالو مرے سر کو قدموں سے اپنے
تمہیں سِرِّ حق کی قسم غوث اعظم
قدم کیوں لیا اولیاء نے سروں پر
تمہیں جانو اس کے حِکَم غوث اعظم
کیا فیصلہ حق و باطل میں تم نے
کیا حق نے تم کو حَکَم غوث اعظم
تمہاری مہک سے گلی کوچے مہکے
ہے بغداد رشک ارم غوث اعظم
کرم سے کیا رہ نما رہزنوں کو
ادھر بھی نگاہ کرم غوث اعظم
مرا نفس سرکش بھی رہزن ہے میرا
یہ دیتا ہے دم دم بدم غوث اعظم
دکھا دے تو اِنِّیْ عَزُوْمٌ کے جلوے
سنادے صدائے منم غوث اعظم
مرے دم کو اس کے دموں سے بچادے
کرم کر کرم کر کرم غوث اعظم
میں ہوں ناتواں سخت کمزور حد کا
ہیں زوروں چڑھے اس کے دم غوث اعظم
نہ پلہ ہو ہلکا ہمارا نہ ہم ہوں
نہ بگڑے ہمارا بھرم غوث اعظم
کہاں تک ہماری خطائیں گنیں گے
کریں عفو سب یک قلم غوث اعظم
ہماری خطاؤں سے دفتر بھرے ہیں
کرم کر کہ ہوں کا لعدم غوث اعظم
تمہارے کرم کا ہے نورؔی بھی پیاسا
ملے یم سے اس کو بھی نم غوث اعظم