Subha taiba mein hui bat taa hai baara noor ka
Sadqah lenay noor ka aaya hai taara noor ka
Baagh e Taiba mein suhaanaa phool phoola noor ka
Mast e boo hain bulbulein padhti hain kalma noor ka
Baarhwein ke chaand ka mujra hai sajdah noor ka
Baarah burjon se jhukaa ek ik sitaarah noor ka
Un ke qasr e qadr se Khuld eik kamrah noor ka
Sidrah paayein baagh mein nanhaa saa pauda noor ka
Arsh bhi firdaus bhi uss shaah e waala noor ka
Yeh muthamman burj woh mushkuw e a’laa noor ka
Aayi bid’at chaayi zulmat rang badla noor ka
Maah e sunnat mehr e tal’at le le badla noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
Tere hi maathe rahaa aay jaan e sehra noor ka
Bakht jaaga noor ka chamkaa sitaaraa noor ka
Mein gadaa tu baadshah bhar de piyaalah noor ka
Noor din doonaa tera de daal sadqah noor ka
Teri hi jaanib hai paanchon waqt sajdah noor ka
Rukh hai Qibla noor ka abru hai ka’aba noor ka
Pusht par dhalkaa sar e anwar se shamla noor ka
Dekhein Moosa Toor se utraa sahifa noor ka
Taaj waale dekh kar tera ‘imaama noor ka
Sar jhukaate hain Ilaahi bol baala noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
Beeni pur noor par rakhshaan hai bukkah noor ka
hai liwaa ul hamd par urtaa phareraa noor ka
Mus haf e aariz pe hai khat e shafee’ah noor ka
Lo siyahkaaro Mubarak ho qabalah noor ka
Aab e zar banta hai ‘aariz par paseena noor ka
Mus haf e i’jaaz par charhta hai sona noor ka
Pech karta hai fida hone ko lam’ah noor ka
Gird e sar phirne ko banta hai ‘imaamah noor ka
Haibat e ‘aariz se tharraata hai sho’la noor ka
Kafsh e paa par gir ke ban jaata hai guppha noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
Sham’a dil mishkaat tan seena zujaajah noor ka
Teri soorat ke liye aaya hai soorah noor ka
Mail se kis darja suthraa hai woh putla noor ka
hai gale mein aaj tak kora hi kurtaa noor ka
Tere aage khaak par jhukta hai maatha noor ka
Noor ne paaya tere sajde se seema noor ka
Tu hai saaya noor ka har uzw tukrra noor ka
Saaya ka saaya nah hota hai nah saaya noor ka
Kya bana naam e Khuda asraa ka dulha noor ka
Sar pe sehra noor ka bar mein shahaanah noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
Bazm e wahdat mein mazaa hoga dobala noor ka
Milne sham’a Toor se jaata hai ikka noor ka
Wasf e rukh mein gaati hain hoorein taraana noor ka
Qudrati beenon mein kya bajta hai lehra noor ka
Yeh kitaab e kun mein aayaa turfa aayah noor ka
Ghair e qaayil kuch nah samjhaa koi Ma’na noor ka
Dekhne waalon ne kuch dekha nah bhaala noor ka
Man ra’ aa kaisaa yeh aaina dikhaaya noor ka
Subha kardi kufr ki saccha tha muzda noor ka
Shaam hi se tha shab e teerah ko dharrka noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
Parti hai noori bharan umdaa hai daryaa noor ka
Sar jhuka aay kisht e kufr aataa hai ahlaa noor ka
Naariyon ka daur tha dil jal raha tha noor ka
tum ko dekhaa ho gaya thanda kalejaa noor ka
Naskh adiyaan karke khud qabza bithaaya noor ka
Taajwar ne kar liya kaccha ‘ilaaqah noor ka
Jo gadaa dekho liye jaata hai tora noor ka
Noor ki sarkaar hai kya isme tora noor ka
Bheekh le sarkaar se laa jald kaasah noor ka
Maah e naw taiba mein bat ta hai maheenah noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
Dekh unke hote naa zebaa hai da’waa noor ka
Mehr likh de yaan ke zarron ko muchalka noor ka
Yaan bhi daagh e sajdah e taiba hai tamghaa noor ka
Aay qamar kya tere hi maathe hai teekaa noor ka
Sham’a saan eik eik parwaanah hai is baa noor ka
Noor e Haq se lau lagaaye dil mein rishtah noor ka
Anjuman waale hain anjum bazm e halqa noor ka
Chaand par taaron ke jhurmat se hai haalah noor ka
Teri nasl e paak mein hai bacha bacha noor ka
Tu hai ‘ain e noor tera sab gharana noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
Noor ki sarkaar se paaya doshala noor ka
Ho mubarak tum ko Zun Noorain jora noor ka
Kis ke parde ne kiya aaina andha noor ka
Maangta phirta hai aankhein har nageenah noor ka
Ab kahaan woh taabishein kaisa woh tarrka noor ka
Mehr ne chhup kar kiya khaasaa o dhundlakaa noor ka
tum muqaabil the to pehron chaand barhta noor ka
tum se chhut kar moonh nikal aaya zara saa noor ka
Qabr e Anwar kahiye yaa qasr e mo’alla noor ka
Charkh e atlas yaa koi saadah saa qubba noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
Aankh mil sakti nahin dar par hai pehra noor ka
Taab hai be hukm par maare parindah noor ka
Naza’a mein lautega khaak e dar pe shaida noor ka
Mar ke awrhegi uroos e jaan dupatta noor ka
Taab e mehr e hashr se chaunke nah kushta noor ka
Boondiyaan rehmat ki dene aayin cheenta noor ka
Waz’ e waaze’ mein teri soorat hai ma’na noor ka
Yoon majaazan chaahein jis ko keh dein kalma noor ka
Ambiya ajzaa hain tu bilkul hai jumla noor ka
Is ‘ilaaqe se hai un par naam sachha noor ka
Yeh jo mehr o mah pe hai itlaaq aataa noor ka
Bheekh tere naam ki hai isti’aarah noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
Surmagin aankhein hareem e Haq ke woh mushkin ghazaal
hai fazaaye laa makaan tak jinka ramnaa noor ka
Taab e husn e garm se khil jaayenge dil ke kanwal
Nau bahaarein laayega garmi ka jhalka noor ka
Zar e mehr e quds tak tere tawassut se gaye
Had e ausat ne kiya sughraa ko kubraa noor ka
Sabzah gardon jhukaa tha behr e paa bos e Buraaq
Phir nah seedha ho saka khaayaa woh kora noor ka
Taab e sum se chaundhiyaa kar chaand unhein qadmon phira
Hans ke bijli ne kahaa dekhaa chalaawaa noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
Deed e naqsh e sum ko nikli saat pardon se nigaah
Putliyaan bolein chalo aaya tamaashaa noor ka
Aks e sum ne chaand sooraj ko lagaye chaar chaand
Par gayaa seem o zar e gardawn pe sikkah noor ka
Chaand jhukjaata jidhar ungli utthaate mahd mein
Kya hi chaltaa thaa ishaaron par khilona noor ka
Eik seena tak mushaabeh eik wahan se paaon tak
Husn e Sibtain un ke jaamon mein hai neemaa noor ka
Saaf shakl e paak hai donon ke milne se ‘iyaan
Khat tawam mein likha hai yeh do warqah noor ka
Kaaf gesu haa dahan yaa abru aankhein ‘ain saad
Kaaf haa yaa ‘ain saad unkaa hai chehrah noor ka
Aay Raza yeh Ahmad e Noori ka faiz e noor hai
Ho gayi meri ghazal barrh kar qaseedah noor ka
Subha taiba mein hui bat taa hai baara noor ka
Sadqah lenay noor ka aaya hai taara noor ka
صبح طیبہ میں ہوئی بٹتا ہے باڑا نور کا
صدقہ لینے نور کا آیا ہے تارا نور کا
باغِ طیبہ میں سہانا پھول پھولا نور کا
مست بو ہیں بلبلیں پڑھتی ہیں کلمہ نور کا
بارہویں کے چاند کا مُجرا ہے سجدہ نور کا
بارہ بُرجوں سے جھکا ایک اِک سِتارہ نور کا
ان کے قَصْرِ قَدْر سے خُلْد ایک کمرہ نور کا
سِدْرَہ پائیں باغ میں ننھا سا پودا نور کا
عرش بھی فِردوس بھی اس شاہِ والا نور کا
یہ مُثَمَّن بُرج وہ مُشکُوئے اَعلیٰ نور کا
آئی بدعت چھائی ظلمت رنگ بدلا نور کا
ماہِ سُنّت مِہْرِ طَلْعت لے لے بدلا نور کا
تیرے ہی ماتھے رہا اے جان سہرا نور کا
بخت جاگا نور کا چمکا ستارا نور کا
میں گدا تو بادشاہ بھر دے پیالہ نور کا
نور دن دُونا تِرا دے ڈال صدقہ نور کا
تیری ہی جانب ہے پانچوں وقت سجدہ نور کا
رُخ ہے قبلہ نور کا اَبرو ہے کعبہ نور کا
پُشت پر ڈَھلکا سرِ انور سے شِمْلَہ نور کا
دیکھیں موسیٰ طُور سے اُترا صَحِیفہ نور کا
تاج والے دیکھ کر تیرا عِمامہ نور کا
سر جھکاتے ہیں الہٰی بول بالا نور
بِینیِ پُرنور پر رَخشاں ہے بُکّہ نور کا
ہے لِوَاءُ الْحَمْد پر اُڑتا پَھریرا نور کا
مُصْحَفِ عارِض پہ ہے خطِ شَفِیْعَہ نور کا
لو سِیَہ کارو مبارک ہو قَبَالَہ نور کا
آبِ زر بنتا ہے عارِض پر پسینہ نور کا
مُصْحَفِ اِعجاز پر چڑھتا ہے سونا نور کا
پیچ کرتا ہے فدا ہونے کو لَمْعَہ نور کا
گردِ سر پھرنے کو بنتا ہے عِمامَہ نور کا
ہیبت عارض سے تھراتا ہے شعلہ نور کا
کَفشِ پا پر گر کے بن جاتا ہے گُپّھا نور کا
شمع دل مِشکوٰۃ تن سینہ زُجاجَہ نور کا
تیری صورت کے لئے آیا ہے سُورہ نور کا
مَیل سے کس درجہ ستھرا ہے وہ پُتلا نور کا
ہے گلے میں آج تک کورا ہی کُرتا نور کا
تیرے آگے خاک پر جھکتا ہے ماتھا نور کا
نور نے پایا تِرے سجدے سے سِیْما نور کا
تو ہے سایہ نور کا ہر عُضْو ٹکڑا نور کا
سایہ کا سایہ نہ ہوتا ہے نہ سایہ نور کا
کیا بَنا نامِ خدا اَسرا کا دولہا نور کا
سر پہ سہرا نور کا بَر میں شَہانہ نور کا
بزمِ وَحْدَت میں مزا ہو گا دوبالا نور کا
ملنے شمعِ طور سے جاتا ہے اِکّا نور کا
وصفِ رخ میں گاتی ہیں حوریں ترانہ نور کا
قدرتی بِینوں میں کیا بجتا ہے لہرا نور کا
یہ کتابِ کُن میں آیا طُرفہ آیَہ نور کا
غیرِ قائل کچھ نہ سمجھا کوئی معنیٰ نور کا
دیکھنے والوں نے کچھ دیکھا نہ بھالا نور کا
مَنْ رَایٰ کیسا یہ آئینہ دکھایا نور کا
صبح کر دی کفر کی سچا تھا مُژدہ نور کا
شام ہی سے تھا شبِ تِیرہ کو دھڑکا نور کا
پڑتی ہے نوری بھرن امڈا ہے دریا نور کا
سر جھکا اے کُشْتِ کفر آتا ہے اَہلا نور کا
ناریوں کا دور تھا دل جل رہا تھا نور کا
تم کو دیکھا ہو گیا ٹھنڈا کلیجا نور کا
نَسْخ اَدیاں کر کے خود قبضہ بٹھایا نور کا
تاجْور نے کر لیا کچا علاقہ نور کا
جو گدا دیکھو لیے جاتا ہے توڑا نور کا
نور کی سرکار ہے کیا اس میں توڑا نور کا
بھیک لے سرکار سے لا جلد کاسہ نور کا
ماہِ نو طیبہ میں بٹتا ہے مہینہ نور کا
دیکھ ان کے ہوتے نازیبا ہے دعویٰ نور کا
مِہْر لکھ دے یاں کے ذرّوں کو مُچَلْکا نور کا
یاں بھی داغِ سجدۂ طَیبہ ہے تَمغا نور کا
اے قمر کیا تیرے ہی ماتھے ہے ٹِیکا نور کا
شمع ساں ایک ایک پروانہ ہے اس بانور کا
نورِ حق سے لو لگائے دل میں رشتہ نور کا
اَنجمن والے ہیں اَنجم بَزم حلقہ نور کا
چاند پر تاروں کے جھرمَٹ سے ہے ہالہ نور کا
تیری نسلِ پاک میں ہے بچہ بچہ نور کا
تو ہے عینِ نور تیرا سب گھرانا نور کا
نور کی سرکار سے پایا دوشالہ نور کا
ہو مبارک تم کو ذُو النُّوْرَیْن جوڑا نور کا
کس کے پردے نے کیا آئینہ اندھا نور کا
مانگتا پھرتا ہے آنکھیں ہر نگینہ نور کا
اب کہاں وہ تابِشیں کیسا وہ تڑکا نور کا
مِہْر نے چھپ کر کیا خاصا دُھنْدَلْکا نور کا
تم مُقابِل تھے تو پہروں چاند بڑھتا نور کا
تم سے چُھٹ کر منھ نکل آیا ذرا سا نور کا
قبرِ انور کہیے یا قصرِ مُعلّٰے نور کا
چَرخِ اَطلَس یا کوئی سادہ سا قُبّہ نور کا
آنکھ مِل سکتی نہیں در پر ہے پہرا نور کا
تاب ہے بے حکم پَر مارے پرندہ نور کا
نَزع میں لوٹے گا خاکِ در پہ شیدا نور کا
مَر کے اوڑھے گی عَروسِ جاں دوپٹا نور کا
تابِ مِہرِ حشر سے چونکے نہ کُشْتہ نور کا
بوندیاں رحمت کی دینے آئیِں چھینٹا نور کا
وضْعِ واضع میں تِری صورت ہے معنی نور کا
یوں مَجازاً چاہیں جس کو کہہ دیں کلمہ نور کا
اَنبیا اَجزا ہیں تُو بالکل ہے جملہ نور کا
اس علاقے سے ہے اُن پر نام سچا نور کا
یہ جو مِہر و مَہ پہ ہے اِطلاق آتا نور کا
بھیک تیرے نام کی ہے اِستِعارَہ نور کا
سُرمَگیں آنکھیں حَریمِ حق کے وہ مُشکِیں غَزال
ہے فضائے لامکاں تک جن کا رَمنا نور کا
تابِ حُسنِ گرم سے کھل جائیں گے دل کے کَنول
نو بہاریں لائے گا گرمی کا جھلکا نور کا
ذرّے مِہرِ قُدس تک تیرے تَوَسُّط سے گیے
حدِّ اَوسَط نے کیا صُغریٰ کو کُبریٰ نور کا
سبزۂ گَردوں جھکا تھا بہرِ پا بوسِ بُراق
پھر نہ سیدھا ہو سکا کھایا وہ کوڑا نور کا
تابِ سُم سے چوندھیا کر چاند اُنھیں قدموں پھرا
ہنس کے بجلی نے کہا دیکھا چھلاوا نور کا
دیدِ نقشِ سُم کو نکلی سات پَردوں سے نگاہ
پُتلیاں بولیں چلو آیا تماشا نور کا
عکسِ سُم نے چاند سُورج کو لگائے چار چاند
پڑگیا سِیم و زرِ گَردوں پہ سکّہ نور کا
چاند جھک جاتا جِدھر اُنگلی اٹھاتے مَہد میں
کیا ہی چلتا تھا اشاروں پر کھلونا نور کا
ایک سینہ تک مُشابہ اک وہاں سے پاؤں تک
حُسنِ سِبطَین ان کے جاموں میں ہے نِیْما نور کا
صاف شکلِ پاک ہے دونوں کے ملنے سے عِیاں
خط تَواَم میں لکھا ہے یہ دو۲ وَرقہ نور کا
کٓ گیسو ٰ ہ دَہن یٰ ابرو آنکھیں عٓ صٓ
کٓھٰیٰعٓصٓ اُن کا ہے چہرہ نور کا
اے رضاؔ یہ احمدِ نوری کا فیضِ نور ہے
ہوگئی میری غَزل بڑھ کر قصیدہ نور کا