Pesh e Haq Mujda Shafa at Ka Sunate Jayenge
Aap rote jaayenge hum ko hansaate jayenge
Dil nikal jaane ki jaa hai aah kin aankhon se woh
Hum se pyaason ke liye dariya bahaate jaayenge
Kushtgaan e garmi e mehshar ko woh jaan e Maseeh
Aaj daaman ki hawa de karjilaate jayenge
Pesh e Haq Mujda Shafa at Ka Sunate Jayenge
Aap rote jaayenge hum ko hansaate jayenge
Gul khilega aaj yeh unki naseem e faiz se
Khoon rote aayenge hum muskuraate jayenge
Haan chalo hasrat zado sunte hain woh din aaj hai
Thi khabar jiski ke woh jalwah dikhaate jaayenge
Pesh e Haq Mujda Shafa at Ka Sunate Jayenge
Aap rote jaayenge hum ko hansaate jayenge
Aaj ‘eid e aashiqaan hai gar Khuda chahe keh woh
Aabroo e paywastah ka ‘aalam dikhaate jaayenge
Kuch khabar bhi hai faqeero aaj woh din hai keh woh
Ne’mate khuld apne sadqe mein lutaate jayenge
Pesh e Haq Mujda Shafa at Ka Sunate Jayenge
Aap rote jaayenge hum ko hansaate jayenge
Khaak uftaado bass unke aane hi ki der hai
Khud woh girkar sajde mein tumko ut haate jaayenge
Wus’atein dee hai Khuda ne daaman e Mehboob ko
Jurm khulte jaayenge aur woh chhupaate jaayenge
Pesh e Haq Mujda Shafa at Ka Sunate Jayenge
Aap rote jaayenge hum ko hansaate jayenge
Lo woh aaye muskuraate hum aseeron ki taraf
Khirman e ‘isyaan pe abb bijli giraate jayenge
Aankh kholo ghamzado dekho woh giryaan aaye hain
Lauh e dil se naqsh e gham ko ab mitaate jaayenge
Pesh e Haq Mujda Shafa at Ka Sunate Jayenge
Aap rote jaayenge hum ko hansaate jayenge
Sokhtah jaanon pe woh pur josh e rehmat aaye hain
Aab e kausar se lagi dil ki bujhaate jaayenge
Aaftaab unka hi chamkega jab auron ke charaagh
Sar e sar e josh e balaa se jhilmilaate jaayenge
Pesh e Haq Mujda Shafa at Ka Sunate Jayenge
Aap rote jaayenge hum ko hansaate jayenge
Paaye kubaan pul se guzrenge teri aawaaz par
‘Rabbe Sallim’ ki sadaa par wajd laate jaayenge
Sarwar e Deen lijiye apne naa tawaano ki khabar
Nafs o shaitaan sayyida kab tak dabaate jaayenge
Pesh e Haq Mujda Shafa at Ka Sunate Jayenge
Aap rote jaayenge hum ko hansaate jayenge
Hashr tak daalenge hum paidaaish e Mawla ki dhoom
Misle faaras najd ke qal’ e giraate jaayenge
Khaak ho jaayein ‘adoo jal kar magar hum to Raza
Dum mein jab tak dum hai zikr unka sunaate jaayenge
Pesh e Haq Mujda Shafa at Ka Sunate Jayenge
Aap rote jaayenge hum ko hansaate jayenge
پیشِ حق مژدہ شفاعت کا سُناتے جائیں گے
آپ روتے جائیں گے ہم کو ہنساتے جائیں گے
دل نکل جانے کی جا ہے آہ کن آنکھوں سے وہ
ہم سے پیاسوں کے لیے دریا بہاتے جائیں گے
کُشتگانِ گرمیِ محشر کو وہ جانِ مسیح
آج دامن کی ہوا دے کر جِلاتے جائیں گے
گل کِھلے گا آج یہ اُن کی نسیمِ فیض سے
خون روتے آئیں گے ہم مسکراتے جائیں گے
ہاں چلو حسرت زدو سُنتے ہیں وہ دن آج ہے
تھی خبر جس کی کہ وہ جَلوہ دِکھاتے جائیں گے
آج عیدِ عاشِقاں ہے گر خدا چاہے کہ وہ
ابروئے پیوستہ کا عالَم دِکھاتے جائیں گے
کچھ خبر بھی ہے فقیرو آج وہ دن ہے کہ وہ
نعمتِ خلد اپنے صَدقے میں لُٹاتے جائیں گے
خاک اُفتادو بس اُن کے آنے ہی کی دیر ہے
خود وہ گر کر سجدہ میں تم کو اُٹھاتے جائیں گے
وُسعتیں دی ہیں خدا نے دامنِ محبوب کو
جرم کھلتے جائیں گے اور وہ چھپاتے جائیں گے
لو وہ آئے مسکراتے ہم اسیروں کی طرف
خرمنِ عِصیاں پر اب بجلی گراتے جائیں گے
آنکھ کھولو غمزدو دیکھو وہ گِریاں آئے ہیں
لوحِ دل سے نقشِ غم کو اب مِٹاتے جائیں گے
سوختہ جانوں پہ وہ پُر جوش رحمت آئے ہیں
آب کوثر سے لگی دِل کی بجھاتے جائیں گے
آفتاب اُن کا ہی چمکے گا جب اَوروں کے چراغ
صرصرِ جوشِ بلا سے جِھلملاتے جائیں گے
پائے کُوباں پُل سے گزریں گے تِری آواز پر
رَبِّ سَلِّمْ کی صَد ا پر وَجد لاتے جائیں گے
سرورِ دِیں لیجے اپنے ناتوانوں کی خبر
نفس و شیطاں سیّدا کب تک دَباتے جائیں گے
حشر تک ڈالیں گے ہم پَیدائشِ مولیٰ کی دُھوم
مِثل فارِس نجد کے قلعے گراتے جائیں گے
خاک ہو جائیں عدو جل کر مگر ہم تو رضاؔ
دَم میں جب تک دَم ہے ذِکر اُن کا سُناتے جائیں گے