Maqbool dua karna manzoor sana karna
Midhat ka sila dena Maqbool dua karna
Dil Zikr shareef un ka har Sub ho masaa karna
Din raat japaa karna har aan rataa karna
Seena pe qadam rakhna dil shaad mera karna
Dard e dil e muztar ki sarkaar dawaa karna
Sansaar bhikaari hai jag daata dayaa karna
Hai kaam tumhara hi sarkaar ataa karna
Din raat hai taiba mein daulat ka luta karna
Mangta ki dawaa karna mangta ka bhalaa karna
Din raat khataon par hum ko hai khataa karna
Aur tum ko ataaon par har dum hai ataa karna
Maqbool dua karna manzoor sana karna
Midhat ka sila dena Maqbool dua karna
Hum apni khataon par naadim bhi nahin hote
Aur un ko ataaon par har baar ataa karna
Mehroom gaya koi Maayoos phira koi
dekha na suna unka Inkaar o Ibaa karna
Dukh dard kahein kis se ye kaam to hain unke
Fariyaad suna karna aur daad diya karna
Wallaah wo sun lenge aur dil ki dawaa denge
Bekaar na jayega fariyaad o bukaa karna
Aa’da ko khuda wala jab tum ne bana dala
Dushwaar hai tum par kya mujh bad ka bhalaa karna
Maqbool dua karna manzoor sana karna
Midhat ka sila dena Maqbool dua karna
Sookhi hai meri kheti pad jaaye bharan teri
Aye abr e karam itna to behr e Khuda karna
Taiba mein bula lena aur apna bana lena
Qaidi gam e furqat ke Sarkaar riha karna
Lillaah hamein maula daaman ke taley lelo
Hum kaisi balaa mein hain haan radde balaa karna
Duniya bane ya bigde duniya rahe ya jaaye
Tu deen banaa pyaare duniya ka hai kya karna
Khaaya piya aur pehna achchhon se raha achha
Kuchh deen ka bhi karle duniya ka hai kya karna
Barbaad na ho mitti is khaak ke putle ki
Allah mujhe un ki khaak e kafe pa karna
Kyun naqshe kafe paa ko dil se na lagaaye wo
Hai aaina e dil ki Noori ko jila karna
Maqbool dua karna manzoor sana karna
Midhat ka sila dena Maqbool dua karna
مقبول دعا کرنا منظور ثنا کرنا
مدحت کا صلہ دینا مقبول ثنا کرنا
دل ذکر شریف ان کا ہر صبح و مسا کرنا
دن رات جپا کرنا ہر آن رٹا کرنا
سینہ پہ قدم رکھنا دل شاد مرا کرنا
درد دل مضطر کی سرکار دوا کرنا
سنسار بھکاری ہے جگ داتا دیا کرنا
ہے کام تمہارا ہی سرکار عطا کرنا
کب آپ کے کوچہ میں منگتا کو صدا کرنا
خود بھیک لئے تم کو منگتا کو ندا کرنا
دن رات ہے طیبہ میں دولت کا لٹا کرنا
منگتا کی دوا کرنا منگتا کا بھلا کرنا
ہم عین جفا ہی ہیں ہم کو تو جفا کرنا
اور تم تو کرم ہم پر اے جان وفا کرنا
دن رات خطاؤں پر ہم کو ہے خطا کرنا
اور تم کو عطاؤں پر ہر دم ہے عطا کرنا
ہم اپنی خطاؤں پر نادم بھی نہیں ہوتے
اور ان کو عطاؤں پر ہر بار عطا کرنا
ہم آپ ہی اپنے پر کرتے ہیں ستم حدبھر
اور ان کو کرم ہم پر ہے حد سے سوا کرنا
ہے آٹھ پہر جاری لنگر مرے داتا کا
ہر آن ہے سرکاری باڑے کا لٹا کرنا
محروم نہیں جس سے مخلوق میں کوئی بھی
وہ فیض انہیں دینا وہ جود و سخا کرنا
ہے عام کرم ان کا اپنے ہوں کہ ہوں اعدا
آتا ہی نہیں گویا سرکار کو لا کرنا
محروم گیا کوئی مایوس پھرا کوئی
دیکھا نہ سنا ان کا انکار و ابا کرنا
مایوس گیا کوئی محروم پھرا کوئی
دنیا کے سلاطیں کو کب آیا عطا کرنا
دکھ درد کہیں کس سے یہ کام تو ہیں ان کے
فریاد سنا کرنا اور داد دیا کرنا
واللہ وہ سن لیں گے اور دل کی دوا دیں گے
بے کار نہ جائے گا فریاد و بکا کرنا
اعدا کو خدا والا جب تم نے بنا ڈالا
دشوار ہے تم پر کیا مجھ بد کا بھلا کرنا
سوکھی ہے مری کھیتی پڑ جائے بھرن تیری
اے ابرِ کرم اتنا تو بہر خدا کرنا
جو سوختہ ہیزم کو چاہو تو ہرا کر دو
مجھ سوختہ جاں کا بھی دل پیارے ہرا کرنا
طیبہ میں بلا لینا اور اپنا بنا لینا
قیدی غم فرقت کے سرکار رہا کرنا
ہم عرض کئے جائیں سرکار سنے جائیں
کیا دور کرم سے ہے دن ایسا شہا کرنا
سنگ در سرور پر رکھا ہوا ہو یہ سر
اے کاش ہو قسمت میں اس طرح قضا کرنا
کھل جائیں چمن دل کے اور حزن مٹیں دل کے
طیبہ سے صبا آ کے امداد ذرا کرنا
ہر داغ مٹا دینا اور دل کو شفا دینا
آئینہ بنا دینا ایسی تو جلا کرنا
سرور ہے وہی سرور اے سرور ہر سرور
ہے آپ کے قدموں پر سر جس کو فدا کرنا
شہرہ لب عیسیٰ کا جس بات میں ہے مولا
تم جان مسیحا ہو ٹھوکر سے ادا کرنا
تو جان مسیحا سے حالت مری جا کہنا
اتنا تو کرم مجھ پر اے باد صبا کرنا
پردہ میں جو رہتے ہو پردہ ہے چلے آؤ
آنکھوں میں بسا کرنا تم دل میں رہا کرنا
اف کیسی قیامت ہے یہ روز قیامت بھی
سورج ہے وہیں قائم بھولا ہے ڈھلا کرنا
للہ ہمیں مولیٰ دامن کے تلے لے لو
ہم کیسی بلا میں ہیں ہاں رد بلا کرنا
یہ ظل کرامت ہے ہم سایۂ رحمت ہے
یہ سایۂ رأفت ہے دامن ذرا وا کرنا
اے ظل خدا سایہ ہے آج کہاں پایا
ہم سائے کو آئے ہیں تم سایہ ذرا کرنا
لب تشنہ ہے گو ساقی تشنہ تری رویت کا
رویت جو نہ ہو تیری تو جام کا کیا کرنا
ہوں تشنہ مگر ساقی دیدار کے شربت کا
اک جام مجھے پیارے للہ عطا کرنا
تشنہ میں نہیں اس کا تشنہ ہوں میں رویت کا
ساقی مجھے کوثر کے ساغر کو ہے کیا کرنا
ہے پیاس سے حال ابتر نکلی ہے زباں باہر
اک جام مجھے سرور کوثر کا عطا کرنا
جو دل سے تجھے چاہیں جو عیب ترے ڈھانپیں
اے نفس تجھے ان سے کم بخت دغا کرنا
وہ تیرا برا چاہیں ممکن ہی نہیں ان سے
اعدا کی بھلائی کی جن کو ہے دعا کرنا
دنیا بنے یا بگڑے دنیا رہے یا جائے
تو دین بنا پیارے دنیا کا ہے کیا کرنا
کھایا پیا اور پہنا اچھوں سے رہا اچھا
کچھ دین کا بھی کر لے دنیا کا ہے کیا کرنا
قسمت میں غم دنیا جنت کا قبالہ ہو
تقدیر میں لکھا ہو جنت کا مزا کرنا
دنیا میں جو روتے ہیں عقبیٰ میں وہ ہنستے ہیں
دنیا میں جو ہنستے ہیں ہے ان کو کڑھا کرنا
موسیٰ ہوئے غش جس سے اور طور جلا جس سے
وہ جلوہ مرے دل پر اے نور خدا کرنا
برباد نہ ہو مٹی اس خاک کے پتلے کی
اللہ مجھے ان کی خاک کف پا کرنا
کیوں نقش کف پا کو دل سے نہ لگائے وہ
ہے آئینۂ دل کی نوریؔ کو جلا کرنا