Karam jo aapka aye sayyed e abrar ho jaye
To har badkaar banda dum mein nekokaar ho jaye
Jo momin dekhe tum ko mehrame asraar ho jaye
Jo kaafir dekh le tum ko to wo deendaar ho jaye
Jo sar rakh de tumhare qadmon pe sardaar ho jaye
Jo tum se sar koi phaire zaleel o khuwaar ho jaye
Jo ho jaye tumhara us pe haq ka pyaar ho jaye
Bane Allah wala wo jo tera yaar ho jaye
Agar aaye wo jaan e Noor mere khana e dil main
Mah o Khaawar mera ghar matla e anwaar ho jaye
Gham o ranj o alam aur sab balaon ka madawa ho
Agar wo gaisuwon wala mera dildaar ho jaye
Karam jo aapka aye sayyed e abrar ho jaye
To har badkaar banda dum mein nekokaar ho jaye
Inaayat se mere sar par agar woh kafshe pa rakh dein
Ye Banda Taajdaaron ka bhi to sardaar ho jaye
Talatum kaisa hi kuchh ho magar aye naakhuda e mann
Ishaara aap farmaadein to beda paar ho jaye
Jo dooba chahta hai wo to dooba hua baira
Ishara aapka paye to maula paar ho jaye
Tumhare faiz se laathi Misaal e Sham’a roushan ho
Jo tum lakdi ko chaaho tez tar talwaar ho jaye
Gunaah kitne hi aur kaise hi hain par rehmat e aalam
Shafa’at aap farmaayein to beda paar ho jaye
Karam jo aapka aye sayyed e abrar ho jaye
To har badkaar banda dum mein nekokaar ho jaye
Bharam reh jaye mehshar mein na palla halka ho apna
Ilaahi! mere palle par Mera Gamkhwaar ho jaye
Ishaara paaye to dooba huwa sooraj bar aamad ho
Uthe ungli to mah do balki do do chaar ho jaye
Tera tasdeeq karne wala he Allah ka momin
Tera munkir wo jis ko haq se hi inkaar ho jaye
Mere saaqi mae baaqi pila de aik aalam ko
Jo baqi aur pyaasa hai tera maikhuwaar ho jaye
Tumhare hukm ka baandha huwa suraj phire ulta
Jo tum chaaho ke shab din ho abhi sarkaar ho jaye
Qawaafi aur mazaameen achchhe achchhe hain abhi baaqi
Magar bas bhi karo Noori na padhna baar ho jaye
Karam jo aapka aye sayyed e abrar ho jaye
To har badkaar banda dum mein nekokaar ho jaye
کرم جو آپ کا اے سید ابرار ہو جائے
تو ہر بدکار بندہ دم میں نیکو کار ہو جائے
جو مومن دیکھے تم کو محرم اسرار ہو جائے
جو کافر دیکھ لے تم کو تو وہ دیندار ہو جائے
جو سر رکھ دے تمہارے قدموں پہ سردار ہو جائے
جو تم سے سر کوئی پھیرے ذلیل و خوار ہو جائے
جو ہو جائے تمہارا اس پہ حق کا پیار ہو جائے
بنے اللہ والا وہ جو تیرا یار ہو جائے
اگر آئے وہ جان نور میرے خانۂ دل میں
مہ و خاور مرا گھر مطلع انوار ہو جائے
غم و رنج و الم اور سب بلاؤں کا مداوا ہو
اگر وہ گیسوؤں والا مرا دلدار ہو جائے
عنایت سے مرے سر پر اگر وہ کفش پا رکھ دیں
یہ بندہ تاجداروں کا بھی تو سردار ہو جائے
تلاطم کیسا ہی کچھ ہے مگر اے نا خدائے من
اشارہ آپ فرما دیں تو بیڑا پار ہو جائے
جو ڈوبا چاہتا ہے وہ تو ڈوبا ہوا بیڑا
اشارہ آپ کا پائے تو مولیٰ پار ہو جائے
تمہارے فیض سے لاٹھی مثال شمع روشن ہو
جو تم لکڑی کو چاہو تیز تر تلوار ہو جائے
گنہ کتنے ہی اور کیسے ہی ہیں پر رحمت عالم
شفاعت آپ فرمائیں تو بیڑا پار ہو جائے
بھرم رہ جائے محشر میں نہ پلہ ہلکا ہو اپنا
الہٰی! میرے پلے پر مرا غم خوار ہو جائے
اشارہ پائے تو ڈوبا ہوا سورج بر آمد ہو
اٹھے انگلی تو مہ دو بلکہ دو دو چار ہو جائے
ترا تصدیق کرنے والا ہے اللہ کا مومن
ترا منکر وہ جس کو حق سے ہی انکار ہو جائے
مرے ساقی مے باقی پلادے ایک عالم کو
جو باقی اور پیاسا ہے ترا میخوار ہو جائے
تمہارے حکم کا باندھا ہوا سورج پھرے الٹا
جو تم چاہو کہ شب دن ہو ابھی سرکار ہو جائے
قوافی اور مضامیں اچھے اچھے ہیں ابھی باقی
مگر بس بھی کرو نورؔی نہ پڑھنا بار ہو جائے