Hum apni hasrate dil ko mitane aaye hai
Hum apne dil ki lagi ko bujhaane aaye hai
Dil e Hazeen ko tasalli dilanay aaye hai
Gham e Firaq ko dil se mitanay aaye hai
Kareem hai wo nigaahe karam se dekheinge
Hai daag daag dil apna dikhaane aaye hai
Gham o Alam ye mita denge Shaad kar denge
Hum apnay gham ka qaziya chukanay aaye hai
Huzoor behr e khuda dastan e gham sun lein
Gham e Firaq ka qissa sunanay aaye hai
Nigah e lutf o karam hogi aur phir hogi
ke zakhm e dil pe yeh marham laganay aaye hai
Faqeer aap ke dar ke hai hum kahan jaen
Tumharay koochay mein dhooni ramanay aaye hai
Madina hum se faqeer aa ke lout jaenge
Dar e Huzoor pe bistar jamanay aaye hai
Hum apni hasrate dil ko mitane aaye hai
Hum apne dil ki lagi ko bujhaane aaye hai
Khuda ne gaib dia hay inhai hai sab roshan
jo khatray dil hi mein chupnay chupanay aaye hai
Khulegi mere bhi Dil ki Gali ke Jaane jinaan
Chaman mein phool karam ke khilane aaye hai
Kitabe Hazrat Musa mein wasf hai inke
Kitabe Eisa main inke fasanay aaye hai
Inhin ki naat ke nagme zuboor se sun lo
Zaban e Quran pe inke tarane aaye hai
Daba nahin woh falak se buland o Bala hai
Tah e zameen jise sarwar dabanay aaye hai
Naseeb jaag utha uska chai se soya
Woh jisko qabar mein sarwar sulanay aaye hai
Hum apni hasrate dil ko mitane aaye hai
Hum apne dil ki lagi ko bujhaane aaye hai
Ajab karam hai ke khud mujrimo ke hami
Gunahgaron ki bakhshish karane aaye hai
Sabhi rasul ne Kaha Izhabu ila Gayri
Ana laha Ka ye muzjda sunane aaye hai
Zaban ambiya per aaj nafsi nafsi hai
Magar Huzoor Shafa’at ki thane aaye hai
Kisi garib ke pallay pe waqt e wazn Amal
Bharam karam se yeh uska banane aaye hai
Woh parcha jis mein likha tha durud usne kabhi
Ya usse se nekiyan iski barrhane aaye hai
Khuda se karte hue arz Rabbi Sallimhu
Sirat per ya Kisi ko chalane aaye hai
Zaban jo dekhe hai sookhi hui to bahr e karam
Kisi ko hawz pe sharbat pilane aaye hai
Hua hai hukm Kisi ko ke naar mein jaaye
Yah sun ke dorr ke usko churraane aaye hai
Ilahi dur hon najdi Hijaz se jaldi
Hijaziyon ko yeh Moozi satanay aaye hai
Naseeb tera chamak utha dekh to Noori
Arab ke chaand lahad ke sirhaane aaye hai
Hum apni hasrate dil ko mitane aaye hai
Hum apne dil ki lagi ko bujhaane aaye hai
ہم اپنی حسرت دل کو مٹانے آئے ہیں
ہم اپنی دل کی لگی کو بجھانے آئے ہیں
دل حزیں کو تسلی دلانے آئے ہیں
غم فراق کو دل سے مٹانے آئے ہیں
کریم ہیں وہ نگاہ کرم سے دیکھیں گے
ہے داغ داغ دل اپنا دکھانے آئے ہیں
غم و الم یہ مٹادیں گے شاد کر دیں گے
ہم اپنے غم کا قضیہ چکانے آئے ہیں
حضور بہر خدا داستان غم سن لیں
غم فراق کا قصہ سنانے آئے ہیں
نگاہ لطف و کرم ہوگی اور پھر ہوگی
کہ زخم دل پہ یہ مرہم لگانے آئے ہیں
فقیر آپ کے در کے ہیں ہم کہاں جائیں
تمہارے کوچہ میں دھونی رمانے آئے ہیں
مدینہ ہم سے فقیر آ کے لوٹ جائیں گے
در حضور پہ بستر جمانے آئے ہیں
خدا نے غیب دیا ہے انہیں ہے سب روشن
جو خطرے دل ہی میں چھپنے چھپانے آئے ہیں
کھلے گی میرے بھی دل کی گلی کہ جان جناں
چمن میں پھول کرم کے کھلانے آئے ہیں
کتاب حضرت موسیٰ میں وصف ہیں ان کے
کتاب عیسیٰ میں ان کے فسانے آئے ہیں
انہیں کی نعت کے نغمے زبور سے سن لو
زبان قرآں پہ ان کے ترانے آئے ہیں
دبا نہیں وہ فلک سے بلند و بالا ہے
تہ زمیں جسے سرور دبانے آئے ہیں
نصیب جاگ اٹھا اس کا چین سے سویا
وہ جس کو قبر میں سرور سلانے آئے ہیں
عجب کرم ہے کہ خود مجرموں کے حامی
گناہگاروں کی بخشش کرانے آئے ہیں
سبھی رسل نے کہا اِذْھَبُوْا اِلیٰ غَیْرِیْ
اَنَا لَھَا کا یہ مژدہ سنانے آئے ہیں
زبان انبیا پر آج نفسی نفسی ہے
مگر حضور شفاعت کی ٹھانے آئے ہیں
کسی غریب کے پلے پہ وقت وزن عمل
بھرم کرم سے یہ اس کا بنانے آئے ہیں
وہ پرچہ جس میں لکھا تھا درود اس نے کبھی
یہ اس سے نیکیاں اس کی بڑھانے آئے ہیں
خدا سے کرتے ہوئے عرض رَبِّ سَلِّمْہٗ
صراط پر یہ کسی کو چلانے آئے ہیں
زباں جو دیکھے ہے سوکھی ہوئی تو بحر کرم
کسی کو حوض پہ شربت پلانے آئے ہیں
ہوا ہے حکم کسی کو کہ نار میں جائے
یہ سن کے دوڑ کے اس کو چھڑانے آئے ہیں
الہٰی! دور ہوں نجدی حجاز سے جلدی
حجازیوں کو یہ موذی ستانے آئے ہیں
نصیب تیرا چمک اٹھا دیکھ تو نوریؔ
عرب کے چاند لحد کے سرہانے آئے ہیں