Hirz e Jaan Zikr E Shafaat Kijiye
Naar se bachne ki soorat kijiye
Unke naqshe paa pe ghairat kijiye
Aankh se chhup kar ziyaarat kijiye
Unke husn e baa malaahat par nisaar
Sheera jaan ki halaawat kijiye
Unke dar par jaise ho mit jaaiye
Naa tawaano! Kuch to himmat kijiye
Phair dije panja e dev e la’een
Mustafa ke bal pe taaqat kijiye
Hirz e Jaan Zikr E Shafaat Kijiye
Naar se bachne ki soorat kijiye
Doob kar yaad e lab e shaadab mein
Aab e kausar ki sabaahat kijiye
Yaad e qaamat karte utthiye qabr se
Jaan e mehshar par qiyamat kijiye
Un ke dar par baitthiye ban kar faqeer
Be nawaao fikr e sarwat kijiye
Jis ka husn Allah ko bhi bhaa gaya
Aise pyaare se mohabbat kijiye
Hirz e Jaan Zikr E Shafaat Kijiye
Naar se bachne ki soorat kijiye
Haiy Baaqi jiski karta hai thanaa
Marte dam tak uski midhat kijiye
Arsh par jiski kamaane charh gayeen
Sadqe us baazu pe quwwat kijiye
Neem wa Taybah ke phoolon par ho aankh
Bulbulo! paas e nazaakat kijiye
Sar se girta hai abhi baare gunaah
Kham zara farq e iraadat kijiye
Hirz e Jaan Zikr E Shafaat Kijiye
Naar se bachne ki soorat kijiye
Aankh to utthti nahin kia dein jawaab
Hum pe be pursish hi rehmat kijiye
‘Uzr e badtar az gunaah ka zikr kya
Be sabab hum par inaayat kijiye
Na’rah kijiye Yaa Rasoolallah ka
Mufliso! saamaane daulat kijiye
Hum tumhare hoke kis ke paas jaayein
Sadqa shahzaadon ka rehmat kijiye
Hirz e Jaan Zikr E Shafaat Kijiye
Naar se bachne ki soorat kijiye
Man ra aani qad ra al Haq jo kahein
Kya bayaan uski haqiqat kijiye
Aalim e ilm do aalam hain Huzoor
Aap se kya ‘arz haajat kijiye
Aap sultan e jahaan hum be nawaa
Yaad hum ko waqt e ne’mat kijiye
Tujh se kya kya aay mere Taybah ke chaand
Zulmat e gham ki shikaayat kijiye
Hirz e Jaan Zikr E Shafaat Kijiye
Naar se bachne ki soorat kijiye
Dar badar kab tak phirrain khasta kharaab
Taiba mein madfan ‘inaayat kijiye
Har baras wo qaafilon ki dhoom dhaam
Aah suniye aur ghaflat kijiye
Phir palat kar munh na us jaanib kiya
Sach hai aur dawaa e ulfat kijiye
Aqriba hubb e watan be himmati
Aah kis kis ki shikaayat kijiye
Hirz e Jaan Zikr E Shafaat Kijiye
Naar se bachne ki soorat kijiye
Ab to Aaqa munh na dikhane ka nahin
Kis tarah raf’ e nadaamat kijiye
Apne haathon khud luta baitthe hain ghar
Kis pe da’waa e bazaa’at kijiye
Kis se kahiye kya kiya kya ho gaya
Khud hi apne par malaamat kijiye
Arz ka bhi ab to moonh parta nahin
Kia ‘ilaaj e dard e furqat kijiye
Hirz e Jaan Zikr E Shafaat Kijiye
Naar se bachne ki soorat kijiye
Apni ek meetthi nazar ke shahed se
Chaara e zahr e museebat kijiye
De Khuda himmat keh yah jaan e hazeen
Aap par waarein woh soorat kijiye
Aap hum se barh ke hum par meherbaan
Hum kare jurm Aap rehmat kijiye
Jo na bhoola hum ghareebon ko Raza
Yaad uski apni aadat kijiye
Hirz e Jaan Zikr E Shafaat Kijiye
Naar se bachne ki soorat kijiye
حرزِ جاں ذِکرِ شفاعت کیجیے
نار سے بچنے کی صورت کیجیے
اُن کے نقشِ پا پہ غیرت کیجیے
آنکھ سے چھپ کر زیارت کیجیے
اُن کے حسنِ با ملاحت پر نثار
شیرۂ جاں کی حلاوت کیجیے
اُن کے در پر جیسے ہو مِٹ جائیے
ناتوانو! کچھ تو ہمّت کیجیے
پھیر دیجے پنجۂ دیوِ لعیں
مصطفیٰ کے بَل پہ طاقت کیجیے
ڈُوب کر یادِ لبِ شاداب میں
آبِ کوثر کی سباحت کیجیے
یادِ قامت کرتے اُٹھیے قبر سے
جانِ محشر پر قیامت کیجیے
اُن کے دَر پر بیٹھیے بن کر فقیر
بے نواؤ فکرِ ثروت کیجیے
جِس کا حُسن اللہ کو بھی بَھا گیا
ایسے پیارے سے مَحبّت کیجیے
حیّ باقی جس کی کرتا ہے ثنا
مرتے دم تک اس کی مِدحت کیجیے
عرش پر جس کی کمانیں چڑھ گئیں
صدقے اس بازو پہ قوّت کیجیے
نیم وا طیبَہ کے پھولوں پر ہو آنکھ
بُلبلو! پاسِ نزاکت کیجیے
سر سے گِرتا ہے ابھی بارِ گناہ
خم ذرا فرقِ اِرادت کیجیے
آنکھ تو اُٹھتی نہیں کیا دیں جواب
ہم پہ بے پُرسِش ہی رحمت کیجیے
عذرْ بدتر از گنہ کا ذِکر کیا
بے سبب ہم پر عنایت کیجیے
نعرہ کیجے یارسول اللہ کا
مفلسو! سامانِ دولت کیجیے
ہم تمہارے ہو کے کس کے پاس جائیں
صَدقہ شہزادوں کا رحمت کیجیے
مَنْ رَاٰنِی قَدْ رَأَی الْحَق جو کہے
کیا بیاں اُس کی حقیقت کیجیے
عالِمِ عِلْمِ دو عالم ہیں حضور
آپ سے کیا عرضْ حاجت کیجیے
آپ سلطانِ جہاں ہم بے نوا
یاد ہم کو وقت نعمت کیجیے
تجھ سے کیا کیا اے مِرے طیبہ کے چاند
ظلمتِ غم کی شکایت کیجیے
دَر بدر کب تک پِھریں خستہ خراب
طیبہ میں مدفن عنایت کیجیے
ہر برس وہ قافلوں کی دُھوم دھام
آہ سُنیے اور غفلت کیجیے
پھر پلٹ کر مُنھ نہ اُس جانب کیا
سچ ہے اور دعوائے اُلفت کیجیے
اَقرَبا حُبِّ وَطن بے ہمتی
آہ کِس کِس کی شکایت کیجیے
اب تو آقا مُنھ دِکھانے کا نہیں
کِس طرح رَفعِ ندامت کیجیے
اپنے ہاتھوں خود لٹا بیٹھے ہیں گھر
کس پہ دعوائے بِضاعت کیجیے
کِس سے کہیے کیا کِیا کیا ہو گیا
خود ہی اپنے پَر ملامت کیجیے
عرض کا بھی اب تو مُنھ پڑتا نہیں
کیا علاجِ دَردِ فرقت کیجیے
اپنی اِک میٹھی نظر کے شہد سے
چارۂ زہرِ مصیبت کیجیے
دے خدا ہمّت کہ یہ جانِ حزیں
آپ پر واریں وہ صورت کیجیے
آپ ہم سے بڑھ کے ہم پر مہرباں
ہم کریں جرمْ آپ رحمت کیجیے
جو نہ بُھولا ہم غریبوں کو رضاؔ
یاد اُس کی اپنی عادَت کیجیے