Chamane Taiba Main Sumbul Jo sawaare gesu
Hoor barh kar shikane naaz pe ware gesu
Ki jo baalon se tere rauze ki jaaroob kashi
Shab ko shabnam ne tabarruk ko hai dhare gesu
Hum siyaah kaaro pe Yaa Rabb tapish e mahshar mein
Saaya afghan ho tere pyaare ke pyaare gesu
Charche hooron mein hain dekho to zara baal e burraaq
Sumbul e khuld ke qurbaan utaare gesu
Aakhir hajj gham e ummat mein pareshaan ho kar
Teerah bakhto ki shafa’at ko sudhaare gesu
Chamane Taiba Main Sumbul Jo sawaare gesu
Hoor barh kar shikane naaz pe ware gesu
Gosh tak sunte thai fariyad ab ayay taa dosh
Ke bane khaana badoshon ko sahare gesu
Sookhe dhano pe humare bhi karam ho jay e
Chhaie rehmat ki ghataa ban ke tumhare gesu
Ka’aba e jaan ko pehnaya hai ghilaafe mushkeen
Ur kar aaye hain jo abroo pe tumhare gesu
Silsila paake shafa’at ka jhuke parte hain
Sajda e shukr ke karte hain ishaare gesu
Chamane Taiba Main Sumbul Jo sawaare gesu
Hoor barh kar shikane naaz pe ware gesu
Mushk boo koocha yeh kis phool ka jhaaraa in se
Hooriyo ambare saara huwe saare gesu
Dekho Qur’an mein shab e qadr hai taa matla e fajr
Ya’ani nazdik hai aariz ke woh pyaare gesu
Bheeni khushboo se mehak jaati hain galiyan wallah
Kaise phoolon mein basaaye hain tumhare gesu
Shaan e rehmat hai ke shaanah na juda ho dam bhar
Seena chaakon pe kuch iss darjah hain pyaare gesu
Chamane Taiba Main Sumbul Jo sawaare gesu
Hoor barh kar shikane naaz pe ware gesu
Shaana hai panja e qudrat teray baalon ke liye
Kaise haathon ne shahaa terey sanware gesu
Uhd e paak ki choti se ulaj le shab bhar
Subah hone do shabe eid ne haare gesu
Muzda ho qibla se ghanghoor ghataayein umdeen
Abruon par woh jhuke jhoom ke baare gesu
Taare shiraazah majmuah e kaunain hai ye
Haal khul jaye jo ek dam hon kinaare gesu
Tel ki boondein tapakti nahin baalon se Raza
Subhe aariz pe lutatey hain sitaare gesu
Chamane Taiba Main Sumbul Jo sawaare gesu
Hoor barh kar shikane naaz pe ware gesu
چمنِ طیبہ میں سُنبل جو سنوارے گیسو
حُور بڑھ کر شِکن ناز پہ وارے گیسو
کی جو بالوں سے تِرے روضہ کی جاروب کشی
شب کو شبنم نے تبرک کو ہیں دھارے گیسو
ہم سِیہ کاروں پہ یاربّ تپِشِ محشر میں
سایہ افگن ہوں تِرے پیارے کے پیارے گیسو
چرچے حُوروں میں ہیں دیکھو تو ذرا بال براق
سُنبلِ خلد کے قربان اُتارے گیسو
آخرِ حج غمِ اُمّت میں پریشاں ہو کر
تِیرہ بختوں کی شفاعت کو سِدھارے گیسو
گوش تک سُنتے تھے فریاد اب آئے تا دوش
کہ بنیں خانہ بدوشوں کو سَہارے گیسو
سُوکھے دھانوں پہ ہمارے بھی کرم ہو جائے
چھائے رحمت کی گھٹا بن کے تمہارے گیسو
کعبۂ جاں کو پِنہایا ہے غلافِ مُشکیں
اُڑ کر آئے ہیں جو اَبرو پہ تمہارے گیسو
سِلسلہ پا کے شفاعت کا جھکے پڑتے ہیں
سجدۂ شکر کے کرتے ہیں اِشارے گیسو
مُشک بُو کوچہ یہ کس پھول کا جھاڑا ان سے
حُوریو عنبرِ سارا ہوئے سارے گیسو
دیکھو قرآں میں شبِ قدر ہے تا مطلعِ فجر
یعنی نزدیک ہیں عارِض کے وہ پیارے گیسو
بِھینی خوشبو سے مہک جاتی ہیں گلیاں واللہ
کیسے پھولوں میں بسائے ہیں تمہارے گیسو
شانِ رحمت ہے کہ شانہ نہ جُدا ہو دم بھر
سینہ چاکوں پہ کچھ اس درجہ ہیں پیارے گیسو
شانہ ہے پنجۂ قدرت تِرے بالوں کے لئے
کیسے ہاتھوں نے شہا تیرے سنوارے گیسو
اُحدِ پاک کی چوٹی سے اُلجھ لے شب بھر
صبح ہونے دو شبِ عید نے ہارے گیسو
مژدہ ہو قبلہ سے گھنگھور گھٹائیں اُمڈیں
اَبرووں پر وہ جھکے جھوم کے بارے گیسو
تارِ شیرازۂ مجموعۂ کونین ہیں یہ
حال کُھل جائے جو اِک دم ہوں کنارے گیسو
تیل کی بُوندیں ٹپکتی نہیں بالوں سے رضاؔ
صبح عارِض پہ لٹاتے ہیں سِتارے گیسو