Bakht e khufta ne mujhe roze za pe jane na diya
Chashm o dil seene kaleje se lagaane na diya
Aah qismat mujhe duniya ke gamon ne roka
Haaye taqdeer ke taiba mujhe jane na diya
Paaon thak jaate agar paon banaata sar ko
Sar ke bal jaata magar zoaf ne jane na diya
Sar to sar jaan se jane ki mujhe hasrat hai
Maut ne haaye mujhe jaan se jane na diya
Sajda karta jo mujhe is ki ijaazat hoti
Kya karoon izn mujhe is ka khuda ne na diya
Sharbat e deed ne aur aag lagaadi dil mein
Tapish e dil ko badhaaya hai bujhaane na diya
Ab kahaan jaayega naqsha tera mere dil se
Teh mein rakha hai ise dil ne gumaa ne na diya
Nafs e badkaar ne dil par ye qayaamat todi
Amal e nek kiya bhi to chhupaane na diya
Mere A’amaal ka badla to jahannam hi tha
Main to jaata mujhe sarkaar ne jane na diya
Mere A’amaal e siyaah ne kiya jeena dobhar
Zaher khaata tere irshaad ne khaane na diya
Aur chamakti si gazal koi padho aye Noori
Rang apna abhi jamne Sho’ara ne na diya
بخت خفتہ نے مجھے روضہ پہ جانے نہ دیا
چشم و دل سینے کلیجے سے لگانے نہ دیا
آہ قسمت مجھے دنیا کے غموں نے روکا
ہائے تقدیر کہ طیبہ مجھے جانے نہ دیا
پاؤں تھک جاتے اگر پاؤں بناتا سر کو
سر کے بل جاتا مگر ضعف نے جانے نہ دیا
اتنا کمزور کیا ضعف قویٰ نے مجھ کو
پاؤں تو پاؤں مجھے سر بھی اٹھانے نہ دیا
سر تو سر جان سے جانے کی مجھے حسرت ہے
موت نے ہائے مجھے جان سے جانے نہ دیا
حال دل کھول کے دل آہ ادا کر نہ سکا
اتنا موقع ہی مجھے میری قضا نے نہ دیا
ہائے اس دل کی لگی کو میں بجھاؤں کیونکر
فرط غم نے مجھے آنسو بھی گرانے نہ دیا
ہاتھ پکڑے ہوئے لے جاتے جو طیبہ مجھ کو
ساتھ اتنا بھی تو میرے رفقا نے نہ دیا
سجدہ کرتا جو مجھے اس کی اجازت ہوتی
کیا کروں اذن مجھے اس کا خدا نے نہ دیا
حسرت سجدہ یونہی کچھ تو نکلتی لیکن
سر بھی سرکار نے قدموں پہ جھکانے نہ دیا
کوچۂ دل کو بسا جاتی مہک سے تیری
کام اتنا بھی مجھے باد صبا نے نہ دیا
کبھی بیمار محبت بھی ہوئے ہیں اچھے
روز افزوں ہے مرض کام دوا نے نہ دیا
شربت دیدنے اور آگ لگا دی دل میں
تپش دل کو بڑھایا ہے بجھانے نہ دیا
اب کہاں جائے گا نقشہ ترا میرے دل سے
تہ میں رکھا ہے اسے دل نے گمانے نہ دیا
دلیس سے ان کے جو الفت ہے تو دل نے میرے
اس لئے دلیس کا جنگلہ بھی تو گانے نہ دیا
دلیس کی دھن ہے وہی راگ الا پا اس نے
نفس نے ہائے خیال اس کا مٹانے نہ دیا
نفس بدکار نے دل پر یہ قیامت توڑی
عمل نیک کیا بھی تو چھپانے نہ دیا
نفسِ بد کیش ہے کس بات کا دل پہ شاکی
کیا برا دل نے کیا ظلم کمانے نہ دیا
میرے اعمال کا بدلہ تو جہنم ہی تھا
میں تو جاتا مجھے سرکار نے جانے نہ دیا
میرے اعمال سیہ نے کیا جینا دو بھر
زہر کھاتا ترے ارشاد نے کھانے نہ دیا
اور چمکتی سی غزل کوئی پڑھو اے نورؔی
رنگ اپنا ابھی جمنے شعرا نے نہ دیا
Pingback: Safina e Bakhshish Lyrics in Urdu and English | Kalam e Mufti e Azam - Islamic Images