Shahid e Gul Hai Lyrics
By Huzoor Hujjatul Islam Hamid Raza Khan
Shahid e gul hai mast naaz hajlah e nau bahaar mein,
Naaz o adaa ke phool hain phoole gale ke haar mein.
Aayein ghataayein jhoom kar ishq ke koh saar mein,
Baarish e gham hai ashk baar giryah e be qaraar mein.
Ishq ne chhori phuljhari dil ki lagi bharak uthi,
Aatish e gul ke phool se aag lagi bahaar mein.
Aankhon se lag gayi jhari bahr mein mauj aa gayi,
Sail e sirishk ubal parra naala e qalb e zaar mein.
Shauq ki cheerah dastiyaan dil ki uraayein dhajjiyaan,
Wahshat e ishq ka samaan daaman e taar taar mein.
Bijli si ik tarrap gayi khirman e hosh urr gaya,
Barq sharaarah baar thi jalwah e Noor e Yaar mein.
Shahid e gul hai mast naaz hajlah e nau bahaar mein,
Naaz o adaa ke phool hain phoole gale ke haar mein.
Taabish e rukh se chaar chaand lag gayay mihr o maah ko,
Husn e azal hai jalwa reez aainah e izaar mein.
Kaabah e abroo dekh kar sajde jabeen mein muztarib,
Dil ki tarrap ko chain kya taab kahaan qaraar mein.
shahid e gul hai Mustafa Taiba chaman hai jaan fazaa,
Gulshan e Quds hai khilaa sahn e hareem e Yaar mein.
Sosan o yaasaman, saman, sumbal o laala e nastaran,
Saara hara bhara chaman phoola usi bahaar mein.
Baagh e jinaan lahak uttha, qasr e jinaan mahak uttha,
Saikron hain chaman khile phool ki ik bahaar mein.
Shahid e gul hai mast naaz hajlah e nau bahaar mein,
Naaz o adaa ke phool hain phoole gale ke haar mein.
Saare bahaaron ki dulahan hai mere phool ka chaman,
Gulshan e naaz ki phaban Taiba ke khaar khaar mein.
Tum ho Habeeb e Kibriyaa pyari tumhari har adaa,
Tum sa koi haseen bhi hai gulshan e roz gaar mein.
Nikli na koi aarzoo dil ki hi dil mein reh gayi,
Hasratein hain hazaar dafan qalb ke ik mazaar mein.
Khaar e Madinah dekh kar wahshat e dil hai zor par,
Dast e junoon ulajh gaya daaman e dil ke taar mein.
Maah teri rikaab mein, noor hai aaftaab mein,
Boo hai teri gulaab mein rang tera anaar mein.
Ghuncha e dil mehek uttha mauj e naseem e Taiba se,
Rooh e shameem thi basi gesoo e mushk baar mein.
Shauq ki naashakiibiyaan sauz ki dil gudaaziyaan,
Wasl ki namuraadiyan aashiq e dil fagaar mein.
Gardish e chashm e naaz se Haamid mae gusaar mast,
Rang e suroor o kaif hai chashm e khumaar daar mein.
Shahid e gul hai mast naaz hajlah e nau bahaar mein,
Naaz o adaa ke phool hain phoole gale ke haar mein.
شاہدِ گُل ہے مَست ناز حَجَلَۂ نو بَہار میں
ناز و ادا کے پھول ہیں پھولے گلے کے ہار میں
آئیں گھٹائیں جھوم کر عشق کے کوہسار میں
بارشِ غم ہے اشک بار گریۂ بے قرار میں
عشق نے چھوڑی پُھلجَھڑی دل کی لگی بھڑک اٹھی
آتشِ گُل کے پھول سے آگ لگی بہار میں
آنکھوں سے لگ گئی جھڑی بحر میں موج آ گئی
سَیلِ سِرِشْک اُبل پڑا نالۂ قلبِ زار میں
شوق کی چیرہ دستیاں دل کی اُڑائیں دھجّیاں
وحشتِ عشق کا سماں دامنِ تار تار میں
بجلی سی اک تڑپ گئی خِرمَنِ ہوش اُڑ گیا
برق شرارَہ بار تھی جلوۂ نورِ یار میں
تابشِ رُخ سے چار چاند لگ گئے مہر و ماہ کو
حُسنِ اَزَل ہے جلوہ ریز آئینۂ عِذار میں
کعبۂ ابرو دیکھ کر سجدے جبیں میں مضطرب
دل کی تڑپ کو چین کیا تاب کہاں قرار میں
شاہدِ گُل ہے مصطفیٰ طیبہ چمن ہے جاں فزا
گُلشنِ قُدس ہے کِھلا صحنِ حریمِ یار میں
سُوسَن و یاسَمَن، سَمَن، سُنبل و لالہ نَستَرَن
سارا ہرا بھرا چمن پھولا اسی بہار میں
باغِ جناں لہک اٹھا، قصرِ جناں مہک اٹھا
سیکڑوں ہیں چمن کِھلے پھول کی اک بہار میں
سارے بہاروں کی دُلَھن ہے مِرے پھول کا چمن
گُلشنِ ناز کی پھبن طیبہ کے خار خار میں
تم ہو حبیبِ کبریا پیاری تمھاری ہر ادا
تم سا کوئی حَسیں بھی ہے گُلشنِ روز گار میں
نکلی نہ کوئی آرزو دل کی ہی دل میں رہ گئی
حسرتیں ہیں ہزار دفن قلب کے اک مزار میں
خارِ مدینہ دیکھ کر وحشتِ دل ہے زور پر
دستِ جنوں الجھ گیا دامنِ دل کے تار میں
ماہ تِری رکاب میں، نور ہے آفتاب میں
بو ہے تِری گلاب میں رنگ تِرا انار میں
غنچۂ دل مہک اٹھا موجِ نسیمِ طیبہ سے
روحِ شمیم تھی بسی گیسوئے مشک بار میں
شوق کی ناشکیبیاں سوز کی دل گدازیاں
وصل کی نامُرادیاں عاشقِ دل فگار میں
گردشِ چشمِ ناز سے حاؔمدِ مَے گُسار مست
رنگِ سرور و کیف ہے چشمِ خمار دار میں