Tu hai wo ghaus ke har ghaus hai shaida tera
Tu hai wo ghais ke har ghais hai pyaasa tera
Sooraj aglon ke chamakte thai chamak kar doobe
Ufaq e Noor pe hai mehr hamesha tera
Murgh sab bolte hain bol ke chup rehte hain
Haan aseel ek nawa sanj rahega tera
Jo wali qabl thai ya ba’d huwe ya honge
Sab adab rakhte hain dil mein mere Aqaa tera
Baqasam kehte hain shahaan e sarifeen o hareem
Ke hua hai nah wali ho koi hamtaa tera
Tujhse aur dahar ke aqtaab se nisbat kaisi
Qutub khud kaun hai khaadim tera chelaa tera
Tu hai wo ghaus ke har ghaus hai shaida tera
Tu hai wo ghais ke har ghais hai pyaasa tera
Saare aqtaab jahaan karte hain Kaa’be ka tawaaf
Kaa’ba karta hai tawaaf e dar e waala tera
Aur parwaane hain jo hote hain Kaa’be pe nisaar
Shama’a ek tu hai ke parwaanah hai Kaa’ba tera
Shajr e sar o sahee kis ke ugaaye tere
Maarifat phool sahi kis ka khilaaya tera
Tu hai naushaah baraati hai yeh saara gulzaar
Laayi hai fasl e saman goondh ke sehra tera
Daaliyan jhoomti hain raqs e khushi josh pe hai
Bulbulein jhoolti hain gaati hain sehra tera
Tu hai wo ghaus ke har ghaus hai shaida tera
Tu hai wo ghais ke har ghais hai pyaasa tera
Geet kaliyon ki chatak ghazlein hazaaron ki chehek
Baagh ke saazon mein bajta hai taraana tera
Saf e har shajrah mein hoti hai salaami teri
Shaakhein jhuk jhuk ke baja laati hain mujra tera
Kis gulistaan ko nahin fasl e bahaari se niyaaz
Kaun se silsile mein faiz nah aaya tera
Nahin kis chaand ki manzil mein tera jalwa e noor
Nahin kis aaine ke ghar mein ujaala tera
Raaj kis sheher mein karte nahin tere khuddaam
Baaj kis neher se letaa nahin darya tera
Tu hai wo ghaus ke har ghaus hai shaida tera
Tu hai wo ghais ke har ghais hai pyaasa tera
Mazr’ae Chisht o Bukhara o Iraaq o Ajmer
Kaun si kisht pe barsa nahin jhaala tera
Aur mehboob hain haan par sabhi yaksaan to nahin
Yoon to mehboob hai har chaahne wala tera
Is ko sau fard sarapaa ba faraghat oorhein
Tang ho kar jo utarne ko ho neema tera
Gardanein jhuk gayin sar bich gaye dil laut gaye
Kashf e saaq aaj kahaan yeh to qadam tha tera
Taaj e farq e irfaa kis ke qadam ko kahiye
Sar jise baaj dein wo paaon hai kiska tera
Tu hai wo ghaus ke har ghaus hai shaida tera
Tu hai wo ghais ke har ghais hai pyaasa tera
Sukr ke josh mein jo hain wo tujhe kya jaanein
Khidr ke hosh se pooche koi rutba tera
Aadmi apne hi ehwaal pe karta hai qiyaas
Nashe waalon ne bhula sukr nikaala tera
wo to choota hi kaha chahein ke hain zer e hadeed
Aur har auj se ooncha hai sitarah tera
Dil e aa’da ko Raza tez namak ki dhun hai
Ek zara aur chirakta rahe khaamah tera
Tu hai wo ghaus ke har ghaus hai shaida tera
Tu hai wo ghais ke har ghais hai pyaasa tera
تُو ہے وہ غوث کہ ہر غوث ہے شیدا تیرا
تُو ہے وہ غیث کہ ہر غیث ہے پیاسا تیرا
سورج اگلوں کے چمکتے تھے چمک کر ڈُوبے
اُفق نور پہ ہے مہر ہمیشہ تیرا
مُرغ سب بولتے ہیں بول کے چُپ رہتے ہیں
ہاں اَصیل ایک نوا سَنْج رہے گا تیرا
جووَلی قبل تھے یا بعد ہوئے یا ہوں گے
سب اَدب رکھتے ہیں دِل میں مِرے آقا تیرا
بقسم کہتے ہیں شاہانِ صریفین و حریم
کہ ہُوا ہے نہ ولی ہو کوئی ہمتا تیرا
تجھ سے اور دَہر کے اقطاب سے نسبت کیسی
قطب خود کون ہے خادم تِرا چیلا تیرا
سارے اقطاب جہاں کرتے ہیں کعبہ کا طواف
کعبہ کرتا ہے طوافِ درِ والا تیرا
اور پروانے ہیں جو ہوتے ہیں کعبہ پہ نثار
شمع اِک تُو ہے کہ پروانہ ہے کعبہ تیرا
شجرِ سرو سہی کِس کے اُگائے تیرے
معرفت پھول سہی کس کا کھِلایا تیرا
تُو ہے نوشاہ بَراتی ہے یہ سارا گلزار
لائی ہے فصل سمن گوندھ کے سہرا تیرا
ڈالیاں جُھومتی ہیں رقصِ خوشی جوش پہ ہے
بلبُلیں جُھولتی ہیں گاتی ہیں سہرا تیرا
گیت کلیوں کی چٹک غزلیں ہزاروں کی چہک
باغ کے سازوں میں بجتا ہے ترانا تیرا
صفِ ہر شجرہ میں ہوتی ہے سلامی تیری
شاخیں جُھک جُھک کے بجا لاتی ہیں مجرا تیرا
کِس گلستاں کو نہیں فصلِ بہاری سے نیاز
کون سے سلسلہ میں فیض نہ آیا تیرا
نہیں کس چاند کی منزل میں تِرا جلوۂ نور
نہیں کس آئینہ کے گھر میں اُجالا تیرا
راج کس شہر میں کرتے نہیں تیرے خدّام
باج کس نہر سے لیتا نہیں دریا تیرا
مزرعِ چِشت و بخاراو عِراق و اجمیر
کون سی کِشت پہ برسا نہیں جھالا تیرا
اور محبوب ہیں، ہاں پر سبھی یکساں تو نہیں
یُوں تو محبوب ہے ہر چاہنے والا تیرا
اس کو سو فرد سراپا بفراغت اوڑھیں
تنگ ہو کر جو اُترنے کو ہو نیما تیرا
گردنیں جھک گئیں سر بچھ گئے دِل لوٹ گئے
کشفِ ساق آج کہاں یہ تو قدم تھا تیرا
تاجِ فرقِ عرفا کِس کے قدم کو کہئے!
سر جسے باج دیں وہ پاؤں ہے کِس کا تیرا
سُکر کے جوش میں جو ہیں وہ تجھے کیا جانیں
خِضر کے ہوش سے پُوچھے کوئی رُتبہ تیرا
آدمی اپنے ہی احوال پہ کرتا ہے قِیاس
نشے والوں نے بھلا سُکر نکالا تیرا
وہ تو چھوٹا ہی کہا چاہیں کہ ہیں زیرِ حضیض
اور ہر اَوج سے اُونچا ہے ستارہ تیرا
دلِ اعدا کو رضاؔ تیز نمک کی دُھن ہے
اِک ذرا اور چھڑکتا رہے خامہ تیرا