Tera zarra mahe kaamil hai yaa ghaus
Tera qatrah yam e saail hai Yaa Ghaus
Koi saalik hai ya waasil hai Yaa Ghaus
Woh kuch bhi ho tera saail hai Yaa Ghaus
Qad e be saaya zille kibriyaa hai
Tu us be saaya zil ka zil hai Yaa Ghaus
Teri jaageer mein hai sharq taa gharb
Qalamro mein Haram taa hil hai Yaa Ghaus
Dil ishq o rukh husn aaina hain
Aur in dono mein tera zil hai Yaa Ghaus
Teri sham’a dil aara ki tab o taab
Gul o bulbul ki aab o gul hai Yaa Ghaus
Tera majnoon tera sehra tera najd
Teri laila tera mohmal hai Yaa Ghaus
Yeh teri champayi rangat Husaini
Hasan ke chaand subh e dil hai Yaa Ghaus
Gulistaan zaar teri pankhari hai
kali sau khuld ka haasil hai Yaa Ghaus
Ugaal us ka udhaar abraar ka ho
Jise teri ulash haasil hai Yaa Ghaus
Ishaare mein kiya jis ne qamar chaak
Tu us mah kaa mah e kaamil hai Yaa Ghaus
Jise ‘arsh e dowam kehte hain aflaak
Woh teri kursi manzil hai Yaa Ghaus
Tu apne waqt ka Siddiq e Akbar
Ghani o Haidar o Aadil hai Yaa Ghaus
Wali kya mursal aayein khud Huzoor aayein
Woh teri wa’z ki mehfil hai Yaa Ghaus
Jise maange nah paayein jaah waale
Woh bin maange tujhe haasil hai Yaa Ghaus
Fuyooz e ‘aalam ummi se tujh par
‘Iyaan maazi o mustaqbil hai Yaa Ghaus
Jo qarnon sair mein ‘aarif nah paayein
Woh teri pehli hi manzil hai Yaa Ghaus
Malak mashghool hain us ki sanaa mein
Jo tera zaakir o shaaghil hai Yaa Ghaus
Nah kyun ho teri manzil ‘arsh saani
Ke ‘arsh e Haq teri manzil hai Yaa Ghaus
Wahin se uble hain saaton samandar
Jo teri neher ka saahil hai Yaa Ghaus
Malaaik ke bashar ke jinn ke halqe
Teri zau maah e har manzil hai Yaa Ghaus
Bukhaara o Iraq o Chisht o Ajmer
Teri lau sham’ e har mehfil hai Yaa Ghaus
Jo tera naam le zaakir hai pyaare
Tasawwur jo kare shaaghil hai Yaa Ghaus
Jo sar de kar tera sauda kharide
Khuda de aql woh aaqil hai Yaa Ghaus
Kahaa tune keh jo maango milegaa
Raza tujh se tera saail hai Yaa Ghaus
تِرا ذرّہ مَہِ کامل ہے یا غوث
تِرا قطرہ یمِ سَائل ہے یا غوث
کوئی سالِک ہے یا واصِل ہے یا غوث
وہ کچھ بھی ہو تِرا سائل ہے یا غوث
قدِ بے سایہ ظِلِّ کِبرِیا ہے
تو اس بے سایہ ظِلّ کا ظِل ہے یا غوث
تِری جاگیر میں ہے شَرق تا غَرب
قَلمرو میں حَرم تا حِلّ ہے یا غوث
دل عشق و رُخ حسن آئینہ ہیں
اور ان دونوں میں تیرا ظِل ہے یا غوث
تِری شمع دِل آرا کی تَب و تاب
گُل و بلبل کی آب و گِل ہے یا غوث
تِرا مجنوں تِرا صَحرا تِرا نَجد
تِری لیلیٰ تِرا مَحمِل ہے یا غوث
یہ تیری چمپَئی رنگت حسینی
حَسن کے چاند صبحِ دل ہے یا غوث
گلستاں زار تیری پنکھڑی ہے
کلی سو خلد کا حاصل ہے یا غوث
اُگال اس کا اُدھار اَبرار کا ہو
جسے تیرا اُلُش حاصل ہے یا غوث
اشارہ میں کیا جس نے قمر چاک
تو اس مَہ کا مَہِ کامل ہے یا غوث
جسے عرشِ دوم کہتے ہیں اَفلاک
وہ تیری کرسیِ منزل ہے یا غوث
تو اپنے وقت کا صدّیقِ اکبر
غنی و حیدر و عادل ہے یا غوث
ولی کیا مُرسَل آئیں خود حضور آئیں
وہ تیری وعظ کی محفل ہے یا غوث
جسے مانگے نہ پائیں جاہ والے
وہ بِن مانگے تجھے حاصل ہے یا غوث
فُیوضِ عالم اُمّی سے تجھ پر
عِیاں ماضی ومستَقبِل ہے یا غوث
جو قَرنوں سَیر میں عارف نہ پائیں
وہ تیری پہلی ہی منزل ہے یا غوث
مَلَک مَشْغول ہیں اس کی ثنا میں
جو تیرا ذاکر و شاغل ہے یا غوث
نہ کیوں ہو تیری منزل عرشِ ثانی
کہ عرشِ حق تِری منزل ہے یا غوث
وہیں سے اُبلے ہیں ساتوں سمندر
جو تیری نہر کا ساحل ہے یا غوث
ملائک کے بشر کے جنّ کے حلقے
تری ضَو ماہِ ہر منزل ہے یا غوث
بخارا و عراق و چِشت و اَجْمیر
تری لَو شمعِ ہر محفل ہے یا غوث
جو تیرا نام لے ذاکر ہے پیارے
تَصَوُّر جو کرے شاغِل ہے یا غوث
جو سر دے کر تِرا سودا خریدے
خدا دے عقل وہ عاقِل ہے یاغوث
کہا تو نے کہ جو مانگو ملے گا
رضاؔ تجھ سے تِرا سائل ہے یا غوث