Rashq e qamar hoon rang e rukh e aftab hoon
Zarra tera jo aay shahe gardun janaab hoon
Durre najaf hoon gauhar e paak e khushab hoon
Yani turaab e rah guzar e bu turaab hoon
Gar aankh hoon to abr ki chashme pur aab hoon
Dil hoon toh bark ka dil e pur izteraab hoon
Khoonain jigar hoon ta ir e be aashiyan shaha
Range pareedah e rukhe gul ka jawab hoon
Be aslo be sabaat hoon bahre karam madad
Parwarda e kinaare suraabo habaab hoon
Rashq e qamar hoon rang e rukh e aftab hoon
Zarra tera jo aay shahe gardun janaab hoon
Ibrat feza hai sharm e gunah se mera sukut
Goya lab e khamosh e lahad ka jawab hoon
Kyun naala soz se karu kyun khoon e dil piyoon
Seekh e kabaab hoon na mai jaam e sharab hoon
Dil basta bekaraar jigar chaak ashkbaar
Ghuncha hoon gul hoon barke tapaan hoon sahaab hoon
Daava hai sabse teri shafa’at pe beshtar
Daftar me aasiyo ke shahe intekhab hoon
Rashq e qamar hoon rang e rukh e aftab hoon
Zarra tera jo aay shahe gardun janaab hoon
Maula duha i nazro se gir kar jalaa ghulam
Ashqe mujhra raseeda e chashme kabaab hoon
Mit jaye ye khudi to wo jalwa kahaan nahi
Darda me aap apni nazar ka hijaab hoon
Sadqe hoon uspe naar se dega jo mukhlesi
Bulbul nahin keh aatish e ghul par kabaab hoon
Qaalib tahi kiye hamaa aaghosh hai hilaal
Aay shahsawaare taibah me teri rikaab hun
Rashq e qamar hoon rang e rukh e aftab hoon
Zarra tera jo aay shahe gardun janaab hoon
Kya kya hai tujhse naaz tere qasr ko ki mai
Ka’abe ki jaan arshe baree ka jawaab hoon
Shaaha bujhe saqar mere ashko se taa na main
Aabe abas chakida e chashme kabaab hoon
Mai to kaha hi chahun ke banda hoon shah ka
Par lutf jab hai keh dain agar wo janab hoon
Hasrat me khaaq bosi e Taibah ki aay Raza
Tapka jo chashme mahar se wo khoon e naab hoon
Rashq e qamar hoon rang e rukh e aftab hoon
Zarra tera jo aay shahe gardun janaab hoon
رشکِ قمر ہُوں رنگ رُخِ آفتاب ہُوں
ذرّہ تِرا جو اے شہِ گَردُوں جناب ہُوں
دُرِّ نجف ہُوں گوہَرِ پاکِ خوشاب ہُوں
یعنی تُرابِ رہ گزر بُو تُراب ہُوں
گر آنکھ ہُوں تو اَبر کی چشم پُر آب ہُوں
دِل ہُوں تو برق کا دلِ پُر اضطراب ہُوں
خونیں جگر ہُوں طائر بے آشیاں شہا
رنگِ پَرِیدۂ رُخِ گل کا جواب ہُوں
بے اصل و بے ثبات ہُوں بحرِ کرم مدد
پَرْوَرْدَۂ کنارِ سُراب و حَباب ہُوں
عبرت فزا ہے شرمِ گنہ سے مِرا سکوت
گویا لبِ خموشِ لحد کا جواب ہُوں
کیوں نالہ سوزِ لَے کروں کیوں خونِ دل پیوں
سیخِ کباب ہُوں نہ میں جامِ شراب ہُوں
دل بستہ بے قرار، جگر چاک، اشکبار
غنچہ ہوں گل ہُوں برقِ تپاں ہُوں سَحاب ہُوں
دعویٰ ہے سب سے تیری شفاعت پہ بیشتر
دفتر میں عاصیوں کے شہا اِنتخاب ہُوں
مولیٰ دُہائی نظروں سے گِر کر جلا غلام
اشکِ مَژہ رسیدۂ چشم کباب ہُوں
مِٹ جائے یہ خودی تو وہ جلوہ کہاں نہیں
دردا میں آپ اپنی نظر کا حجاب ہُوں
صَدقے ہوں اس پہ نار سے دیگا جو مُخلِصی
بلبل نہیں کہ آتشِ گل پر کباب ہُوں
قالِب تَہی کیے ہمہ آغوش ہے ہلال
اے شہسَوار طیبہ! میں تیری رُکاب ہُوں
کیا کیا ہیں تجھ سے ناز تِرے قصر کو کہ میں
کعبہ کی جان، عرشِ بریں کا جواب ہُوں
شاہا بُجھے سقر مِرے اشکوں سے تانہ میں
آبِ عَبَثْ چکیدۂ چشمِ کباب ہُوں
میں تو کہا ہی چاہوں کہ بندہ ہُوں شاہ کا
پر لُطف جب ہے کہدیں اگر وہ جناب’’ہُوں ‘‘
حسرت میں خاک بوسیِ طیبَہ کی اے رضاؔ
ٹپکا جو چشمِ مہر سے وہ خونِ ناب ہوں