Raah pur khaar hai kya hona hai
Paoon afgaar hai kya hona hai
Khushk hai khoon ke dushman zaalim
Sakht khoon kwhaar hai kya hona hai
Hum ko bid kar wahi karna jis se
Dost bezaar hai kya hona hai
Tan ki ab kaun khabar le hai haike
Dil ka aazaar hai kya hona hai
Meethe sharbat de Masihaa jab bhi
Zid hai inkaar hai kya hona hai
Raah pur khaar hai kya hona hai
Paoon afgaar hai kya hona hai
Dil keh teemaar humaara karta
Aap beemar hai kya hona hai
Par kate tang qafas aur bulbul
Nou gireftaar hai kya hona hai
Chhup ke logo se kiye jis ke gunaah
Woh khabardaar hai kya hona hai
Are o mujrim be parwaa dekh
Sar pe talwaar hai kya hona hai
Raah pur khaar hai kya hona hai
Paoon afgaar hai kya hona hai
Tere beemar ko mere ‘Eesa
Ghash lagaataar hai kya hona hai
Nafs e pur zor ka woh zor aur dil
Zer hai zaar hai kya hona hai
Kaam zindon ke kiye aur humein
Shawk e gulzar hai kya hona hai
Haaye re neend musafir teri
Kooch taiyaar hai kya hona hai
Raah pur khaar hai kya hona hai
Paoon afgaar hai kya hona hai
Door jaanaa hai rahaa din thora
Raah dushwar hai kya hona hai
Ghar bhi jaana hai musafir ke nahin
Mat pe kya maar hai kya hona hai
Jaan halkaan huwi jaati hai
Baar saa baar hai kya hona hai
Paar jaana hai nahin milti naaw
Zor par dhaar hai kya hona hai
Raah pur khaar hai kya hona hai
Paoon afgaar hai kya hona hai
Raah to taig par aur talwon ko
Ghila e khaar hai kya hona hai
Roshni ki humein ‘aadat aur ghar
Teerah woh taar hai kya hona hai
Beech mein aag ka dariya haail
Qasd us paar hai kya hona hai
Uss karri dhoop ko kyun kar jhelein
Shola zan naar hai kya hona hai
Raah pur khaar hai kya hona hai
Paoon afgaar hai kya hona hai
Haaye bigri tu kahaan aakar naaw
‘Ain manjdhaar hai kya hona hai
Kal to deedar ka din aur yahaan
Aankh bekaar hai kya hona hai
Moonh dikhane ka nahin aur sahar
‘Aam darbaar hai kya hona hai
Unko rahem aaye to aaye warna
Woh karri maar hai kya hona hai
Raah pur khaar hai kya hona hai
Paoon afgaar hai kya hona hai
Le woh haakim ke sipahi aaye
Subh e izhaar hai kya hona hai
Waan nahin baat bananay ki majaal
Chaarah iqraar hai kya hona hai
Saath waalon ne yahin chhor diya
Bekasi yaar hai kya hona hai
Aakhri deed hai aao mil lein
Ranjh bekaar hai kya hona hai
Raah pur khaar hai kya hona hai
Paoon afgaar hai kya hona hai
Dil hume tum se lagana hi na tha
Ab safar baar hai kya hona hai
Jaane waalon pe yeh rona kaisa
Banda naachaar hai kya hona hai
Naz’a mein dhyaan nah bat jaaye kahin
Yeh ‘abath pyaar hai kya hona hai
Iska gham hai ke har ik ki soorat
Galle ka haar hai kya hona hai
Raah pur khaar hai kya hona hai
Paoon afgaar hai kya hona hai
Baatein kuch aur bhi tum se karte
Par kahaan waar hai kya hona hai
Kyun Raza kurrhte ho hanste uttho
Jab woh Ghaffaar hai kya hona hai
Raah pur khaar hai kya hona hai
Paoon afgaar hai kya hona hai
راہ پُرخار ہے کیا ہونا ہے
پاؤں افگار ہے کیا ہونا ہے
خشک ہے خون کہ دشمن ظالِم
سخت خونخوار ہے کیا ہونا ہے
ہم کو بِد کر وہی کرنا جس سے
دوست بیزار ہے کیا ہونا ہے
تن کی اب کون خبر لے ہے ہے
دِل کا آزار ہے کیا ہونا ہے
میٹھے شربت دے مسیحا جب بھی
ضِد ہے اِنکار ہے کیا ہونا ہے
دل کہ تیمار ہمارا کرتا
آپ بیمار ہے کیا ہونا ہے
پَر کٹے تنگ قَفَس اور بُلبُل
نو گرفتار ہے کیا ہونا ہے
چھپ کے لوگوں سے کیے جس کے گناہ
وہ خبردار ہے کیا ہونا ہے
ارے او مجرم بے پَروا دیکھ
سر پہ تلوار ہے کیا ہونا ہے
تیرے بیمار کو میرے عیسیٰ
غش لگاتار ہے کیا ہونا ہے
نفس پُرزور کا وہ زور اور دِل
زیر ہے زار ہے کیا ہونا ہے
کام زِنداں کے کیے اور ہمیں
شوقِ گلزار ہے کیا ہونا ہے
ہائے رے نیند مسافر تیری
کُوچ تیّار ہے کیا ہونا ہے
دُور جانا ہے رہا دِن تھوڑا
راہ دُشوار ہے کیا ہونا ہے
گھر بھی جانا ہے مُسافر کہ نہیں
مت پہ کیا مَار ہے کیا ہونا ہے
جان ہَلکان ہوئی جاتی ہے
بار سا بار ہے کیا ہونا ہے
پار جانا ہے نہیں مِلتی ناؤ
زَور پر دَھار ہے کیا ہونا ہے
راہ تو تیغ پر اور تلووں کو
گِلۂ خار ہے کیا ہونا ہے
روشنی کی ہمیں عادَت اور گھر
تیرئہ و تار ہے کیا ہونا ہے
بیچ میں آگ کا دَریا حائِل
قصد اس پار ہے کیا ہونا ہے
اس کڑی دُھوپ کو کیوں کر جھیلیں
شعلہ زَن نار ہے کیا ہونا ہے
ہائے بِگڑی تو کہاں آ کر ناؤ
عین منجدھار ہے کیا ہونا ہے
کل تو دیدار کا دن اور یہاں
آنکھ بے کار ہے کیا ہونا ہے
مُنھ دکھانے کا نہیں اور سحر
عام دَربار ہے کیا ہونا ہے
ان کو رَحم آئے تو آئے ورنہ
وہ کڑی مار ہے کیا ہونا ہے
لے وہ حاکِم کے سپاہی آئے
صبح اظہار ہے کیا ہونا ہے
واں نہیں بات بنانے کی مجال
چارہ اِقرار ہے کیا ہونا ہے
ساتھ والوں نے یہیں چھوڑ دیا
بے کسی یار ہے کیا ہونا ہے
آخری دید ہے آؤ مِل لیں
رنج بے کار ہے کیا ہونا ہے
دل ہمیں تم سے لگانا ہی نہ تھا
اب سفر بار ہے کیا ہونا ہے
جانے والوں پہ یہ رونا کیسا
بندہ ناچار ہے کیا ہونا ہے
نزع میں دھیان نہ بٹ جائے کہیں
یہ عبث پیار ہے کیا ہونا ہے
اس کا غم ہے کہ ہر اک کی صورت
گلے کا ہار ہے کیا ہونا ہے
باتیں کچھ اور بھی تم سے کرتے
پر کہاں وار ہے کیا ہونا ہے
کیوں رضاؔ کُڑھتے ہو ہنستے اُٹھو
جب وہ غفّار ہے کیا ہونا ہے