Paat wo kuch dhaar ye kuch zaar hum
Yaa Ilaahi kyun kar utrein paar hum
Kis bala ki mai se hain sarshaar hum
Din dhala hote nahin hushiyaar hum
tum karam se mushtari har aib ke
Jins e na maqbool har baazar hum
Dushmanon ki aankh mein bhi phool tum
Doston ki bhi nazar mein khaar hum
Laghzish e paa ka Sahara ek tum
Girne waale laakhon na hinjaar hum
Paat wo kuch dhaar ye kuch zaar hum
Yaa Ilaahi kyun kar utrein paar hum
Sadqa apne baazuon ka almadad
Raise torein ye bute pindaar hum
Dam qadam ki khair aay jaan e maseeh
Dar pe laaye hain dil e beemar hum
Apni rehmat ki taraf dekhein Huzoor
Jaante hain jaise hain badkaar hum
Apne mehmaano ka sadqa ek boond
Mar mite pyaase idhar Sarkaar hum
Paat wo kuch dhaar ye kuch zaar hum
Yaa Ilaahi kyun kar utrein paar hum
Apne koocha se nikaala to na do
Hain to had bhar ke khudai khwaar hum
Haath utha kar ek tukra aay Kareem
Hain sakhi ke maal mein haqdaar hum
Chaandni chatki hai unke noor ki
Aao dekhein sair e toor o naar hum
Himmat aay za’af unke dar par gir ke hoon
Be takalluf saaya e deewar hum
Paat wo kuch dhaar ye kuch zaar hum
Yaa Ilaahi kyun kar utrein paar hum
Ba ataa tum shah tum mukhtaar tum
Be nawa hum zaar hum naa chaar hum
tum ne to laakhon ko jaanein pher deen
Aisa kitna rakhte hain aazaar hum
Apni sattaari ka Yaa Rab waasta
Hoon na ruswa bar sar e darbaar hum
Itni arz e aakhri keh do koi
Naaw tooti aa paray manjhdaar hum
Paat wo kuch dhaar ye kuch zaar hum
Yaa Ilaahi kyun kar utrein paar hum
Munh bhi dekha hai kisi ke afw ka
Dekh ow isiyaan nahin be yaar hum
Main nisaar aisa musalmaan kijiye
Tor daalein nafs ka zunnaar hum
Kab se phailaye hai daaman tegh e ishq
Ab to paayein zakhm daaman daar hum
Sunniyat se khatke sab ki aankh mein
Phool ho kar ban gaye kya khaar hum
Paat wo kuch dhaar ye kuch zaar hum
Yaa Ilaahi kyun kar utrein paar hum
Naatawani ka bhala ho ban gayay
Naqsh e paaye talibaan e yaar hum
Dil ke tukre nazr e haazir laaye hain
Aye sagaan e koocha e dildaar hum
Qismat e soor o hiraa ki hirs hai
Chahte hai dil mein gehra ghaar hum
Chashm pooshi o karam shaan e shumaa
Kaar e maa be baaki o israar hum
Paat wo kuch dhaar ye kuch zaar hum
Yaa Ilaahi kyun kar utrein paar hum
Fasl gul sabzah saba masti shabaab
Chorein kis dil se dar e khumaar hum
Maikadah chut ta hai lillah saaqiya
Ab ke saaghar se na hon hushiyaar hum
Saaqi e tasneem jab tak aa na jayein
Aye siyah masti na hon hushiyaar hum
Naazishein karte hain aapas mein malak
Hain ghulaamaan e shahe abraar hum
Paat wo kuch dhaar ye kuch zaar hum
Yaa Ilaahi kyun kar utrein paar hum
Lutf az khoo raftagi Yaa Rab naseeb
Hon shaheed e jalwa e raftaar hum
Un ke aage dawa e hasti Raza
Kya bake jaata hai ye har baar hum
Paat wo kuch dhaar ye kuch zaar hum
Yaa Ilaahi kyun kar utrein paar hum
پاٹ وہ کچھ دَھار یہ کچھ زَار ہم
یاالٰہی کیوں کر اُتریں پار ہم
کس بَلا کی مے سے ہیں سَرشار ہم
دِن ڈھلا ہوتے نہیں ہُشیار ہم
تُم کرم سے مُشْتَری ہر عیب کے
جِنْسِ نامقبولِ ہر بازار ہم
دُشمنوں کی آنکھ میں بھی پھول تم
دوستوں کی بھی نظَر میں خار ہم
لغزشِ پا کا سہارا ایک تم
گِرنے والے لاکھوں ناہَنجار ہم
صَدقہ اپنے بازووں کا المدد
کیسے توڑیں یہ بُتِ پِنْدار ہم
دم قدم کی خیر اے جان مسیح
دَر پہ لائے ہیں دلِ بیمار ہم
اپنی رحمت کی طرف دیکھیں حضور
جانتے ہیں جیسے ہیں بدکار ہم
اپنے مہمانوں کا صَدقہ ایک بُوند
مَر مِٹے پیاسے ادھر سرکار ہم
اپنے کُوچہ سے نِکالا تو نہ دو
ہیں تو حد بھر کے خدائی خوار ہم
ہاتھ اُٹھا کر ایک ٹکڑا اے کریم
ہیں سخی کے مال میں حقدار ہم
چاندنی چھٹکی ہے اُن کے نور کی
آؤ دیکھیں سیر طور و نار ہم
ہمت اے ضعف ان کے دَر پر گِر کے ہوں
بے تکلّف سایۂ دیوار ہم
با عطا تم شاہ تم مختار تم
بے نوا ہم زار ہم ناچار ہم
تم نے تو لاکھوں کو جانیں پھیر دِیں
ایسا کتنا رکھتے ہیں آزار ہم
اپنی سَتّاری کا یارب واسطہ
ہَوں نہ رُسوا بر سرِ دَربار ہم
اتنی عرْضِ آخِری کہہ دو کوئی
ناؤ ٹُوٹی آ پڑے منجدھار ہم
مُنھ بھی دیکھا ہے کسی کے عَفو کا
دیکھ او عصیاں نہیں بے یار ہم
میں نثار ایسا مسلماں کیجے
توڑ ڈالیں نفْس کا زُنّار ہم
کب سے پھیلائے ہیں دامن تیغِ عشق
اب تو پائیں زخمِ دامن دار ہم
سُنّیت سے کھٹکے سب کی آنکھ میں
پھول ہو کر بن گئے کیا خار ہم
ناتوانی کا بَھلا ہو بن گئے
نقشِ پائے طالبانِ یار ہم
دل کے ٹکڑے نَذْرِ حاضر لائے ہیں
اے سگانِ کُوچۂ دِلدار ہم
قِسمتِ ثور و حِرا کی حِرْص ہے
چاہتے ہیں دل میں گہرا غار ہم
چشم پوشی و کرم شانِ شُما
کارِ ما بے باکی و اِصرار ہم
فَصْلِ گل سبزہ صبا مستی شباب
چھوڑیں کس دل سے درِ خُمَّار ہم
میکدہ چھٹتا ہے لِلّٰہ ساقیا
اب کے ساغر سے نہ ہوں ہشیار ہم
ساقِیٔ تسنیم جب تک آ نہ جائیں
اے سیہ مستی نہ ہوں ہشیار ہم
نازِشیں کرتے ہیں آپس میں مَلک
ہیں غلامانِ شہِ اَبرار ہم
لطفِ اَز خود رَفْتَگی یارب نصیب
ہوں شہید جلوۂ رفتار ہم
اُن کے آگے دعویِ ہستی رضاؔ
کیا بکے جاتا ہے یہ ہر بار ہم