Jo banon par hai bahar e chaman aarai e dost
Khuld ka naam na le bulbul e shaidaayi e dost
Thak ke beithe to dar e dil pe tamannai e dost
Kaun se ghar ka ujala nahin zebai e dost
Arsa e hashr kuja mawqaf e mahmood kuja
Saaz hangaamon se rakhti nahi yaktai e dost
Mehr kis munh se jaluw daari janan karta
Saaya ke naam se bezaar hai yaktaai e dost
Marne waalon ko yahaan milti hai umr e javed
Zinda choregi kisi ko na maseehai e dost
Jo banon par hai bahar e chaman aarai e dost
Khuld ka naam na le bulbul e shaidaayi e dost
Unko yakta kiya aur khalq banai ya’ani
Anjuman karke tamasha karein tanhai e dost
Ka’aba o arsh mein kohraam hai naa kami ka
Aah kis bazm mein hai jalwa e yaktaai e dost
Husne be pardah ke parde ne mitta rakha hai
Dhoondne jaayein kahaanjalwa e har jaai e dost
Shauq roke na ruke paaon uthaie na uthe
Kaisi mushkil me hain Allah tamannai e dost
Jo banon par hai bahar e chaman aarai e dost
Khuld ka naam na le bulbul e shaidaayi e dost
Sharm se jhukti hain mehraab ke saajid hain Huzoor
Sajdah karwaati hai Ka’aba se jabeen saayi e dost
Taaj waalo ka yahaan khaak pe maatha dekha
Saarey daaraoon ki daaraa hoyi daaraai e dost
Toor par koyi koyi charakh pe ye arsh se paar
Saare baalaon pe baala rahi baalaai e dost
Anta fee him ne adoo ko bhi liya daaman mein
Aishe jaaved Mubarak tujhe shaidai e dost
Ranj e aada ka Raza chaarah hi kya hai ke unhein
Aap gustaakh rakhe halm o shakeebaai e dost
Jo banon par hai bahar e chaman aarai e dost
Khuld ka naam na le bulbul e shaidaayi e dost
جوبنوں پر ہے بہارِ چمن آرائی دوست
خُلد کا نام نہ لے بُلبلِ شیدائی دوست
تھک کے بیٹھے تو درِ دِل پہ تَمَنَّائی دوست
کون سے گھر کا اُجالا نہیں زیبائی دوست
عرصۂ حشر کجا موقفِ محمود کجا
ساز ہنگاموں سے رکھتی نہیں یکتائی دوست
مہر کس منھ سے جلو داریِ جاناں کرتا
سایہ کے نام سے بیزار ہے یکتائی دوست
مرنے والوں کو یہاں ملتی ہے عمر جاوید
زندہ چھوڑے گی کسی کو نہ مسیحائی دوست
ان کو یکتا کیا اور خلق بنائی یعنی
اَنجمن کر کے تماشا کریں تنہائی دوست
کعبہ و عرش میں کہرام ہے ناکامی کا
آہ کِس بزم میں ہے جلوئہ یکتائی دوست
حسن بے پردہ کے پردے نے مٹا رکھا ہے
ڈُھونڈنے جائیں کہاں جلوئہ ہرجائی دوست
شوق روکے نہ رُکے پاؤں اُٹھائے نہ اُٹھے
کیسی مشکِل میں ہیں اﷲ تَمَنَّائی دوست
شرم سے جھکتی ہے محراب کہ ساجد ہیں حضور
سجدہ کرواتی ہے کعبہ سے جبیں سائی دوست
تاج والوں کا یہاں خاک پہ ماتھا دیکھا
سارے داراؤں کی دارا ہوئی دارائی دوست
طور پر کوئی، کوئی چرخ پہ یہ عرش سے پار
سارے بالاؤں پہ بالا رہی بالائی دوست
اَنْتَ فِیْہِمْ نے عَدُوْ کو بھی لیا دامن میں
عیشِ جاوید مبارک تجھے شیدائی دوست
رَنجِ اَعدا کا رضاؔ چارہ ہی کیا ہے جب انھیں
آپ گستاخ رکھے حلم و شکیبائی دوست