Na aasmaan ko yoon sar kasheedah hona tha
Huzoor e khaak e Madinah khameedah hona tha
Agar gulon ko khizaan naa raseedah hona tha
Kinaar e khaar e Madinah dameedah hona tha
Huzoor un ke khilaaf e adab thi betaabi
Meri umeed tujhe aar meedah hona tha
Na aasmaan ko yoon sar kasheedah hona tha
Huzoor e khaak e Madinah khameedah hona tha
Nazarah khaak e Madinah ka aur teri aankh
Na is qadar bhi qamar shaukh deedah hona tha
Kinaar e khaak e Madinah mein rahatein milti
Dil e hazeen tujhe ashk chakeedah hona tha
Na aasmaan ko yoon sar kasheedah hona tha
Huzoor e khaak e Madinah khameedah hona tha
Panaah e daaman e dasht e Haram mein chain aata
Na sabr e dil ko ghazaal e rameedah hona tha
Ye kaise khulta ke unke siwa shafee nahin
‘Abath na auron ke aage tapeedah hona tha
Na aasmaan ko yoon sar kasheedah hona tha
Huzoor e khaak e Madinah khameedah hona tha
Hilaal kaise na banta ke maah e kaamil ko
Salaam e abroo e Shah mein khameedah hona tha
La amla anna jahannam tha wa’dah e azali
Na munkiron ka ‘abath bad ‘aqeedah hona tha
Na aasmaan ko yoon sar kasheedah hona tha
Huzoor e khaak e Madinah khameedah hona tha
Naseem kyun na shameem un ki Taiba se laati
Ke subh e gul ko girebaan dareedah hona tha
Tapakta rang e junoon ‘ishq e Shah me har gul se
Rag e bahaar ko nishtar raseedah hona tha
Na aasmaan ko yoon sar kasheedah hona tha
Huzoor e khaak e Madinah khameedah hona tha
Baja tha ‘arsh pe khaak e mazaar e paak ko naaz
Ke tujh sa arsh nashin aafreedah hona tha
Guzarte jaan se ek shor e Yaa Habeeb ke saath
Fughaan ko naala e halq bureedah hona tha
Na aasmaan ko yoon sar kasheedah hona tha
Huzoor e khaak e Madinah khameedah hona tha
Mere kareem gunah zeher hai magar aakhir
Koi to shahed e shafa’at chasheedah hona tha
Jo sang e dar pe jabeen saaiyon mein tha mitna
To meri jaan sharaar e jaheedah hona tha
Na aasmaan ko yoon sar kasheedah hona tha
Huzoor e khaak e Madinah khameedah hona tha
Teri quba ke na kyun neeche neeche daaman hon
Ke khaaksaaro se yaan kab kasheedah hona tha
Raza jo dil ko banana tha jalwah gaah e Habeeb
Tu pyaare qaid e khudi say raheedah hona tha
Na aasmaan ko yoon sar kasheedah hona tha
Huzoor e khaak e Madinah khameedah hona tha
نہ آسمان کو یوں سرکَشیدہ ہونا تھا
حضورِ خاکِ مَدینہ خمیدہ ہونا تھا
اگر گلوں کو خزاں نارسیدہ ہونا تھا
کنارِ خارِ مَدینہ دَمیدہ ہونا تھا
حضور اُن کے خلافِ اَدب تھی بیتابی
مِری امید! تجھے آرمیدہ ہونا تھا
نظارہ خاکِ مَدینہ کا اور تیری آنکھ
نہ اسقدر بھی قمر شوخ دِیدہ ہونا تھا
کنارِ خاکِ مدینہ میں راحتیں ملتیں
دلِ حزیں ! تجھے اَشک چکیدہ ہونا تھا
پناہِ دامنِ دَشتِ حرم میں چین آتا
نہ صبر دل کو غزالِ رَمیدہ ہونا تھا
یہ کیسے کھلتا کہ انکے سِوا شفیع نہیں
عَبَث نہ اَوروں کے آگے تپیدہ ہونا تھا
ہلال کیسے نہ بنتا کہ ماہِ کامل کو
سلامِ اَبروئے شَہ میں خمیدہ ہونا تھا
لَاَمْلَئَنَّ جَہَنَّم تھا وَعْدئہ اَزَلی
نہ مُنکروں کا عَبَث بدعقیدہ ہونا تھا
نسیم کیوں نہ شمیم ان کی طیبہ سے لاتی
کہ صبحِ گل کو گریباں دَریدہ ہونا تھا
ٹپکتا رنگِ جنوں عشقِ شہ میں ہر گل سے
رگِ بَہار کو نشتر رَسیدہ ہونا تھا
بجا تھا عرش پہ خاکِ مزارِ پاک کو ناز
کہ تجھ سا عرش نشیں آفریدہ ہونا تھا
گزرتے جان سے اک شور ’’یاحبیب‘‘ کے ساتھ
فُغاں کو نالۂ حلق بُریدہ ہونا تھا
مِرے کریم گنہ زہر ہے مگر آخر
کوئی تو شہدِ شفاعت چشیدہ ہونا تھا
جو سنگِ دَر پہ جبیں سائیوں میں تھا مِٹنا
تو میری جان شرارِ جہیدہ ہونا تھا
تِری قبا کے نہ کیوں نیچے نیچے دامن ہوں
کہ خاکساروں سے یاں کب کشیدہ ہونا تھا
رضاؔ جو دل کو بنانا تھا جلوہ گاہِ حبیب
تو پیارے قید خودی سے رہیدہ ہونا تھا