Kya mahektay hain mehekney wale
Boo pe chaltay hain bhatakney wale
Jag maga uthi meri gor ki khaak
Tere qurbaan chamakney wale
Mah e be daagh ke sadqe jaaun
Yoon damaktey hain damakney wale
‘Arsh tak phaili hai taabe ‘aariz
Kya jhalaktey hain jhalakney wale
Gul e Taiba ki thana gaatey hain
Nakhl e toobaa pe chahekney wale
Kya mahektay hain mehekney wale
Boo pe chaltay hain bhatakney wale
Aasiyo! thaam lo daaman un ka
Woh nahin haath jhatakney wale
Abr e rehmat ke salaami rehna
phaltey hain paude lachakney wale
Arey yeh jalwa gahe jaana hai
Kuch adab bhi hai pharrakney wale
Sunniyo! Un se madad maange jaao
Parrey bakte rahein bakney wale
Kya mahektay hain mehekney wale
Boo pe chaltay hain bhatakney wale
Sham e yaad e rukh e jaana na bujhe
Khaak ho jaayen bharakney wale
Maut kehti hai ki jalwa hai kareeb
Ek zara so lein bilakney wale
Koi un tez rawon se keh do
Kis ke ho kar rahain thakney wale
Dil sulagta hai bhalaa hai ey zabt
Bujh bhi jaate hain dahekney wale
Kya mahektay hain mehekney wale
Boo pe chaltay hain bhatakney wale
Hum bhi kumhlane se ghaafil thai kabhee
Kya hansain ghunchey chatakney wale
Nakhl se chat ke yeh kya haal huwa
Aah o patte kharakne wale
Jab gire moonh soo e may khaana tha
Hosh mein hai yeh bahakney wale
Dekh aw zakhme dil aape ko sambhaal
Phoot behte hain tapakne wale
Kya mahektay hain mehekney wale
Boo pe chaltay hain bhatakney wale
May kahaan aur kahaan mein zaahid
Yoon chahaktey hain chahakne wale
Kaf e dariya e karam mein hain Raza
Paanch fawaarey chalakne wale
Kya mahektay hain mehekney wale
Boo pe chaltay hain bhatakney wale
کیا مہکتے ہیں مہکنے والے
بو پہ چلتے ہیں بھٹکنے والے
جگمگا اُٹھی مِری گور کی خاک
تیرے قربان چمکنے والے
مہِ بے داغ کے صَدقے جاؤں
یُوں دمکتے ہیں دمکنے والے
عرش تک پھیلی ہے تابِ عارِض
کیا جھلکتے ہیں جھلکنے والے
گلِ طیبہ کی ثنا گاتے ہیں
نخلِ طوبیٰ پہ چہکنے والے
عاصیو! تھام لو دامن اُن کا
وہ نہیں ہاتھ جھٹکنے والے
ابر رحمت کے سَلامی رہنا
پھلتے ہیں پودے لچکنے والے
ارے یہ جلوہ گہِ جاناں ہے
کچھ اَدَب بھی ہے پھڑکنے والے
سُنّیو! ان سے مَدَد مانگے جاؤ
پڑے بکتے رہیں بکنے والے
شمع یادِ رُخِ جاناں نہ بجھے
خاک ہو جائیں بھڑکنے والے
مَوت کہتی ہے کہ جلوہ ہے قریب
اِک ذرا سو لیں بلکنے والے
کوئی اُن تیز رووں سے کہہ دو
کِس کے ہو کر رہیں تھکنے والے
دل سُلگتا ہی بھلا ہے اے ضبط
بُجھ بھی جاتے ہیں دہکنے والے
ہم بھی کمھلانے سے غافِل تھے کبھی
کیا ہنسا غنچے چٹکنے والے
نخل سے چھٹ کے یہ کیا حال ہوا
آہ او پتّے کھڑکنے والے
جب گِرے مُنھ سُوئے میخانہ تھا
ہوش میں ہیں یہ بہکنے والے
دیکھ اَو زَخمِ دِل آپے کو سنبھال
پھوٹ بہتے ہیں تپکنے والے
مے کہاں اور کہاں میں زاہد
یُوں بھی تو چھکتے ہیں چھکنے والے
کفِ دریائے کرم میں ہیں رضاؔ
پانچ فوّارے چھلکنے والے